«استىق ساپاسى مەن حاۋىپسىزدىگىن باقىلاۋ - باسقارۋ ءادىسى» 10 - ايدىڭ 1 - كۇنىنەن باستاپ اتقارىلادى

2023.09.14 14:55 كەلۋ قاينارى : حالىق تورابى

　　حالىق گازەتىنىڭ ءتىلشىسى دۋ حايتاۋ 9 - ايدىڭ 13 - كۇنى بەيجيڭنەن حابارلايدى. جۋىردا مەملەكەتتىك دامۋ - رەفورما كوميتەتى وزگەرىس ەنگىزىلگەننەن كەيىنگى «استىق ساپاسى مەن حاۋىپسىزدىگىن باقىلاۋ - باسقارۋ ءادىسىن» (مەملەكەتتىك دامۋ رەفورما كوميتەتىنىڭ 2023 - جىلعى 4 - ءنومىرلى بۇيرىعى) جاريالادى، 2023 - جىلى 10 - ايدىڭ 1 - كۇنىنەن باستاپ اتقارىلادى.

　　جاڭادان وزگەرىس ەنگىزىلگەن «استىق ساپاسى مەن حاۋىپسىزدىگىن باقىلاۋ - باسقارۋ ءادىسى» جالپى ەرەجە، استىق ساپاسى مەن حاۋىپسىزدىگىنە ساياتىن حاۋىپ - قاتەرلەردى باقىلاۋ - تەكسەرۋ، استىق ساپاسى مەن حاۋىپسىزدىگىن باسقارۋ، استىق ساپاسى مەن حاۋىپسىزدىگىن ساراپتاۋ، استىق ساپاسى مەن حاۋىپسىزدىگىنە ساياتىن شىرعالاڭداردى ءبىرجاقتى ەتۋ، باقىلاۋدى باسقارۋ، زاڭدىق جاۋاپكەرشىلىك، قوسىمشا ەرەجە قاتارلى 8 تاراۋدى قامتيدى، جيىنى 50 تارماق. ادىستە استىق اينالىمىنداعى ساپا مەن حاۋىپسىزدىگىن باقىلاۋ جاعىنداعى بەلگىلەمەلەر اناعۇرلىم كەمەلدەندىرىلگەن، استىق ساپاسى مەن حاۋىپسىزدىگىن ساراپتاۋ، باقىلاۋدىڭ جۇيەلىك قۇرىلىسى كۇشەيتىلگەن. مەملەكەتتىك استىق جانە زات ساقتاۋ مەكەمەسى جاڭا جاعدايمەن، تىڭ تالاپتارمەن ىشكەرىلەي ۇشتاستىرا وتىرىپ، استىق ساپاسى مەن حاۋىپسىزدىگىنە ساياتىن قامتاماسىزداندىرۋ جۇيەسىن كەمەلدەندىرۋ، استىق ولشەمى جۇيەسىن ۇزدىكسىز كەمەلدەندىرۋ، بۇكىل تىزبەك بويىنشا استىق ساپاسى مەن حاۋىپسىزدىگىن باقىلاۋ - مەڭگەرۋدى كۇشەيتۋ، كوپ ساتىلى ساراپتاۋ، باقىلاۋ جۇيەسىن قۇرۋ قاتارلى ءتورت ءتۇرلى جاقتاعى قىزمەتتەردى ءتۇيىندى تۇردە ورىستەتىپ، استىق ساپاسى مەن حاۋىپسىزدىگىن باقىلاۋ - باسقارۋ ورەسىن كۇش سالا جوعارىلاتىپ، مەملەكەتتىڭ استىق حاۋىپسىزدىگىنە كەپىلدىك ەتۋگە قىزمەت ەتەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved