ديڭ شۋەشياڭ شياڭگاڭ 8 – كەزەكتى ”ءبىر بەلدەۋ، ءبىر جول“ جوعارى دارەجەلىلەر تالقى مىنبەرىنىڭ اشىلۋ سالتىندا ارقاۋ ءسوز سويلەدى
2023.09.14 17:01 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 13 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 9 - ايدىڭ 13 - كۇنى بەينە ەكران تاسىلىمەن شياڭگاڭ 8 - كەزەكتى ”ءبىر بەلدەۋ، ءبىر جول“ جوعارى دارەجەلىلەر تالقى مىنبەرىنىڭ اشىلۋ سالتىنا قاتىناسىپ، ارقاۋ ءسوز سويلەدى.
ديڭ شۋەشياڭ بىلاي دەپ اتاپ كورسەتتى: 2013 - جىلى كۇزدە ءتوراعا شي جينپيڭ ”ءبىر بەلدەۋ، ءبىر جولدى“ بىرگە قۇرۋ باستاماسىن العا قويدى. 10 جىلدان بەرى جۇڭگو بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ، اشىق، جاسىل، پاك بولۋ ۇستانىمىندا تاباندى بولىپ، جوعارى ولشەمدى، باياندى بولۋ، حالىق تۇرمىسىنا تيىمدىلىك جاساۋ نىساناسىن قۇلشىنا جۇزەگە اسىرىپ، ”ءبىر بەلدەۋ، ءبىر جولدى“ بىرگە قۇرۋدا سۇبەلى ناتيجەلەرگە قول جەتكىزدى. ”ءبىر بەلدەۋ، ءبىر جولدى“ بىرگە قۇرۋ جۇڭگونىڭ اناعۇرلىم جوعارى دەڭگەيدە سىرتقا ەسىك اشۋىنا جەتەكشىلىك ەتىپ، ءار ەلدىڭ بىرگە دامۋىن، بىرگە گۇلدەنۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋعا جۇڭگو اقىل - پاراساتىن، جۇڭگو جوباسىن، جۇڭگو كۇشىن ارناپ، ەرەكشە قارسى الۋعا بولەنگەن حالىقارالىق الەۋمەتتىك ونىمگە جانە حالىقارالىق سەلبەستىك تۇعىرىنا اينالدى.
ديڭ شۋەشياڭ مىنالاردى ءبىلدىردى: ورتالىق شياڭگاڭنىڭ ۇزاق ۋاقىت بويى وزگەشە ورنى مەن ابزالدىعىن ساقتاپ، حالىقارالىق فينانس، تەڭىز تاسىمالى، ساۋدا ورتالىعى ورنىن بەكەمدەپ، ەركىن، اشىق، ارناعا تۇسكەن ساۋدا ورتاسىن قورعاپ، جاي زاڭ ءتۇزىمىن ساقتاپ، ىركىلىسسىز، قولايلى حالىقارالىق بايلانىستى كەڭەيتىپ، ”ءبىر بەلدەۋ، ءبىر جولدى“ بىرگە قۇرۋدا اناعۇرلىم ماڭىزدى يقۋاتتى ساۋلەلەندىرۋىنە قولداۋ كورسەتتى. شياڭگاڭنىڭ وڭىرلىك سەلبەستىكتى تەرەڭدەتىپ، ەكونوميكا - ساۋدا تورىن كەڭەيتىپ، دۇنيە ءجۇزىنىڭ جەر - جەرىمەن اناعۇرلىم تىعىز اۋىس - كۇيىس، سەلبەستىك ورىستەتۋىن؛ فينانستىق قىزمەت وتەۋدى كەمەلدەندىرىپ، قارجى قۇراۋ ارناسىن ىركىلىسسىزدەندىرىپ، ”ءبىر بەلدەۋ، ءبىر جول“ قۇرىلىسىنىڭ كوپ تۇرلىلەنگەن قارجى قۇراۋ قاجەتىن اناعۇرلىم ويداعىداي قاناعاتتاندىرۋىن؛ گۋمانيتارلىق اۋىس - كۇيىستى تەرەڭدەتىپ، حالىق تىلەگىنىڭ توعىسۋىن جەبەپ، ”ءبىر بەلدەۋ، ءبىر جولدى“ بىرگە قۇرۋدىڭ حالىق رايى نەگىزىن بەكەمدەىن ءۇمىت ەتەمىن.شياڭگاڭ ”ءبىر بەلدەۋ، ءبىر جول“ جوعارى دارەجەلىلەر تالقى مىنبەرىن شياڭگاڭ ەرەكشە اكىمشىلىك رايونى ۇكىمەتى، شياڭگاڭ ساۋدانى دامىتۋ مەكەمەسى بىرگە ۇيىمداستىردى، وسى كەزەكتى تالقى مىنبەرىنىڭ باستى تاقىرىبى ”قول ۇستاسقان 10 جىل، بىرگە قۇرىپ، بىرگە يگىلىكتەنۋ“ بولدى.
كەلۋ قاينارى: حالىىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
