شينجياڭنىڭ 3 جەرى تۇڭعىش توپتاعى مادەنيەت شارۋاشىلىعى ارقىلى اۋىل ـ قىستاقتى گۇلدەندىرۋدى تۇيىندە سىناق ەتۋگە تاڭدالماقشى
2023.09.12 14:56 كەلۋ قاينارى : حالىق تورابى
مادەنيەت جانە ساياحات مينيسترلىگى تورابى 9 ـ ايدىڭ 11 ـ كۇنى تۇڭعىش توپتاعى مادەنيەت شارۋاشىلىعى ارقىلى اۋىل ـ قىستاقتى گۇلدەندىرۋ سىناق ءتۇيىنى تىزىمدىگىن جاريالادى، شينجياڭنان (بيڭتۋاندى قامتيدى) قارامايلى قالاسىنىڭ ورقى رايونى، بايىنعولين وبلىسىنىڭ كورلا قالاسى، 4 ـ شىسى كوكدالا قالاسى تاڭدالدى.
العاشقى توپتاعى 63 مادەنيەت شارۋاشىلىعى ارقىلى اۋىل – قىستاقتى گۇلدەندىرۋ سىناق تۇيىندەرىنىڭ تىزىمدىگىن ولكە دارەجەلى مادەنيەت جانە ساياحات سياقتى تاراۋلار كورسەتكەن نەگىزدە، مادەنيەت جانە ساياحات مينيسترلىگى، وقۋ - اعارتۋ مينيسترلىگى، جاراتىلىستىق بايلىق مينيسترلىگى، اۋىل شارۋاشىلىعى جانە اۋىل - قىستاق مينيسترلىگى (مەملەكەتتىك اۋىل - قىستاقتى گۇلدەندىرۋ مەكەمەسى) اقىلداسىپ بەلگىلەدى. جاريالاۋ مەرزىمى 5 قىزمەت كۇنى (جاريالانعان كۇننەن باستاپ ەسەپتەلەدى) بولادى. جاريالاۋ مەزگىلىندە، اشىق جاريالانعان تىزىمدىككە بوتەن پىكىرى بار ورىندار مەن جەكەلەردىڭ فاكس، ەلەكتروندىق جولداما سياقتى فورمالار ارقىلى مادەنيەت جانە ساياحات مينيسترلىگىنىڭ كاسىپ سالاسىن دامىتۋ مەڭگەرمەسىنە جازباشا اڭىس ەتۋىنە بولادى.
بيىل 1 ـ ايدا مادەنيەت جانە ساياحات مينيسترلىگى كەڭسەسى، وقۋ ـ اعارتۋ مينيسترلىگى كەڭسەسى، جاراتىلىستىق بايلىق مينيسترلىگى كەڭسەسى، اۋىل شارۋاشىلىعى جانە اۋىل ـ قىستاق مينيسترلىگى كەڭسەسى، مەملەكەتتىك اۋىل ـ قىستاقتى گۇلدەندىرۋ مەكەمەسىنىڭ جالپىلىق مەڭگەرمەسى بىرلەسىپ ۇقتىرۋ باسىپ تاراتىپ، مادەنيەت شارۋاشىلىعى ارقىلى اۋىل ـ قىستاقتى گۇلدەندىرۋدى تۇيىندە سىناق ەتۋدى ۇيعاردى.
ۇقتىرۋدا مىنالار ايقىن بەلگىلەندى: بۇكىل ەل بويىنشا ءىشىنارا اۋدانداردى (قالا، رايون) تاڭداپ، مادەنيەت شارۋاشىلىعى ارقىلى اۋىل - قىستاقتى گۇلدەندىرۋ سىناق ءتۇيىنى قىزمەتىن ورىستەتۋ ارقىلى اۋدانداردىڭ ءبىرتۇتاس جوسپارلاۋ، بايلىقتى ورنالاستىرۋ رولىن تولىق ساۋلەلەندىرىپ، سىناق ءتۇيىنى رايوندارىنىڭ جەرگىلىكتى جاعدايعا قاراي ىستەپ، ەرەكشەلىكتى كورنەكتىلەندىرىپ، رەفورما جاساپ، جاڭالىق جاراتۋىن ىلگەرىلەتىپ، مادەنيەت كاسىبى ارقىلى اۋىل - قىستاقتى گۇلدەندىرۋدىڭ جاڭا جولىن قاراستىرىپ، ءتۇزىلىس مەحانيزمى، دامۋ شارالارى، كاسىپ سالاسىنا جەتەكشىلىك ەتۋ، ساياساتتىق قامتاماسىزداندىرۋ سياقتى جاقتاردا الدىمەن اتقارىپ، الدىمەن سىناق ەتىپ، اۋىل - قىستاق مادەنيەتى مەن ساياحاتىنىڭ توعىسپالى دامۋىن جەبەپ، كوشىرىپ قولدانۋعا، جالپىلاستىرۋعا بولاتىن تيپتىك تاجىريبەلەر مەن ادىستەردى بۇكىل ەل كولەمىندە جالپىلاستىرىپ، قونىستانۋعا، كاسىپكە، ساياحاتتاۋعا قولايلى جانە كورىكتى اۋىل - قىستاق قۇرۋدى ىلگەرىلەتۋ كەرەك.
ۇقتىرۋدا مىنالار ايقىن بەلگىلەندى: تۇيىندە سىناق ەتۋ مىندەتى قىزمەت ءتۇزىلىس مەحانيزمىندە جاڭالىق اشۋ، مادەنيەت جانە ساياحات كاسىبىنىڭ قوعامدىق ونىمدىلىگىن ساۋلەلەندىرۋ، اۋىل – قىستاق ەرەكشە مادەنيەتى مەن ساياحات كاسىبىن كۇشەيتۋ، مادەنيەت جانە ساياحات دارىندىلارى قوسىنى قۇرىلىسىن كۇشەيتۋ، مادەنيەت جانە ساياحات نىسانى قۇرىلىسىنىڭ اينالىمىن ىلگەرىلەتۋ، مادەنيەت جانە ساياحات قۇرىلعىلارىنىڭ ونىمدىلىگىن جوعارىلاتۋ، اۋىل - قىستاق مادەنيەتى مەن ساياحات بايلىعىنان ءبىرتۇتاس پايدالانۋ، مادەنيەت پەن ساياحات كاسىبىنە پايدالانىلاتىن جەر ۇلگىسى جونىندە ىزدەنىس جاساۋدى قامتيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
