ەركىن تۇنياز جۇڭگو شينجياڭ دوستىق سەلبەستىك، اۋىس - كۇيىس ۇيىرمەسىن باستاپ كيپردە ساپاردا بولدى
2023.09.13 14:14 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 11 - كۇنى ۇرىمجىدەن حابارلايدى. 9 - ايدىڭ 6 - كۇنىنەن 8 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جۇڭگو شينجياڭ دوستىق سەلبەستىك، اۋىس - كۇيىس ۇيىرمەسىن باستاپ كيپردە ساپاردا بولدى.
كيپردەگى كەزىندە اۋىس - كۇيىس ۇيىرمەسىندەگىلەر كيپر ەڭبەكشى حالىق العاباسار پارتياسىنىڭ (تومەندە قىسقارتىلىپ ”ەڭبەكشى حالىق العاباسار پارتياسى“ دەلىنەدى) باس شۋجيى ستەفانوس ستەفانو، ەڭبەكشى حالىق العاباسار پارتياسىنىڭ ەكونوميكا شۋجيى، ساياسي بيۋروسىنىڭ مۇشەسى نيككس يواننوۋ، ساياحات مينيسترلىگىنىڭ مينيسترى كوستاس كوۋميس، مادەنيەت مينيسترلىگىنىڭ ۇنەمىلىك ىستەرگە جاۋاپتى حاتشىسى يمانۋالا لامبرينيديس، نيكوسيا قالاسىنىڭ باستىعى كونستانتينوس يوركاجيس قاتارلىلارمەن كەزدەستى. كيپر ساۋدا - ونەركاسىپ بىرلەستىگىنىڭ باستىعى كريستودوۋلوس انگاتينيوتيسپەن اڭگىمە ءماجىلىسىن وتكىزدى.
كيپر جاعىنىڭ ساياسي سالاسىنداعىلارمەن، ساۋدا - ونەركاسىپ سالاسىنداعىلارمەن ت.ب كەزدەسىپ، اڭگىمە ءماجىلىسىن وتكىزگەندە ەركىن تۇنياز مىنالاردى ءبىلدىردى: جۇڭگو − كيپر ەكى ەلدىڭ دوستىق قارىم - قاتىناسى ارىدان جالعاسىپ، ۋاقىت وتكەن سايىن بەكەمدەلە ءتۇستى، ءوزارا سەنىم ارتقان دوستار جانە ”ءبىر بەلدەۋ، ءبىر جولدى“ بىرگە قۇرۋداعى سەرىكتەر، ۇلكەن - كىشىلىگى ۇقسامايتىن، ءتۇزىمى تۇرلىشە مەملەكەتتەردىڭ دوستىق بايلانىستا بولۋىنىڭ ۇلگىسى. 2021 - جىلى جۇڭگو مەن كيپردىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى ساتىندە ەكى ەل باسشىلارى جۇڭگو − كيپر قارىم - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرۋدى ءبىر اۋىزدان ۇيعارىپ، ەكى جاقتى قارىم - قاتىناستىڭ ىشكەرىلەي دامۋىنا قۋاتتى قوزعاۋشى كۇش ۇستەدى. بۇل جولعى ساپار ەكى ەل باسشىلارى كەلىسكەن ماڭىزدى ورتاق تانىمدى تياناقتاندىرىپ، جۇڭگو شينجياڭىنىڭ كيپردىڭ ءار سالاسىمەن سەلبەستىكتى، اۋىس - كۇيىستى ونان ارى نىعايتىپ، حالىقارالىق قوعامعا شىنايى شينجياڭنىڭ دامۋ جەتىستىكتەرىن ايگىلەپ، شينجياڭ حيكاياسىن بايانداۋ ءۇشىن بولىپ تابىلادى. ەڭبەكشى حالىق العاباسار پارتياسىنىڭ جاۋاپتىلارىمەن كەزدەسكەندە ەركىن تۇنياز بىلاي دەپ اتاپ كورسەتتى: ەڭبەكشى حالىق العاباسار پارتياسى جۇڭگونىڭ جانە جۇڭگو حالقىنىڭ كونە دوسى، جۇڭگو كوممۋنيستىك پارتياسىنىڭ جاقسى دوسى، جۇڭگو − كيپر دوستىعىنا جانە ءوزارا تيىمدىلىك جەتكىزەتىن سەلبەستىكتى ىلگەرىلەتۋگە ماڭىزدى ۇلەس قوسىپ، جۇڭگو − ەۆروپا قارىم - قاتىناسىنىڭ دامۋىن ىلگەرىلەتۋدە وزگەشە رولىن ساۋلەلەندىردى، ەكى جاقتىڭ دوستىق بارىس - كەلىستى ۇزدىكسىز جيىلەتىپ، ەكى پارتيا دوستىعىنىڭ تەرەڭدەي دامۋىن ىلگەرىلەتۋىن ءۇمىت ەتەمىن.
