التىنشى كەزەكتى جىبەك جولى (دۇنحۋاڭ) حالىقارالىق مادەنيەت كورمەسى اشىلدى
2023.09.07 16:58 كەلۋ قاينارى : حالىق تورابى
التىنشى كەزەكتى جىبەك جولى (دۇنحۋاڭ) حالىقارالىق مادەنيەت كورمەسى 9 - ايدىڭ 6 - كۇنى گانسۋدىڭ دۇنحۋاڭ قالاسىندا اشىلدى. وسى رەتكى دۇنحۋاڭ مادەنيەت كورمەسى ”دۇنيە ءجۇزىن بايلانىستىرۋ: مادەنيەت جاعىندا اۋىس - كۇيىس جاساۋ جانە وركەنيەتتەردىڭ ءوزارا ۇلگى الۋى“ اتتى تاقىرىپتا وتكىزىلەدى، باستى قيمىلدار ”ءبىر بەلدەۋ، ءبىر جولدى“ بىرگە كوركەيتۋگە قىزمەت وتەۋ، دۇنحۋاڭ مادەنيەتىنە مۇراگەرلىك ەتۋ جانە ونى ساۋلەلەندىرۋ ارقىلى ەكونوميكا مەن قوعام دامۋىنا دەم بەرۋ قاتارلىلاردى توڭىرەكتەي وتىرىپ ورىستەتىلەدى.
وسى رەتكى دۇنحۋاڭ مادەنيەت كورمەسى ”بەيبىت سەلبەسۋ، اشىق ءارى كەڭ پەيىل بولۋ، ءوزارا ۇيرەنىپ، ءوزارا ۇلگى الۋ، ءوزارا تيىمدىلىك جەتكىزىپ، بىرگە يگىلىكتەنۋ“ سىندى جىبەك جولى رۋحىن جالعاستىرىپ، بىرگە كەڭەسۋ، بىرگە كوركەيتۋ، بىرگە يگىلىكتەنۋگە نازاردى شوعىرلاندىرادى. ”دۇنحۋاڭ تالقى مىنبەرى“ اتتى ءبىر تۇتاس اتتى قولدانۋ ارقىلى ”جىبەك جولى مادەنيەتىنە مۇراگەرلىك ەتۋ جانە وركەنيەتتىڭ جاڭا كۇيى جونىندەگى تالقى مىنبەرى“ قاتارلى 13 رەتكى تالقى مىنبەرىن وتكىزەدى، وسى ارقىلى جىبەك جولى مادەنيەتىنىڭ ءنارىن ىشكەرىلەي كادەگە جاراتىپ، مادەني مۇرانى قورعاۋدىڭ ۇلگىسىن جانە دۇنحۋاڭ تانۋ جاعىنداعى بيىك بەلەستى كۇش سالا قالىپتاستىرادى.
سونىمەن بىرگە، وسى رەتكى مادەنيەت كورمەسى مەزگىلىندەگى كورگىزبە قيمىلدارى جاعىندا، جىبەك جولى اعاش تاقتايشا مادەني مۇرالار كورمەسى قاتارلى ەرەكشەلىككە يە كورمەلەر وتكىزىلىپ، جىبەك جولىنىڭ بويىنداعى تاڭداۋلى مادەني مۇرالار، كوركەمونەر تۋىندىلارى، مادەني جاسامپازدىق ونىمدەرى ارقىلى دۇنحۋاڭنىڭ جىبەك جولىنداعى ماڭىزدى بەكەت رەتىندە ءارقايسى وركەنيەتتەردىڭ توعىسۋى بارىسىندا قالىپتاستىرعان ەرەكشەلىككە يە تاريحي، مادەني مۇرالارى جايلى باياندايدى.
دۇنحۋاڭ مادەنيەت كورمەسى ەلىمىزدەگى ”ءبىر بەلدەۋ، ءبىر جول“ مادەنيەت اۋىس - كۇيىسىن باستى تاقىرىپ ەتكەن بىردەن - ءبىر حالىقارالىق مادەنيەت كورمەسى، 2016 - جىلدان بەرى ءار جىلى ءبىر رەت وتكىزىلىپ كەلەدى.
بيىل گانسۋ ولكەلىك ۇكىمەت شينجياڭ ۇيعۇر اۆتونوميالى رايونىن التىنشى كەزەكتى جىبەك جولى (دۇنحۋاڭ) حالىقارالىق مادەنيەت كورمەسىندەگى ولكەلەر اراسىنداعى باستى قوناق بولۋعا ۇسىنىس ەتتى. بۇل دۇنحۋاڭ مادەنيەت كورمەسىنىڭ تۇڭعىش رەت ولكەلەر اراسىنداعى باستى قوناق ورنىن دايىنداۋى بولىپ تابىلادى. (باس ستانسيا ورتالىق تەلەۆيزيا ءتىلشىسى ليۋ لۇڭ، ۋىن تيانيۋە)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
