تاپسىرمانى ەستە بەرىك ساقتاپ، قارلى القاپتاعى شەكارا وڭىرگە تامىر تارتىپ، مەملەكەت قاقپاسىنىڭ جاقسى كۇزەتشىسى بولامىز
انار بۇلت \ شينجياڭ گازەتىنىڭ ءتىلشىسى چىن چياڭۋي
2023.09.14 16:22 كەلۋ قاينارى : شينجياڭ گازەتى
”باس شۋجي بىزگە جاۋاپ حات قايتاردى!“ كەدەننىڭ كەدەن قىزمەتكەرلەرى اتاق ءتۇزىمى اتقارىلعاندىعىنىڭ 20 جىلدىعى قارساڭىندا، بەيجيڭنەن كەلگەن ماڭىزدى جاۋاپ حات وتانىمىزدىڭ ەڭ باتىسىنداعى پامير ءۇستىرتىن دۋمانعا بولەدى، حونچيراپ كەدەنىندەگى بارلىق كەدەن قىزمەتكەرلەرى قۋانىشقا بولەنىپ، تەبىرەنگەن كوڭىل كۇيلەرى سوزدەرىنەن اڭعارىلدى.
تەڭىز دەڭگەيىنەن 4000 مەتردەن استام بيىكتىكتەگى تەكسەرۋ ورنىنىڭ تاۋ شوقىسى جىل بويى قاسات قار جامىلىپ، وتتەگى تاپشى، جاراتىلىستىق ورتاسى سۇركەيلى بولىپ جاتادى، بۇل ارا ”تىرشىلىك شەكتەلگەن ءوڭىر“ دەپ اتالعان. ”بۇل ’حونچيراپ كەدەنىنىڭ‘ ەڭ داڭقتى ءساتى ءارى مەنىڭ دە ءومىر بويى ەستەن كەتپەس كۇنىم“. 9 - ايدىڭ 12 - كۇنى حونچيراپ كەدەنىنىڭ قىزمەتكەرى ليۋ جىندۇڭ قىزمەت ارەدىگىندە تىلشىگە ينتەرنەت جەلىسىندە، ينتەرنەت جەلىسىنەن تىس قىزۋ اڭىس قوزعاعان باس شۋجي شي جينپيڭنىڭ ماڭىزدى جاۋاپ حاتىن تەبىرەنە تىلگە تيەك ەتتى.
”حونچيراپ كەدەنى“ − قۇرمەتكە تولى ەسىم. ”قاجىرلىلىقپەن كۇرەس جۇرگىزۋدەگى ۇلگىلى كەدەن“، ”مەملەكەتتىك حالىق ريزا بولعان مەملەكەت قىزمەتكەرلەرى كوللەكتيۆى“، ”مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى كوللەكتيۆ“، ”مەملەكەتتىك وزات نەگىزگى ساتى پارتيا ۇيىمى“، ”مەملەكەتتىك 1 - مامىر ەڭبەك سيلىعى“، ”مەملەكەتتىك جۇمىسشىلار اۆانگاردى“، ”مەملەكەتتىك كەدەن جۇيەسىندەگى وزات كوللەكتيۆ“... وسىنشاما داڭقتىڭ استارىندا ”حونچيراپ كەدەنىندەگى قىزمەتكەرلەردىڭ“ 50 نەشە جىلدى ءبىر كۇندەي وتكىزگەن ادالدىعى، تاباندىلىعى جانە ۇلەس قوسۋى جاتىر.
”مەن ’حونچيراپ كەدەنىندەگى قىزمەتكەرلەردىڭ‘ اياق الىسىنا ىلەسىپ، وقۋ تاۋىسقان سوڭ، قارلى القاپتى شەكاراداعى مەملەكەت قاقپاسىنىڭ ءبىرىنشى شەبىنە كەلۋدى ىرىقتىلىقپەن ءوتىنىش ەتتىم“، - 1996 - جىلى تۋعان ليۋ جىندۇڭ شاڭحاي كەدەن شۋەيۋانىنان وقۋ تاۋىسقان، ”حونچيراپ كەدەنىندەگى قىزمەتكەرلەردىڭ“ ادالدىقپەن مىندەت وتەپ، ءۇن - ءتۇنسىز ۇلەس قوسقان اسەرلى اڭگىمەلەرى وسى جاستىڭ جۇرەگىندەگى جالىندى لاۋلاتتى.