ەركىن تۇنياز مىنالاردى ءبىلدىردى: شينجياڭ − جۇڭگونىڭ باتىس بولىگىندەگى ىرىستى القاپ، وڭىرلىك ورىن باسىمدىعى ايقىن، بايلىق ارتىقشىلىعى كورنەكتى، ەسىك اشۋ تۇعىرى باسىمدىعى كورنەكتى، ساياحات بايلىعى مول. ورتالىق ۇكىمەت، اسىرەسە، ءتوراعا شي جينپيڭ باستان - اياق شينجياڭنىڭ رەفورما، دامۋ، ورنىقتىلىق ىستەرىن كوكەيىندە ساقتاپ، شينجياڭداعى ءار ۇلت حالقىنا ىقىلاسپەن قارادى. قازىر شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزىپ، تاريحتاعى ەڭ تاماشا گۇلدەنگەن، دامىعان مەزگىلگە قادام تاستادى، شينجياڭ ازيا − ەۆروپا التىن ارناسىن، جۇڭگونىڭ باتىسقا ەسىك اشۋىنداعى الدىڭعى شەبىن تۇلعالاۋعا كۇش سالۋدا. كيپر جاقپەن ”ءبىر بەلدەۋ، ءبىر جولدى“ قول ۇستاسا بىرگە قۇرىپ، ءوزارا ۋاكىلدەر ۇيىرمەسىن جىبەرۋ، تانىستىرۋ ءماجىلىسىن، تالقى مىنبەرىن وتكىزۋ سياقتى كوپ ءتۇرلى فورمامەن ەكونوميكا - ساۋدا، وقۋ - اعارتۋ، مادەنيەت، ساياحات، دوس قالا سياقتى سالالارداعى جانە جەرگىلىكتى ورىندار ارا سەلبەستىكتى كۇشەيتىپ، جۇڭگو − كيپر ستراتەگيالىق سەرىكتەستىك قارىم - قاتىناسىنىڭ دامۋىن بىرگە ىلگەرىلەتۋگە ءتىپتى دە زور ۇلەس قوسۋدى ءۇمىت ەتەمىن.
كيپر جاق مىنالاردى ءبىلدىردى: ءتوراعا شي جينپيڭنىڭ ”ءبىر بەلدەۋ، ءبىر جول“ باستاماسىن العا قويعاندىعىنىڭ 10 جىلدىعى قارساڭىندا جۇڭگو شينجياڭ دوستىق سەلبەستىك، اۋىس - كۇيىس ۇيىرمەسىنىڭ ساپارلاي كەلۋى كەلەلى ءمان الادى. جۇڭگو كوممۋنيستىك پارتياسىنىڭ باسشىلىعىندا شينجياڭنىڭ ءتۇرلى سالادا قول جەتكىزگەن وراسان زور تابىستارىنا شىن جۇرەكتەن سۇيىنەمىز، ”ءبىر بەلدەۋ، ءبىر جول“ دامۋ جۇردەك پويەزىنە شىعۋعا، شينجياڭمەن ناقتى سەلبەستىكتى ورىستەتۋگە تولىق سەنىم ارتىپ وتىرمىز، الداعى جەردە ساياحات، ساۋدا سياقتى جاقتارداعى باسىمدىقتى ساۋلەلەندىرىپ، شينجياڭمەن سەلبەستىكتى بەلسەنە كەڭەيتەمىز.
ساپار كەزىندە شينجياڭ ساۋدانى جەبەۋ كوميتەتى كيپر ساۋدا - ونەركاسىپ بىرلەستىگىمەن قاتىستى سەلبەستىك كەلىسىمدەرىن جاساستى. جۇڭگونىڭ كيپردە تۇراتىن باس ەلشىسى ليۋ يانتاۋ، اۆتونوميالى رايوننىڭ قاتىستى ورىندارىنداعى جاۋاپتىلار، ۇيىرمە قۇرامىنداعى كاسىپورىنداردىڭ ۋاكىلدەرى قاتارلىلار قاتىستى قيمىلدارعا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
