حان جىڭ اراب بىرىككەن امىرلىگى فەدەراتسياسى حالىقتىق پارلامەنتىنىڭ باستىعىمەن كەزدەستى
2023.09.14 17:02 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 13 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 9 - ايدىڭ 13 - كۇنى بەيجيڭدە اراب بىرىككەن امىرلىگى فەدەراتسياسى حالىقتىق پارلامەنتىنىڭ باستىعى ساگەلمەن كەزدەستى.
حان جىڭ مىنالاردى ءبىلدىردى: ءتوراعا شي جينپيڭ مەن زۇڭتۇڭ مۇحاممەدتىڭ ستراتەگيالىق جەتەكشىلىگىندە، جۇڭگو - اراب بىرىككەن امىرلىگى قارىم - قاتىناسى ۇزدىكسىز تەرەڭدەدى، ناقتىلاندى. جۇڭگو اراب بىرىككەن امىرلىگىمەن بىرگە ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن ناقتى تياناقتاندىرىپ، جوعارى جىكتەگىلەردىڭ بارىس - كەلىسىن كۇشەيتىپ، ستراتەگيالىق ءوزارا سەنىمدىلىكتى كۇشەيتىپ، ءوزارا باتىل قولداپ، ساياسي دوستىقتى بەكەمدەپ، ناقتى سەلبەستىكتى كەڭەيتىپ، گۋمانيتارلىق اۋىس - كۇيىستى جيىلەتىپ، توپتىق سەلبەستىكتى جەبەپ، كوپ جاقتى سەلبەستىكتى كۇشەيتىپ، جۇڭگو مەن اراب بىرىككەن امىرلىگىنىڭ جان - جاقتى ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايدى. اراب بىرىككەن امىرلىگىنىڭ بريكس ۇلى شاڭىراعىنىڭ مۇشەسىنە اينالعانىن قۇتتىقتايمىن. جۇڭگو جاق جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا اراب بىرىككەن امىرلىگىمەن دامۋ ورايىنان بىرگە يگىلىكتەنىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋدى قالايدى.
ساگەل مىنانى ءبىلدىردى: اراب بىرىككەن امىرلىگى مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىن ۇزدىكسىز بەكەمدەۋ − اراب بىرىككەن امىرلىگىنىڭ مىزعىماس ساياسي تىلەگى. جۇڭگونىڭ اراب بىرىككەن امىرلىگىنىڭ بريكس ەلدەرى سەلبەستىك مەحانيزمىنە كىرۋىنە قولداۋ كورسەتكەنىنە العىس ايتامىن. كەلەر جىلى − اراب بىرىككەن امىرلىگى مەن جۇڭگونىڭ ديپلوماتيالىق قارىم - قاتىناس ورناتقانىنىڭ 40 جىلدىعى، ەكى جاقتىڭ ەكونوميكا - ساۋدا، قارجى قوسۋ، زاڭ شىعارۋ، گۋمانيتارلىق سياقتى سالالارداعى سەلبەستىگىن ۇزدىكسىز كۇشەيتۋدى قالايمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
