”اقى الىپ ياناتتاۋ“ ينتەرنەتتىك زورلىق - زومبىلىق ارەكەتىنە جاتادى
2023.09.14 14:36 كەلۋ قاينارى : حالىق تورابى
قوعام حاۋىپسىزدىگى مينيسترلىگىنىڭ ءبىرتۇتاس ورنالاستىرۋى بويىنشا، حيلۇڭجياڭ ينتەرنەت حاۋىپسىزدىگى تاراۋلارى ينتەرنەتتەگى زورلىق - زومبىلىققا نازاردى شوعىرلاندىرىپ، ينتەرنەتتەن پايدالانۋشىلاردىڭ زاڭدى ۇقىق - مۇددەسىنە زيان جەتكىزەتىن، ينتەرنەت ەكولوگياسىن بۇلدىرەتىن كورنەكتى ماسەلەلەردى توڭىرەكتەي وتىرىپ، ينتەرنەتتەن پايدالانىپ، زورلىق – زومبىلىق ىستەۋگە ساياتىن ينفورماتسيالاردى قۇراستىرۋشىلارعا، العاش رەت جاريالاۋشىلارعا، سونداي - اق، تالاي رەت تاربيە بەرىلسە دە وزگەرتپەگەندەرگە زاڭ بويىنشا قاتاڭ سوققى بەرىپ، ينتەرنەتتەن پايدالانىپ، زورلىق - زومبىلىق ىستەۋ سىندى بۇزاقىلىق پەن بۇرىس ستيلدى باتىل تەجەدى.
اقى الىپ ياناتتاۋ دەگەن نە؟
جۋىرداعى جىلداردان بەرى ”وزگەنىڭ اتىنان ءىس ءبىتىرۋ“ سىندى كاسىپ سالاسى جەدەل دامىپ، ادامداردىڭ تۇرمىس ساپاسىن جوعارىلاتۋمەن بىرگە، جۇمىستانۋدى دا ىلگەرىلەتتى، ”وزگەنىڭ اتىنان جۇمىس ءبىتىرۋ“ دە قوعامدا تاماشا رول اتقاردى.
الايدا، ”وزگەنىڭ اتىنان سويلەۋدى“ ماقسات ەتەتىن ”اقى الىپ ياناتتاۋ“ كاسىبى دە پايدا بولا باستادى، بۇلاي ىستەۋگە بولا ما؟
”اقى الىپ ياناتتاۋ“ دەگەنىمىز نە؟
الەۋمەتتىك جەلى app دەتالى نەمەسە ساۋدا تۇرىندەگى app دەتالىندا ”كاسىپتىك ياناتتاۋشى“، ”وزگەنىڭ اتىنان ياناتتاۋشى“ قاتارلى بەلگىلەردى ۇنەمى بايقاۋعا بولادى، ”ياناتتاۋشىنى جالعا الۋشى“ بەلگىلەنگەن باعا بويىنشا ”قولشوقپاردى“ جالداپ الىپ، ءوزى ياناتتاماقشى بولعان ادامدى ياناتتاۋعا جۇمسايدى، ياناتتاۋشى ارەكەتىنىڭ سۋبيەكتيۆ جاقتاعى بوتەن نيەتى ءبىرشاما كۇشتى، ارەكەت ىقپالى ناشار بولادى.
سوزبەن باسقالاردىڭ نامىسىنا تيەتىن، ۇقىق - مۇددەسىن زياندايتىن ءارى وسى ارقىلى تابىس تاباتىن وسىنداي ارەكەتتەر ينتەرنەت ورتاسىن تۇرپايىلىققا تولتىرىپ، ينتەرنەتتەن پايدالانىپ زورلىق – زومبىلىق ىستەۋدى تۋىنداتادى ءارى زاڭعا قايشى كەلۋى، ءتىپتى قىلمىس وتكىزۋى مۇمكىن.
”قولشوقپاردىڭ“ ياناتتاعان سوزىندە فاكتتى ويدان قيىستىرعان سوزدەردىڭ بار - جوقتىعىنا قاراي وتىرىپ، جالا جابۋ نەمەسە ماسقارالاۋ ارەكەتى دەپ بولۋگە بولادى، بۇل جالا جابۋ، ماسقارالاۋ قاتارلى قىلمىستاردى قالىپتاستىرۋى مۇمكىن.
وزگەنىڭ اتىنان زات ساتىپ الۋ، وزگەنىڭ اتىنان اۆتوموبيل جۇرگىزۋ، وزگەنىڭ اتىنان جۇمىس ءبىتىرۋ دەگەندەردىڭ بارلىعى دا رۇقسات بەرىلەتىن ىستەر، الايدا، وزگەنىڭ اتىنان باسقا بىرەۋدى الباتى ياناتتاۋعا بولمايدى. قانشالىق وشتىك، قاستىق بولسا دا، بايسالدىلىقپەن شەشىم ەتۋ كەرەك، ”ينتەرنەتتىك قولشوقپاردى“ جالعا الۋعا بولمايدى.
بارشا ينتەرنەت قولدانۋشىلاردىڭ ينتەرنەتتەگى زورلىق - زومبىلىقتى جويۋىن ءۇمىت ەتەمىز. بوتەن نيەتپەن باسقانى داتتاعاندار، وزگەگە جالا جاپقاندار، وزگەنى ماسقارالاعاندار زاڭدىق جاۋاپكەرشىلىك ارقالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
