الدىڭعى 7 ايدا شينجياڭ 34 ميلليارد 850 ميلليون يۋان حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتىن تاراتتى
2023.09.12 15:29 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ران حۋ 9 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋىمىزشا، الدىڭعى 7 ايدا شينجياڭ حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات قارجىسىن ”ءبىر كارتچكامەن“ تاراتۋ، باسقارۋ ينفورماتسيا جۇيەسى ارقىلى 28 ءتۇرلى حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات قارجىسىن قوسىمشا قاراجات الاتىن وبيەكتىلەردىڭ قوعامدىق قامسىزداندىرۋ كارتچكاسىنا تىكە اۋداردى، مۇندا جالپى 34 ميلليارد 853 ميلليون يۋان تاراتىلىپ، 4 ميلليون 465 مىڭ 500 بۇقارا يگىلىگىن كورگەن.
شينجياڭ ”ءبىر كارتچكامەن“ ارناۋلى باسقارۋ قىزمەتىن سايكەستىرۋ گرۋپپاسى كەڭسەسىنىڭ ورىنباسار مەڭگەرۋشىسى جاڭ جيانفىڭ بىلاي دەپ تانىستىردى: حالىققا تيىمدىلىك جاساۋ، شارۋالارعا تيىمدىلىك جاساۋ قارجىسى قازىنالىق قوسىمشا قاراجات قارجىسىن قاتىستى ساياسات - بەلگىلەمەلەرگە ساي ءار دارەجەلى ۇكىمەتتەر مەجە ەسەپ ورنالاستىرىپ، قالا تۇرعىندارىنا جانە ەگىنشى - مالشى سياقتى ارنايى بەلگىلەنگەن قوسىمشا قاراجات الاتىن وبيەكتىلەرگە تىكە تاراتىپ، ارنايى بەلگىلەنگەن ساياساتتىق نىسانالاردى جۇزەگە اسىراتىن ءتۇرلى قوسىمشا قاراجات قارجىسىنا پايدالانادى.
قوسىمشا قاراجات تۇرلەرىنەن قاراعاندا، الدىڭعى 7 ايدا شينجياڭ تاراتقان حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجاتتارىنىڭ ىشىندە الدىڭعى ورىندا تۇرعان تۇرلەر مىنالار: قيىنشىلىعى بار بۇقاراعا بەرىلگەن قۇتقارۋ - كومەكتەسۋ جاردەماقى قاراجاتى 4 ميلليارد 185 ميلليون يۋان بولىپ، بۇكىل شينجياڭ بويىنشا تاراتىلعان جالپى سومانىڭ ％12ىن يەلەدى، ءبىر ميلليون 597 مىڭ 500 ادام يگىلىگىن كوردى؛ ەگىستىك جەردىڭ قۇنارلىلىعىن قورعاۋعا بەرىلگەن قوسىمشا قاراجات 2 ميلليارد 955 ميلليون يۋان بولىپ، بۇكىل شينجياڭ بويىنشا تاراتىلعان جالپى سومانىڭ ％48. 8ىن يەلەدى، ءبىر ميلليون 159 مىڭ 200 ادام يگىلىگىن كوردى؛ جايلىم ەكولوگياسىن قورعاۋعا بەرىلگەن جاردەماقى سيلىق قارجىسى ءبىر ميلليارد 985 ميلليون يۋان بولىپ، بۇكىل شينجياڭ بويىنشا تاراتىلعان جالپى سومانىڭ ％7. 5ىن يەلەدى، 277 مىڭ 100 ادام يگىلىگىن كوردى؛ اۋىل شارۋاشىلىق ماشينالارىن ساتىپ الۋعا بەرىلگەن قوسىمشا قاراجات ءبىر ميلليارد 153 ميلليون يۋان بولىپ، بۇكىل شينجياڭ بويىنشا تاراتىلعان جالپى سومانىڭ ％31. 3ىن يەلەدى، 42 مىڭ 200 ادام يگىلىگىن كوردى؛ جاڭا كەزەكتى ەگىستىكتەن ورماندى، جايلىمدى قالپىنا كەلتىرۋگە بەرىلگەن جاردەماقى 751 ميلليون يۋان بولىپ، بۇكىل شينجياڭ بويىنشا تاراتىلعان جالپى سومانىڭ ％2. 2ىن يەلەدى، 181 مىڭ 900 ادام يگىلىگىن كوردى.
وڭىرلەرگە تارالۋىنان قاراعاندا، قاشقار ايماعى، اقسۋ ايماعى، تارباعاتاي ايماعى بۇكىل شينجياڭ بويىنشا حالىققا تيىمدىلىك جاساۋ، شارۋالارعا تيىمدىلىك جاساۋ قوسىمشا قاراجات قارجىسىن تاراتۋدا الدىڭعى 3 ورىندى يەلەپ، تاراتقان سوماسى جەكە - جەكە 8 ميلليارد 620 ميلليون، 7 ميلليارد 958 ميلليون جانە 4 ميلليارد 262 ميلليون يۋان بولعان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
