شي جينپيڭ ۆەنەسۋەلانىڭ زۇڭتۇڭى مادۋرومەن كەڭەس وتكىزدى
2023.09.14 16:54 كەلۋ قاينارى : حالىق تورابى
 |
9 - ايدىڭ 13 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ۆەنەسۋەلانىڭ زۇڭتۇڭى مادۋرومەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان مادۋرومەن جانە حانىمى فلورەسپەن بىرگە سۋرەتكە تۇسۋدە.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 9 - ايدىڭ 13 - كۇنى، بەيجيڭ (ءتىلشى ليۋ حۋا). 9 - ايدىڭ 13 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ۆەنەسۋەلانىڭ زۇڭتۇڭى مادۋرومەن كەڭەس وتكىزدى. ەكى ەلدىڭ مەملەكەت باسشىلارى جۇڭگو - ۆەنەسۋەلا قارىم - قاتىناسىن بارلىق جاعدايدا بىردەي ستراتەگيالىق سەرىكتەستىك قارىم - قاتىناس دەڭگەيىنە كوتەرەتىندەرىن جاريالادى.
شي جينپيڭ مىنالاردى اتاپ كورسەتتى: جۇڭگو مەن ۆەنەسۋەلا − ءبىر - بىرىنە سەنەتىن جاقسى دوستار، بىرگە داميتىن جاقسى سەرىكتەر. تاياۋ جىلداردان بەرى جۇڭگو مەن ۆەنەسۋەلا ەرەكشە دامۋ بارىسىن باسىپ ءوتتى، ەكى جاق حالىقارالىق اۋمالى - توكپەلى جاعدايدا ءبىرىن - ءبىرى قولداپ، مىزعىماس دوستىق ورناتتى. جۇڭگو ۆەنەسۋەلامەن قارىم - قاتىناسىنا باستان - اياق ستراتەگيالىق دەڭگەيدەن جانە ۇزاق بولاشاقتىق تۇرعىدان مامىلە جاسايدى، ۆەنەسۋەلانىڭ مەملەكەتتىڭ يەلىك ۇقىعىن، ۇلتتىڭ ار - نامىسىن، قوعامنىڭ ورنىقتىلىعىن قورعاۋداعى قۇلشىنىسىن باتىل قولدايدى، ۆەنەسۋەلا جاقتىڭ سىرتتىڭ كيلىگۋىنە قارسى تۇرۋ ادىلەتتى ءىسىن باتىل قولدايدى. جۇڭگو مەن ۆەنەسۋەلانىڭ بارلىق جاعدايدا بىردەي ستراتەگيالىق سەرىكتەستىك قارىم - قاتىناس ورناتۋى ەكى ەل حالىقتارىنىڭ ورتاق تىلەگىنە ۇيلەسەدى، تاريحتىڭ دامۋ ۇلكەن اۋقىمىنا سايكەسەدى. ەكى جاق جۇڭگو مەن ۆەنەسۋەلانىڭ ستراتەگيالىق سەلبەستىگىندە اناعۇرلىم مول تابىستارعا قول جەتكىزۋدى ىلگەرىلەتىپ، ەكى ەل حالىقتارىنا اناعۇرلىم مول ىرىس - قۇت اكەلۋى، سونداي - اق دۇنيە ءجۇزىنىڭ بەيبىتشىلىگى مەن دامۋىنا اناعۇرلىم مول وڭ ەنەرگيا ۇستەۋى كەرەك.
شي جينپيڭ جۇڭگونىڭ رەفورما جاساپ، ەسىك اشۋىنا، اسىرەسە، ەكونوميكالىق ەرەكشە رايون قۇرىلىسىنا قاتىستى جاعدايلاردى تانىستىرا كەلىپ، مىنالاردى اتاپ كورسەتتى: رەفورما جاساپ، ەسىك اشۋ − جۇڭگونىڭ ارشىندى قاداممەن داۋىرگە ىلەسۋىندەگى ماڭىزدى اسىلى، زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا، جۇڭگو وسى بارىستا قول جەتكىزگەن باعالى تاجىريبەلەرىن قاستەرلەپ، رەفورما جاساپ، ەسىك اشۋدى ۇزدىكسىز العا ىلگەرىلەتەدى. جۇڭگونىڭ دامۋ، العا باسۋ اياق الىسىنا ەشقانداي كۇش بوگەت بولا المايدى. جۇڭگو جاق ۆەنەسۋەلا جاقپەن ءوزارا ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋدى باتىل قولداپ، پارتيانى جونگە سالۋ، ەل باسقارۋ تاجىريبەلەرى جونىندە اۋىس - كۇيىس جاساۋدى كۇشەيتىپ، ۆەنەسۋەلا جاقتىڭ ەكونوميكالىق ەرەكشە رايون قۇرۋىن قولداۋدى قالايدى، ۆەنەسۋلا جاقپەن قاتىستى تاجىريبەلەردى ءبولىسىپ، ۆەنەسۋەلا جاقتىڭ مەملەكەت قۇرىلىسىن ىلگەرىلەتۋىنە كومەكتەسۋدى قالايدى.
