جاڭا داۋىردە قايراتتانا كۇرەس جۇرگىزىپ، كەڭ پەيىل، باۋىرمال بولىپ، بولاشاققا بەت الدى
المۇرت قالاسى كورلا مۇگەدەكتەر سپورت جارىسىن، ەرەكشە وليمپيادا سپورت جارىسىن قارسى الدى
2023.09.12 15:38 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى تاڭ كاندۇڭ 9 - ايدىڭ 9 - كۇنى كورلادان حابارلايدى. 9 - ايدىڭ 9 - كۇنى تۇستەن كەيىن شينجياڭ ۇيعۇر اۆتونوميالى رايوندىق 7 - كەزەكتى مۇگەدەكتەر سپورت جارىسى جانە 4 - كەزەكتى ەرەكشە وليمپيادا سپورت جارىسى (قىسقاشا ”مۇگەدەكتەر سپورت جارىسى، ەرەكشە وليمپيادا سپورت جارىسى“ دەلىنەدى) كورلا قالاسىندا باستالدى. رايونىمىزداعى ءار ۇلت مۇگەدەك سپورتشىلارى كونچى وزەنى جاعاسىندا باس قوسىپ، تالىقپايتىن، ەرلىكپەن العا باساتىن دەنە تاربيە رۋحىن ايگىلەپ، قيىنشىلىقتان قورىقپايتىن، سىن - سايىسقا بەتپە - بەت كەلەتىن كۇرەسكەرلىك قاسيەتتى ايگىلەپ، ءبىر نيەتپەن ارمانعا قۇلاش سەرمەۋ، مۇگەدەكتەر مەن ساۋ دەنەلى ادامدار توعىسۋ سىندى ءداۋىر اسقاق ءۇنىن شىعانداتتى.
بۇل اۆتونوميالى رايوندىق 14 - كەزەكتى سپورت جارىسى ءساتتى وتكىزىلگەننەن كەيىن، كورلا قالاسىنىڭ اۆتونوميالى رايوننىڭ كەلەلى جارىسىن تاعى دا وتكىزۋى.
وسى كەزەكتى مۇگەدەكتەر سپورت جارىسى، ەرەكشە وليمپيادا سپورت جارىسى اۆتونوميالى رايون تاريحىندا وتكىزىلگەن تىزىمدەلگەن سپورتشىلاردىڭ سانى ەڭ كوپ، ورتاشا جاسى ەڭ كىشى ءبىر كەزەك، 14 ايماق، وبلىس، قالادان جانە شينجياڭ مۇگەدەكتەر كاسىپتىك ورتا تەحنيكۋم مەكتەبىنەن، شينجياڭ ءوندىرىس - قۇرىلىس بيڭتۋانىنان كەلگەن 16 قۇراما بويىنشا 506 سپورتشى جارىسقا قاتىناستى. مۇنىڭ ىشىندە مۇگەدەكتەر سپورت جارىسىنا 383 سپورتشى، ەرەكشە وليمپيادا سپورت جارىسىنا 123 سپورتشى قاتىناستى، جارىسقا قاتىناسقان سپورتشىلاردىڭ ەڭ كىشىسى 7 جاستا، ەڭ ۇلكەنى 69 جاستا. جارىس 6 ۇلكەن تۇرگە ءبولىنىپ، مۇگەدەكتەر سپورت جارىسىنىڭ اتلەتيكا، سۋدا ءجۇزۋ، ۇستەل دوپ، زىلتەمىر كوتەرۋ سىندى 4 جارىس ءتۇرى مەن ەرەكشە وليمپيادا جارىسىنىڭ اتلەتيكا، ۇستەل دوپ سىندى ەكى ءتۇرىن قامتيدى. جارىس 202 كىشكەنە تۇرگە ءبولىنىپ، 202 التىن مەدال ەنشىلەنەدى.
