”بىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى قارساڭىندا
”سامعاۋ جولى“ نەگىزگى تاقىرىپتىق شەكارا سىرتىندا تىلشىلىك ىستەۋ قيمىلى باستالدى
2023.09.14 16:23 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاۋ چۇنحۋا 9 - ايدىڭ 12 - كۇنى ۇرىمجىدەن حابارلايدى. بيىل ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعى، 9 - ايدىڭ 12 - كۇنى اۆتونوميالى رايوندىق پارتكوم ۇگىت ءبولىمى ۇيىمداستىرعان ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعاندىعىنىڭ 10 جىلدىعىن نەگىزگى تاقىرىپ ەتكەن شەكارا سىرتىندا تىلشىلىك ىستەۋ قيمىلى رەسىمي باستالدى. سول كۇنى حابارلاۋ ۇيىرمەسى قورعاس شەكارا وتكەلىنەن شەكارادان شىعىپ، العاشقى بەكەت قازاقستانعا جول الىپ، ”ءبىر بەلدەۋ، ءبىر جول“ جەلى بويىنداعى ءىشىنارا مەملەكەتتەردە حابارلاۋ ساپارىن باستادى.
وسى جولعى حابارلاۋدا ورتالىقتاعى نەگىزگى مەديالار اۆتونوميالى رايونداعى نەگىزگى مەديالاردىڭ تىلشىلەرىمەن بىرلەسىپ 3 شاعىن حابارلاۋ اترەتىن ۇيىمداستىرىپ، ءبولىنىپ ”ءبىر بەلدەۋ، ءبىر جول“ جەلى بويىنداعى ءىشىنارا مەملەكەتتەرگە بارىپ، 20 نەشە كۇن ۋاقىتتا حالىقارالىق تۇرعىدا جەلى بويىنداعى مەملەكەتتەردىڭ ”ءبىر بەلدەۋ، ءبىر جول“ قۇرىلىسىندا قول جەتكىزگەن تابىستارىنا جانە تاجىريبەلەرىنە جالپىلىق مەديالاردا رەسمي حابارلاۋ جۇرگىزەدى.
حابارلاۋ اترەتى حابار، جاڭالىق، ىشكەرىلەي حابارلاۋ، سۇحبات، شولۋ سىندى كوپ ءتۇرلى تاسىلدەرمەن سۋرەتتەر جيناعى، كەسكىن، جاسامپازدىق جارناماسى، ءتىلشى VLOG سىندى كوپ ءتۇرلى فورمادا ”ءبىر بەلدەۋ، ءبىر جول“ جەلى بويىنداعى مەملەكەتتەردىڭ تاريحىن، مادەنيەتىن، جەر جاعدايى مەن ەل جاعدايىن ىشكەرىلەي ۇگىتتەپ، 10 جىلدان بەرى جۇڭگو شينجياڭىنىڭ وڭىرلىك ابزالدىقتى تياناق ەتىپ، جوعارى دەڭگەيلى سىرتقا ەسىك اشۋدى ۇزدىكسىز تەرەڭدەتىپ، توڭىرەگىندەگى ەلدەرمەن جان - جاقتى، كوپ سالادا اۋىس - كۇيىستى، سەلبەستىكتى جەدەلدەتكەن جاندى امالياتىن، ”ءبىر بەلدەۋ، ءبىر جول“ جەلى بويىنداعى مەملەكەتتەردىڭ ساياساتتىق پىكىرلەسۋ، قۇرىلعىلاردى ۇلاستىرۋ، ساۋدانى ىركىلىسسىزدەندىرۋ، قارجىنى توعىستىرۋ، جۇرت تىلەگىن ۇيىستىرۋ جاقتارىندا ورىستەتكەن اۋىس - كۇيىس، سەلبەستىگىن جانە قول جەتكىزگەن كەسەك جەتىستىكتەرىن تولىق ايگىلەپ، جەلى بويىنداعى ءار ەل حالقىنىڭ قۋانىش - جۇبانىشى مەن ادامزاتتىڭ تاعدىرلاس ورتاق تۇلعاسىن بىرگە قۇرۋ بارىسىنداعى جاڭا دا جاندى حيكايالارىن اسەرلى باياندايدى.
سول كەزدە ورتالىق جانە اۆتونوميالى رايونداعى نەگىزگى مەديالار جەلىلەس اقپارات ونىمدەرىن يكەمدى جاريالايدى. اۆتونوميالى رايوننىڭ نەگىزگى مەديالارى ماڭىزدى بەتتە، ماڭىزدى ۋاقىت كەزەڭىندە، باس بەتتە، باس ەكراندا ءبىر تۇتاس ”سامعاۋ جولى · ’ءبىر بەلدەۋ، ءبىر جول‘ جەلى بويىنداعى مەملەكەتتەرگە قادام تاستاۋ“ ارناۋلى ايدارىن اشىپ، ءتۇرلى حابار ونىمدەرىن جاريالاپ ءارى ميكروبلوگ تاقىرىبى # سىزگە ”ءبىر بەلدەۋ، ءبىر جولداعى“ 10 جىلدىق وراسان وزگەرىستەردى كورسەتەمىز ## سامعاۋ جولىن تاماشالاۋ كولەمدى حابارلارى # قاتارلىلاردى اشۋ ارقىلى قالىڭ ابونتتاردى ات سالىسۋعا شاقىرادى. جان - جاقتى، ءار قىرىنان كورسەتىلگەن مول حابار مازمۇندارى مەن بەينەلەۋ تاسىلدەرى ءسىزدى كەرەمەت جىبەك جولىنىڭ سالتاناتتى جاعدايىنان كوزايىم ەتەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