شي جينپيڭ مىنانى اتاپ كورسەتتى: كەلەر جىلى − جۇڭگو مەن ۆەنەسۋەلانىڭ ديپلوماتيالىق قارىم - قاتىناس ورناتقانىنىڭ 50 جىلدىعى، ەكى جاق مۇنى سالتاناتپەن قۇتتىقتاۋى كەرەك. جۇڭگو جاق ۆەنەسۋەلا جاقپەن گۋمانيتارلىق اۋىس - كۇيىستى جيىلەتىپ، ۆەنەسۋەلادا حانزۋ ءتىلىن وقىتۋدى، كۇڭزى شۋەيۋانىن ويداعىداي قۇرۋدى قولداپ، اقپارات قۇرالدارىنىڭ اۋىس - كۇيىسىن كۇشەيتىپ، جۇڭگو مەن ۆەنەسۋەلانىڭ دوستىق حيكاياسىن ويداعىداي بايانداۋدى قالايدى. ەكى جاق جۇڭگو مەن ۆەنەسۋەلانىڭ جوعارى دارەجەلى بىرىكپەلى كوميتەتىنىڭ 17 - رەتكى ءماجىلىسىنىڭ قول جەتكىزگەن جەتىستىكتەرىن مۇقيات تياناقتاندىرىپ، كەلەسى ساتىداعى ءار سالاداعى ناقتى سەلبەستىكتى كۇشەيتۋى كەرەك. جۇڭگو جاق ۆەنەسۋەلانىڭ ساپالى ەرەكشە ونىمدەرىن يمپورت ەتۋدى كەڭەيتۋدى قالايدى. ۆەنەسۋەلانىڭ امەريكا قۇرلىعىنداعى ەلدەردىڭ ىشىنەن جۇڭگو باستاعان حالىقارالىق اي شارىن عىلمي زەرتتەۋ پۋنكتى سەلبەستىگىنە قاتىناسقان تۇڭعىش مۇشە بولعانىن قۇتتىقتايمىن. ەكى جاق بىرلەسكەن مەملەكەتتەر ۇيىمى، ”77 ەل توبى جانە جۇڭگو“ سياقتى كوپ جاقتى مەحانيزمدە تىعىز سايكەسىپ، باسقا دا وركەندەپ كەلە جاتقان ەلدەرمەن ىنتىماقتى، سەلبەستىكتى كۇشەيتىپ، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن بىرگە قورعاۋى، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋى كەرەك. جۇڭگو جاق جۇڭگو - لاتىن امەريكاسى قارىم - قاتىناسىنىڭ دامۋىنا ايرىقشا ءمان بەرەدى. كەلەر جىلى − جۇڭگو - لاتىن امەريكاسى تالقى مىنبەرى قۇرىلعانىنىڭ 10 جىلدىعى. جۇڭگو جاق ۆەنەسۋەلا قاتارلى وڭىردەگى ەلدەرمەن بىرگە جۇڭگو مەن لاتىن امەريكاسىنىڭ تۇلعالىق سەلبەستىگىن جەبەپ، جۇڭگو مەن لاتىن امەريكاسىنىڭ تاعدىرلاس ورتاق تۇلعاسىن بىرگە قۇرۋدى قالايدى.