اۆتونوميالى رايوننىڭ مۇگەدەكتەر سپورت جارىسى جانە ەرەكشە وليمپيادا سپورت جارىسى اۆتونوميالى رايونىمىزداعى كولەمى ەڭ ۇلكەن، دارەجەسى ەڭ جوعارى مۇگەدەكتەر دەنە تاربيە سالتاناتى، ول 4 جىلدا ءبىر رەت وتكىزىلەدى. مۇگەدەكتەر سپورت جارىسى كورۋ قۋاتى كەمتارلار، ەستۋ قۋاتى كەمتارلار، قول - اياعى كەمتارلار قاتىناساتىن سپورت جارىسى. ەرەكشە وليمپيادا سپورت جارىسى اقىل - ويى كەمشىلدەر قاتىناساتىن سپورت جارىسى. قازىر اۆتونوميالى رايون مۇگەدەكتەر سپورت جارىسىن 6 كەزەك، ەرەكشە وليمپيادا سپورت جارىسىن 3 كەزەك ءساتتى وتكىزدى، الدىڭعى كەزەكتى مۇگەدەكتەر سپورت جارىسى، ەرەكشە وليمپيادا سپورت جارىسى 2014 - جىلى 9 - ايدا قارامايلى قالاسىندا وتكىزىلگەن بولاتىن.
ءبىر كەزەك ەستەن كەتپەس، تارتىمدى اۆتونوميالى رايوندىق مۇگەدەكتەر سپورت جارىسىن، ەرەكشە وليمپيادا سپورت جارىسىن وتكىزۋ ءۇشىن، ۇيىمداستىرۋ كوميسسياسى وسى كەزەكتى مۇگەدەكتەر سپورت جارىسىنىڭ، ەرەكشە وليمپيادا سپورت جارىسىنىڭ 2 قۇت بەلگىسىن ارنايى جوبالاپ، جەكە - جەكە جياڭ تيانتيان، جياڭ مەيمەي دەپ ات قويدى. وسى كەزەكتى مۇگەدەكتەر سپورت جارىسىنىڭ، ەرەكشە وليمپيادا سپورت جارىسىنىڭ داۋىرلىك ەرەكشەلىگىن كورنەكتىلەندىرۋ ءۇشىن، سپورت جارىسىنىڭ باس تاقىرىپتى ۇرانى ”جاڭا داۋىردە قايراتتانا شايقاسىپ، باۋىرمالدىقپەن، سۇيىسپەنشىلىكپەن بولاشاققا بەت الۋ“ دەپ بەكىتىلدى، وسى رەتكى سپورت جارىسىن وتكىزۋدەگى ماقسات − بۇكىل قوعامدى ءوزىن تىنباي قۇدىرەتتەندىرىپ، قايسارلىقپەن شايقاسۋ سىندى دەنە تاربيە رۋحىن اسقاقتاتۋعا شابىتتاندىرىپ، مۇگەدەكتەردى باسقا ازاماتتارمەن بىرگە ءوزارا باۋىرمال بولۋعا، جاراسىمدى، تاتۋ - ءتاتتى بولۋعا شابىتتاندىرىپ، جاڭا داۋىردەگى شينجياڭنىڭ دامۋىن جەبەۋ، كوركەم بولاشاقتى بىرگە جاراتۋ جولىندا ىنتىماقتاسا كۇرەس جۇرگىزۋ.
رايونىمىز − مەملەكەت بويىنشا مۇگەدەكتەر سپورت جارىسىن ءبىرشاما ەرتە وتكىزگەن ولكە، تۇڭعىش كەزەكتى كەمتارلار سپورت جارىسى، ياعني مۇگەدەكتەر سپورت جارىسى 1984 - جىلى 6 - ايدا ۇرىمجىدە وتكىزىلگەن، 2006 - جىلى 6 - ايدا تۇڭعىش رەت مۇگەدەكتەر سپورت جارىسى مەن ەرەكشە وليمپيادا سپورت جارىسىن بىرىكتىرىپ وتكىزگەن، 2014 - جىلى 9 - ايدا قارامايلى قالاسىندا تۇڭعىش رەت مۇگەدەكتەر سپورت جارىسى، ەرەكشە وليمپيادا سپورت جارىسى اۆتونوميالى رايوننىڭ سپورت جارىسىمەن ءبىر قالادا ىلگەرىندى - كەيىندى وتكىزىلگەن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
