شينجياڭ ءوندىرىس ـ قۇرىلىس بيڭتۋانى 9 ـ شىسى پارتكومىنىڭ بۇرىنعى شۋجيى، ساياسي كوميسسارى ۋاڭ شينگى پارتيادان ايدالدى جانە ۇكىمەت قىزمەتىنەن قالدىرىلدى
2023.09.13 15:26 كەلۋ قاينارى : حالىق تورابى
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى تورابىنىڭ حابارى. شينجياڭ ءوندىرىس - قۇرىلىس بيڭتۋانى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ حابارىنا قاراعاندا، شينجياڭ ءوندىرىس - قۇرىلىس بيڭتۋانى پارتكومىنىڭ بەكىتۋىمەن، شينجياڭ ءوندىرىس - قۇرىلىس بيڭتۋانى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى شينجياڭ ءوندىرىس - قۇرىلىس بيڭتۋانى 9 - شىسى پارتكومىنىڭ بۇرىنعى شۋجيى، ساياسي كوميسسار ۋاڭ شينگىنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: ۋاڭ شينگى مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، ۇيىمنىڭ تەكسەرۋىنە قارسى شىققان؛ ورتالىقتىڭ سەگىز ءتۇرلى بەلگىلەمەسىنىڭ رۋحىنان تيتتەي دە يمەنبەي، ەلەڭ عۇرلى كورمەي، ءوز بىلگەنىن ىستەگەن، پارتيانىڭ 20 - قۇرىلتايىنان كەيىن دە تارتىپكە قاسارىسا قايشىلىق جاساعان، بەلگىلەمەگە قايشى فورمامەن 9 - شى باسشىلىق القاسى مۇشەلەرىن قوناعاسى وتكىزىپ، اراق ىشۋگە ۇيىمداستىرىپ، كۇتىپ الۋ، شىعارىپ سالۋمەن اينالىسىپ، ءىشىپ – جەپ، جامان ىقپال تۋدىرعان؛ بەلگىلەمەگە قايشىلىق جاساپ تارتۋ – تارالعى، اقشا، تۇتىنۋ كارتوچكاسىن العان، بەلگىلەمەگە قايشىلىق جاساپ جەكە قوجايىنداردىڭ ۇكىمەت ىستەرىن ءادىل اتقارۋعا اسەر ەتۋى مۇمكىن بولعان قوناعاسىلارىن قابىلداعان؛ ۇيىمدىق پرينسيپكە قايشىلىق جاساپ، قىزمەت ۇقىعىنان پايدالانىپ، كادرلاردىڭ قىزمەت مىندەتىن ءوسىرۋ، قىزمەت اۋىستىرۋ بارىسىندا باسقالارعا پايدا جەتكىزگەن؛ ۇقىقتى ءوز بەتىمەن ىستەتكەن، اسقان وزىمشىلدىككە سالىنعان، ءتارتىپ پەن زاڭنىڭ سوڭعى شەگىنەن اسىپ، ۇقىق – اقشا ساۋداسىمەن اينالىسقان، قىزمەت قولايلىلىعىنان پايدالانىپ، باسقالارعا ينجەنەريا نىساندارىن كوتەرەگە الۋ، قارجى ەسەبىن جابۋ سياقتى جاقتاردا پايدا جەتكىزگەن، سونداي - اق قوماقتى زاڭسىز مال – مۇلىك قابىلداعان.
ۋاڭ شينگى پارتيانىڭ ساياسي تارتىبىنە، ورتالىقتىڭ سەگىز ءتۇرلى بەلگىلەمەسىنىڭ رۋحىنا، ۇيىمدىق تارتىبىنە جانە پاكتىك تارتىبىنە اۋىر قايشىلىق جاساپ، قىزمەت مىندەتى جاعىندا زاڭعا اۋىر قايشىلىق جاساۋ ءارى پارا الۋ قىلىمس كۇمانىنا شاتىلعان، ونىڭ ۇستىنە پارتيا 18 - قۇرىلتايىنان كەيىن تىزگىنىن تارتپاعان، قولىن تيماعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، شينجياڭ ءوندىرىس - قۇرىلىس بيڭتۋانى ءتارتىپ تەكسەرۋ كوميتەتى تۇراقتى كوميتەتىنىڭ ءماجىلىسىنىڭ اقىلداسۋ جانە شينجياڭ ءوندىرىس - قۇرىلىس بيڭتۋانى پارتكومىنىڭ بەكىتۋىنە جولداۋ ارقىلى ۋاڭ شينگىعا پارتيادان ايداۋ جازاسىن بەرۋدى ۇيعاردى؛ شينجياڭ ءوندىرىس - قۇرىلىس بيڭتۋانى باقىلاۋ - تەكسەرۋ كوميتەتى وعان قىزمەتتەن قالدىرۋ جازاسىن بەردى؛ تارتىپكە، زاڭعا قايشىلىق جاساپ تاپقان تابىسىن قايتارىپ الدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، وعان ساياتىن مال - مۇلىكتى قوسا وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