حونچيراپ كەدەنى تۇرعان شەكارا وتكەلى دۇنيە ءجۇزى بويىنشا تەڭىز دەڭگەيىنەن ەڭ بيىك كەدەن باقىلاۋ - باسقارۋ شەكارا وتكەلى ءارى ەلىمىز بەن پاكيستاننىڭ بىردەن - ءبىر قۇرلىق جولى شەكارا وتكەلى. ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىلدان بەرى جۇڭگو مەن پاكيستاننىڭ بارىس - كەلىسى بارعان سايىن جيىلەپ، ەكى جاقتىڭ ادامدارىنىڭ، اۆتوكولىكتەرىنىڭ كەدەننەن ءوتۋ سانى جىل سايىن ارتىپ، حونچيراپ كەدەنى دە بارعان سايىن قاربالاستىققا ءتۇستى. قىزمەتتەستەرىمەن بىرگە ۇنەمى تاڭعى ساعات 5كە دەيىن قىزمەت ىستەپ كەلگەن ءالقام شاكىر باس شۋجي شي جينپيڭگە حات جازىپ، اتىن جازعانداعى كوڭىل كۇيىن ءومىر بويى ۇمىتپايدى، ”باس شۋجيگە مالىمەت بەرگىمىز كەلدى، ءبىز پارتيا مەن حالىقتىڭ ماڭىزدى تاپسىرماسىن ورىندايمىز، قاي - قاشان دا پارتيانى الاڭسىز ەتەتىن، حالىقتى رازى ەتەتىن مەملەكەت قاقپاسىنىڭ جاقسى كۇزەتشىسى بولۋدى ەستەن شىعارمايمىز“.
حونچيراپ كەدەنىندەگى 34 كەدەن قىزمەتكەرىنىڭ ءبىرى رەتىندە، فىڭ چياڭ باس شۋجيدىڭ ماڭىزدى جاۋاپ حاتىن قايتا - قايتا وقىدى. ”ءاربىر ءسوز - سويلەمىندە حالىق كوسەمىنىڭ كەدەن قىزمەتكەرلەرىنە قامقورلىعى مەن ءۇمىت - تىلەگى تۇنىپ تۇر. مەملەكەت ءۇشىن كەدەن كۇزەتكەنىمدى شەكسىز داڭق سەزىنەمىن“، - دەدى فىڭ چياڭ.
فىڭ چياڭنىڭ مەملەكەت قاقپاسىنىڭ كۇزەتشىسى بولۋدان تىس تاعى ءبىر سالاۋاتى بار − جاستار نازاريا ۇيرەنۋ شاعىن گرۋپپاسىنىڭ گرۋپپا باستىعى ەدى. وسى ۇيرەنۋ شاعىن گرۋپپاسى جاس كەدەن قىزمەتكەرلەرىن ۇنەمى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋگە ۇيىمداستىرىپ قانا قويماي، جەرگىلىكتى ورىننىڭ اشىق ەكونوميكاسىنىڭ دامۋى جونىندە تەكسەرۋ - زەرتتەۋ ورىستەتىپ، مالىمەت جازادى.
”بيىل ءبىز جۇڭگو − پاكيستان ەكونوميكالىق ءدالىزى، جۇڭگو − پاكيستان شەكارالىق تۇرعىندار بازارى، زەردەلى كەدەن قۇرىلىسىنداعى قۋاتتى ەل ارەكەتى سىندى مازمۇنداردى ارقاۋ ەتە وتىرىپ، 10 نەشە تەكسەرۋ - زەرتتەۋ مالىمەتىن دايىندادىق“، - دەدى فىڭ چياڭ.
”تاماشا ساتتە تۋىپ، اۋىر مىندەت ارقالاۋ بىزگە شەكسىز جىگەر بەردى“. حونچيراپ كەدەنى پارتكومىنىڭ مۇشەسى، ورىنباسار كەدەن باستىعى لي جياڭلۇڭنىڭ وسى ارادا قىزمەت ىستەگەنىنە 15 جىل بولدى، كەدەن قىزمەتكەرلەرىنىڭ تۇرمىس شارت - جاعدايىنىڭ جاقسارعاندىعىنا، جەرگىلىكتى ورىننىڭ سىرتقا باعىتتالعان ەكونوميكاسىنىڭ قارىشتاپ دامىعاندىعىنا كۋا بولدى. ول باس شۋجيدىڭ ماڭىزدى تاپسىرماسىن، ءسوز جوق، ەستە بەرىك ساقتاپ، قارلى القاپتى شەكارادا مەملەكەت قاقپاسىن جاقسى كۇزەتىپ، شينجياڭنىڭ ”ءبىر بەلدەۋ، ءبىر جول“ وزەكتى رايون قۇرىلىسىنا، جۇڭگو − پاكيستان ەكونوميكالىق ءدالىزى قۇرىلىسىنا دەم بەرىپ، جوعارى ساپالى دامۋدى، جوعارى دەڭگەيدە ەسىك اشۋدى جەبەپ، مەملەكەتتى قۇدىرەتتەندىرۋ قۇرىلىسىنا، ۇلتتىڭ گۇلدەنۋىنە بەلسەندى ۇلەس قوساتىندىقتارىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
