”جاپونيا قالا تۇرعىندارىنىڭ شينجياڭعا ساپارى“ ەكسكۋرسيالاۋ - ساپارلاۋ ۇيىرمەسى:
”قايتىپ بارعاننان كەيىن، قاشقاردى ماڭايىمىزداعى ادامدارعا، ءسوز جوق، تانىستىرامىز“
2023.09.12 15:30 كەلۋ قاينارى : شينجياڭ گازەتى
ەرىكتى ءتىلشى چىن چاۋ 9 - ايدىڭ 9 - كۇنى قاشقاردان حابارلايدى. 9 - ايدىڭ 8 - كۇنى ”جاپونيا قالا تۇرعىندارىنىڭ شينجياڭعا ساپارى“ بويىنشا 2 - توپتاعى ەكسكۋرسيالاۋ - ساپارلاۋ ۇيىرمەسىندەگى 18 ادام قاشقارعا كەلىپ ەكسكۋرسيادا، ساپاردا بولدى.
ەكسكۋرسيالاۋ - ساپارلاۋ ۇيىرمەسىنىڭ مۇشەلەرى ىلگەرىندى - كەيىندى قاشقار بايىرعى قالاسى، ايتكار مەشىتى، قاشقار قالاسىنىڭ كونە قالا رايونىن قورعاۋ، كەشەندى وڭاۋ ەسكەرتكىش سارايى سياقتى جەرلەرگە بارىپ ەكسكۋرسيالاپ، جەرگىلىكتى بۇقارامەن ىشكەرىلەي پىكىر اۋىستىردى. ولار شينجياڭنىڭ قوعام ورنىقتىلىعى، ەكونوميكالىق دامۋى، حالىق تۇرمىسىن جاقسارتۋ، ءدىن تاتۋلىعى، مادەنيەتتى گۇلدەندىرۋ سياقتى جاقتاردا قول جەتكىزگەن تابىستارىن القادى.
”قاشقارعا بارماساڭ، شينجياڭعا بارماعانمەن بىردەي، بايىرعى قالاعا بارماساڭ، قاشقارعا بارماعانمەن بىردەي“. قاشقار بايىرعى قالاسى دۇنيە جۇزىندەگى قازىرگى ساقتالۋ كولەمى ەڭ ۇلكەن بالشىق كەرپىش قۇرىلىس شوعىرىنىڭ ءبىرى، سونداي - اق شينجياڭداعى ەڭ ۋاكىلدىك سيپاتقا يە تاريحي گۋمانيتارلىق كورىنىس ءوڭىرى. دۋماندى ەسىك اشۋ سالتى ەكسكۋرسيالاۋ - ساپارلاۋ ۇيىرمەسىندەگى ءاربىر مۇشەنى جابال تەلەفوندارىن الىپ، سۋرەتكە تارتىپ، ەستەلىككە الۋعا باۋرادى.
”بۇل ءبىر’ومىرشەڭ‘ بايىرعى قالا ەكەن“! قاشقار بايىرعى قالاسىنا بارعاندا، وساكا ۇكىمەتى جۇڭگو − جاپونيا دوستىق قوعامىنداعى پيڭجيڭ داۋميڭ ءالسىن - ءالى ءسۇيىنىش ءبىلدىرىپ: ”ءار ۇلت حالقىنىڭ بايىرعى قالاداعى تۇرمىسى، ساۋدامەن اينالىسۋى، ءبار - ءبارى دە بەرەكەگە تولى ەكەن“، - دەدى.
”جۇڭگو ۇكىمەتىنىڭ بايىرعى قالا رايونىن جاڭالاۋ شاراسى جانە تابىسى ادامدى سۇيىندىرەدى. بۇل ءبىر ۇلى ينجەنەريا“، وكاياما قالاسى جاپونيا − جۇڭگو دوستىق قوعامىنىڭ ورىنباسار باستىعى حيجۋ جاۋزى قاشقار قالاسىنىڭ كونە قالا رايونىن قورعاۋ، كەشەندى وڭاۋ ەسكەرتكىش سارايىن ەكسكۋرسيالاعاندا: ”قاشقار بايىرعى قالاسىن جاڭالاۋ بارىسىندا، ۇكىمەت بايىرعى قالانىڭ تاريحي كەلبەتىن ساقتاپ قالۋعا كۇش سالىپتى، بايىرعى قالانىڭ بايىرعى كەلبەتىنەن جازباۋىنا، سونداي - اق وسىزاماندانۋ الا كەلگەن قولايلىلىقتاردى قولدان بەرمەۋگە دە مۇمكىندىك جاسالىپتى، - دەدى سۇيىنە.
ايتكار مەشىتىنىڭ عيبادات ەتۋ زالىنىڭ ىشىنە ىلىنگەن قابىرعا كىلەم كوپشىلىكتىڭ نازارىن اۋداردى، قابىرعا كىلەمنىڭ قاق ورتاسىنداعى ءبىر ۇلكەن انار گۇلىن ونىڭ توڭىرەگىندەگى 56 كىشكەنە انار گۇلى قورشاي ورنالاسقان، گۇل بۇتاقتارى تۇگەلدەي تىعىز ۇلاسقان، بۇل ءار ۇلت اناردىڭ دانىندەي تىعىز ۇيىسقان دەگەن ءمان بەرەدى. ”جۇڭگو ءدىني سەنىم ەركىندىگى ساياساتىن دايەكتىلەندىرىپتى“، ايتكار مەشىتىن ەكسكۋرسيالاعان جاپونيالىق بۇقارا نيشان شيۇڭسى بىلاي دەدى: وسى ءدىني قيمىل ورنىنىڭ سالىنۋى جۇڭگو ۇكىمەتىنىڭ دىنگە سەنەتىن بۇقاراعا كوڭىل بولەتىندىگىن اڭعارتادى، ءدىني قيمىل ورىندارى شارت - جاعدايىنىڭ ۇزدىكسىز جاقسارۋى دىنگە سەنەتىن بۇقاراعا اسا زور قولايلىلىقتار جاساعان ەكەن.
تۇڭعىش رەت قاشقارعا كەلگەن جاپونيالىق بۇقارا بۋچۋان چاڭحۇڭ بىلاي دەدى: ”بۇرىن قاشقار جونىندە ەستۋىم بار بولاتىن، وسى رەت ءساتى ءتۇسىپ ءوز كوزىممەن كوردىم، وسىنشا جاقسى داميتىنىن ويلاماعان ەكەنمىن. قالا وتە ومىرشەڭدىك كۇشكە تولى، اسا دۋماندى ەكەن، ءار ۇلت حالقى بۇل ارادا وتە باقىتتى تۇرمىس كەشىرىپ جاتىپتى، مەن شينجياڭنىڭ گۋمانيتارلىق باۋرامدىلىعىن سەزىندىم، ءدامدى تاعامدارى مەن قاۋىن - قاربىز، جەمىس - جيدەكتەرى ماعان تەرەڭ اسەر قالدىردى. قايتىپ بارعاننان كەيىن، قاشقاردى ماڭايىمداعى ادامدارعا، ءسوز جوق، تانىستىرامىن“.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
