شەتەلگە قاشىپ كەتكەن ليڭ يان - ۋ ەلگە قايتارىلدى

2023.09.12 14:50 كەلۋ قاينارى : حالىق تورابى

　　9 – ايدىڭ 7 – كۇنى، ورتالىقتىڭ شىرىكتەسۋگە قارسى تۇرۋدى سايكەستىرۋ گرۋپپاسى حالىقارالىق قاشقىنداردى قۋعىنداۋ، ارام ولجانى قايتارىپ الۋ قىزمەتى كەڭسەسىنىڭ ءبىرتۇتاس جوسپارلاپ سايكەستىرۋىندە، قوعام حاۋىپسىزدىگى مينيسترلىگى قاتارلى تاراۋلاردىڭ جەتەكشىلىك ەتۋىندە، حۋنان ولكەلىك ءتارتىپ تەكسەرۋ، باقىلاۋ – تەكسەرۋ ورگاندارىنىڭ، قوعام حاۋىپسىزدىگى ورگاندارىنىڭ قاتىستى ەلدەردىڭ زاڭ اتقارۋ ورگاندارىمەن تىعىز سەلبەسۋىندە، شەتەلگە قاشىپ كەتكەن لاۋازىمدىق قىلمىس جانە ەكونوميكالىق قىلمىس كۇماندىسى ليڭ يان – ۋ شەتەلدە تورعا ءتۇستى ءارى ەلگە قايتارىلدى.

　　لياڭ يان - ۋ، ەر، 1976 - جىلى 8 – ايدا تۋعان، حۋنان ولكەسى شينكايلۇڭ ساۋدا تيجارات جوسپارلاۋ شەكتى سەرىكتىگىنىڭ بۇرىنعى زاڭدىق ۋاكىلى، پارا بەرۋ، مەملەكەت مەنشىگىندەگى سەرىكتەستىك قىزمەتكەرىمەن بىرگە قىزمەت ۇقىعىنان بەتالدى پايدالانۋ، قارجى توپتاۋ الدامكوستىگى، ەڭبەكاقى بەرۋدەن باس تارتۋ سياقتى قىلمىستارعا شاتىلعان، 2019 – جىلى 2 - ايدا شەتەلگە قاشىپ كەتكەن. دەلونى ءبىر جاقتى ەتۋ ورگانى ارام اقشانى دەر كەزىندە مۇزداتىپ، حالىقارالىق زاڭ اتقارۋ سەلبەستىگىن بەلسەنە ورىستەتىپ، ەڭ سوڭىندا ونى قولعا ءتۇسىردى.

　　ورتالىق قۋعىنداۋ كەڭسەسىنىڭ جاۋاپتىسى بىلاي دەدى: ليڭ يان - ۋ بۇقارانىڭ مۇددەسىنە اۋىر زيان جەتكىزىپ، ۇكىمەت قىزمەتكەرلەرىن وزىنە تارتىپ، شىرىكتەسىپ ءارى مەملەكەت مەنشىگىندەگى مال – مۇلىكتى زيانعا ۇشىراتتى، ونى تۇتقىنداپ، قولعا ءتۇسىرۋ ءتارتىپ تەكسەرۋ، باقىلاۋ – تەكسەرۋ ورگاندارىنىڭ، قوعام حاۋىپسىزدىگى ورگاندارىنىڭ ”اسپان تورى ارەكەتىن“ ءۇرتىس ورىستەتۋىنىڭ ماڭىزدى تابىسى. ءبىز شىرىكتەسۋگە قارسى تۇرۋداعى حالىقارالىق سەلبەستىكتى ۇزدىكسىز تەرەڭدەتىپ، قاشقىنداردى قۋعىنداۋ، ارام ولجانى قايتارىپ الۋدىڭ تەگەۋرىندى كۇيىن باستان - اياق ساقتاپ، حالىق بۇقاراسىنىڭ ءتۇل مۇددەسىن باتىل قورعايمىز.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved