ينتەرنەت ينفورماتسياسى تاراۋلارى تىڭشۇن QQ تەكشەسىنىڭ ازامات جاسىنا تولماعانداردىڭ دەنساۋلىعىنا زيان جەتكىزىپ، زاڭعا قايشىلىق جاساعانى جونىندەگى دەلوعا زاڭ بويىنشا تەكسەرۋ جۇرگىزىپ، ءبىرجاقتى ەتكەن
2023.09.14 14:37 كەلۋ قاينارى : حالىق تورابى
جۋىردا تىڭشۇن QQ تەكشەسىنىڭ ”شاعىن الەم“ ايدارشاسىندا كوپ مولشەردەگى شارۋ مازمۇندار قاتارلى زاڭعا قايشى ينفورماتسيالاردىڭ ساقتالىپ، ازامات جاسىنا تولماعانداردىڭ دەنساۋلىعىنا زيان جەتكىزگەنى سىندى ماسەلە جونىندە مەملەكەتتىك ينتەرنەت ينفورماتسياسى كەڭسەسى گۋاڭدۇڭ ولكەلىك ينتەرنەت ينفورماتسياسى كەڭسەسىنە جەتەكشىلىك ەتىپ، تىڭشۇن سەرىكتەستىگىنىڭ قاتىستى جاۋاپتىلارىن زاڭ بويىنشا شاقىرىپ سويلەسىپ، «ازامات جاسىنا تولماعانداردى قورعاۋ زاڭىنىڭ» 127 - تارماعىنا ساي، اكىمشىلىك جازانى اتقارعان، ”شاعىن الەم“ ايدارشاسىن ۋاقىتشا توقتاتا تۇرىپ، ايدارشاداعى ينفورماتسيالاردى 30 كۇن ىشىندە جاڭالاۋدى بۇيىرعان، زاڭعا قايشى تۇردە قولعا كەلتىرگەن تابىستارىن ءمۇسادىرالاعان ءارى ءبىر ميلليون يۋان اقشالاي ايىپ سالعان.
تىڭشۇن QQ تەكشەسىندەگى ”شاعىن الەم“ ايدارشاسىندا كورىلىم جيناۋدى ماقسات ەتكەن كوپ مولشەردەگى شارۋ مازمۇندار ساقتالعان، ءىشىنارا قولدانۋشىلار لەبىز جازۋ ورنىندا ازامات جاسىنا تولماعانداردى دوستاسۋعا بوتەن نيەتپەن شىرعالاپ، ولاردى جىنىستىق جاقتان ەلىكتىرگەن، ازامات جاسىنا تولماعانداردى بىرگە ويىن ويناۋعا شاقىرعان، ازامات جاسىنا تولماعانداردىڭ زاڭدى ۇقىق - مۇددەسىنە اۋىر دارەجەدە قول سۇعىپ، ازامات جاسىنا تولماعانداردىڭ دەنساۋلىعىنا زيان جەتكىزگەن، «ازامات جاسىنا تولماعانداردى قورعاۋ زاڭىنىڭ» 80 - تارماعىنا قايشىلىق جاساعان.
ينتەرنەت ينفورماتسياسى تاراۋلارى ازامات جاسىنا تولماعانداردىڭ زاڭدى ۇقىق - مۇددەسىنە اۋىر دارەجەدە قول سۇققان، ازامات جاسىنا تولماعانداردىڭ دەنساۋلىعىنا زيان جەتكىزگەن زاڭ - تۇزىمگە قايشى ماسەلەلەرگە نازاردى ۇزدىكسىز شوعىرلاندىرىپ، قايتا - قايتا قاتەلىك وتكىزگەن ينتەرنەت تەكشەلەرىنە باعىتتالعان زاڭ اتقارۋ تەبىنىن جانە اشىق جاريالاۋ جيلىگىن ارتتىرىپ، ازامات جاسىنا تولماعاندارعا اقاۋسىز، حاۋىپسىز ينتەرنەت ورتاسىن جاراتۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