مادۋرو مىنالاردى ءبىلدىردى: ءتوراعا شي جينپيڭنىڭ باسشىلىعىندا، جۇڭگو بۇكىل ادامزاتتىڭ بەيبىتشىلىگىنە، دامۋىنا جانە ىرىس – قۇتىنا كۇش سالاتىن ۇلى مەملەكەتكە اينالدى، سونداي - اق كوپ ۇيەكتەنگەن جاڭا دۇنيە ءجۇزىن ىلگەرىلەتەتىن ماڭىزدى قوزعالتقىش. وسى رەتكى جۇڭگودا ساپاردا بولعان كەزىمدە كورگەن - بىلگەنىمنىڭ بارلىعى جۇڭگونىڭ العا باسۋى مەن كۇش - قۋاتىن تولىق ايگىلەدى، مەن جۇڭگو كوممۋنيستىك پارتياسى قول جەتكىزگەن ۇلى جەتىستىكتەردى شىن جۇرەكتەن قۇتتىقتايمىن. ۆەنەسۋەلا مەن جۇڭگونىڭ دوستىعى تەرەڭ، ىنتىماقتاستىعىنىڭ تابىسى مول، ەكى ەلدىڭ قارىم - قاتىناسىن دۇنيە جۇزىندەگى وڭتۇستىك ەلدەر قارىم - قاتىناسىنىڭ ۇلگىسى دەۋگە بولادى. ۆەنەسۋەلا حالقى جۇڭگو ۇكىمەتى مەن حالقىنىڭ زاڭسىز سىڭار جاقتى جازالاۋ جانە جاڭا تيپتى ايدارشا ۆيرۋس وكپە قابىنۋ ىندەتى سىندى قات - قابات قيىنشىلىققا تاپ بولعاندا قاستەرلى قولداۋ جانە كومەك كورسەتكەنىنە شىن جۇرەكتەن العىس ايتادى. باۋىرلاس جۇڭگونىڭ كومەگىنىڭ ارقاسىندا، ۆەنەسۋەلا حالقى سىننان ءوتىپ، مەملەكەتتىڭ ەكونوميكالىق قۇرىلىس ىستەرىندە كەرەمەت تابىستارعا قول جەتكىزدى. قازىر ۆەنەسۋەلا مەملەكەتىنىڭ دامۋى مەن ۆەنەسۋەلا - جۇڭگو قارىم - قاتىناسى تۇگەلدەي ماڭىزدى كەزەڭدە تۇر، مەن جۇڭگودا مەملەكەتتىك ساپاردا بولدىم ءارى ءتوراعا شي جينپيڭمەن بىرگە ۆەنەسۋالا مەن جۇڭگونىڭ قارىم - قاتىناسىن بارلىق جاعدايدا بىردەي ستراتەگيالىق سەرىكتەستىك قارىم - قاتىناس دەڭگەيىنە كوتەرۋدى جاريالادىم، مۇنىڭ تاريحي ءمانى بار، ءسوز جوق، ۆەنەسۋالا مەن جۇڭگونىڭ قارىم - قاتىناسىنىڭ جاڭا ءداۋىرىن اشادى. ۆەنەسۋەلا جاق جۇڭگو جاقتىڭ ەكونوميكالىق ەرەكشە رايون قۇرۋ تاجىريبەلەرىنەن ۇيرەنىپ، ۇلگى الىپ، ەكى ەلدىڭ اۋىل شارۋاشىلىعى، قارجى قوسۋ، وقۋ - اعارتۋ، ساياحات سياقتى سالالارداعى ناقتى ىستەر سەلبەستىگىن تەرەڭدەتۋدى قالايدى. ۆەنەسۋەلا جاق ”ءبىر بەلدەۋ، ءبىر جولدى“ بىرگە قۇرۋدى بەلسەنە قولدايدى، ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولدايدى، جۇڭگو جاقپەن بىرلەسكەن مەملەكەتتەر ۇيىمى، بريكس مەحانيزمى سياقتى كوپ جاقتى جۇلگەدەگى كەڭەسۋدى، سەلبەسۋدى جيىلەتىپ، كوپ جاقتىلىقتى جانە وركەندەپ كەلە جاتقان ەلدەردىڭ ورىندى مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. ۆەنەسۋەلا جاق لاتىن امەريكاسى ورتاق تۇلعاسىنىڭ جۇڭگومەن قارىم - قاتىناسىن ونان ارى دامىتۋدا بەلسەندى رول اتقارۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى ”ءبىر بەلدەۋ، ءبىر جولدى“ بىرگە قۇرۋ، ەكونوميكا - ساۋدا، وقۋ - اعارتۋ، ساياحات، عىلىم - تەحنيكا، دەنساۋلىق ساقتاۋ، عارىش، حالىقتىق اۆياتسيا سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن ۆەنەسۋەلا بوليۆار رەسپۋبليكاسىنىڭ بارلىق جاعدايدا بىردەي ستراتەگيالىق سەرىكتەستىك قارىم - قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا مادۋرونى قارسى الۋ سالتىن وتكىزدى.
مادۋرو كەلگەن كەزدە قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو، ۆەنەسۋەلا ەكى ەلدىڭ مەملەكەت ءانىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. مادۋرو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
شي جينپيڭنىڭ حانىمى پىڭ لييۋان مەن مادۋرونىڭ حانىمى فلورەس قارسى الۋ سالتىنا قاتىناستى. سول كۇنى كەشتە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا مادۋرو مەن فلورەسكە ارناپ قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
9 - ايدىڭ 13 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ۆەنەسۋەلانىڭ زۇڭتۇڭى مادۋرومەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا مادۋرونى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
