شينجياڭ ۇيعۇر اۆتونوميالى رايوندىق گەولوگيا مەكەمەسى ماڭدايشالىق اسىپ قۇرىلدى
ما شيڭرۇي، ەركىن تۇنياز ماڭدايشالىقتى اشتى، حى جۇڭيوۋ سالتقا قاتىناستى
2023.09.18 15:05 كەلۋ قاينارى : حالىق تورابى
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، جاڭ لەي 9 - ايدىڭ 15 - كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايوندىق گەولوگيا مەكەمەسى 9 - ايدىڭ 15 - كۇنى تۇستەن بۇرىن ماڭدايشالىعى اشىلىپ قۇرىلدى، شينجياڭ ۇيعۇر اۆتونوميالى رايوندىق پارتكومنىڭ شۋجيى ما شيڭرۇي، شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، شينجياڭ ۇيعۇر اۆتونوميالى رايونىنىڭ ءتوراعاسى ەركىن تۇنياز ماڭدايشالىق اشۋ سالتىنا قاتىناستى ءارى بىرگە ماڭدايشالىق اشىپ، شينجياڭ ۇيعۇر اۆتونوميالى رايوندىق گەولوگيا مەكەمەسىنىڭ قۇرىلعاندىعىن قىزۋ قۇتتىقتادى. ما شيڭرۇي قاتىستى جاۋاپتى جولداستارعا گەولوگيا مەكەمەسىنىڭ قۇرىلعاندىعىن جاڭا باستاما ەتىپ، شينجياڭنىڭ مەملەكەتتىڭ جالپى جاعدايىنداعى ستراتەگيالىق ورىن تۇراقتاندىرۋىن كوزدەپ، نازاردى شينجياڭنىڭ ەرەكشەلىگىن جانە باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرۋعا شوعىرلاندىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋگە شەبەر بولىپ، كەن ونىمدەرى بايلىعىن بارلاۋعا قاتىستى سالالاردا تىڭ تابىستارعا قول جەتكىزۋگە، تىڭ ىسكەرلىك كورسەتۋگە قۇلشىنىپ، شينجياڭنىڭ ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋى، مەملەكەتتىڭ ستراتەگيالىق جالپى جاعدايىنا ويداعىداي قىزمەت وتەۋى بارىسىندا رولىن شىنايى ساۋلەلەندىرىپ، اناعۇرلىم زور ۇلەس قوسۋدى قاداعالاي تاپسىردى.
شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ماڭدايشالىق اشۋ سالتىنا قاتىناستى.
ماڭدايشالىق اشۋ سالتىندا قاتىستى جولداستار شينجياڭ ۇيعۇر اۆتونوميالى رايوندىق گەولوگيا مەكەمەسى پارتيا باسشىلىق گرۋپپاسىن قۇرۋ جونىندەگى قاۋلىنى وقىدى، شينجياڭ ۇيعۇر اۆتونوميالى رايوندىق گەولوگيا مەكەمەسىندەگى نەگىزگى جاۋاپتى جولداستار لەبىز ءبىلدىردى.
شينجياڭ ۇيعۇر اۆتونوميالى رايوندىق گەولوگيا مەكەمەسى بۇرىنعى شينجياڭ ۇيعۇر اۆتونوميالى رايوندىق گەولوگيا كەن ىستەرى مەكەمەسىنەن، ءتۇستى مەتال گەولوگيا بارلاۋ مەكەمەسىنەن، كومىر كەن گەولوگيا مەكەمەسىنەن بىرىكتىرىلىپ ۇيىمداستىرىلىپ، شينجياڭ ۇيعۇر اۆتونوميالى رايوننىڭ گەولوگيا كەن ونىمدەرىن اشۋ ستراتەگياسىن جانە جوباسىن زەرتتەۋ، ستراتەگيالىق كەن ونىمدەرىن بارلاۋ - تەكسەرۋ مىندەتىن ارقالاپ، كەن بايلىعىن جاسىل اشىپ پايدالانۋعا تەحنيكالىق تىرەك ازىرلەۋ سياقتى فۋنكسيالاردى مىندەتىنە الادى، شينجياڭنىڭ باسىمدىققا يە ەنەرگيا بايلىعىن كادەگە جاراتىپ پايدالانۋدى جەدەلدەتىپ، ”8 ءىرى كاسىپ سالاسى شوعىرىن“ بار كۇشپەن دامىتىپ، مەملەكەتتىڭ ەنەرگيا جانە شەشۋشى كەن ونىمدەرى بايلىعى حاۋىپسىزدىگىن قامتاماسىزداندىرىپ، پارتيا مەن مەملەكەت قىزمەتىنىڭ جالپى جاعدايىنا ويداعىداي قىزمەت وتەۋدە ماڭىزدى مانگە يە.چىن ۋيجۇن ماڭدايشالىق اشۋ سالتىن باسقاردى، ءيۇسۇپجان مامەت، قادەن كابەن، جۇڭگو عىلىم اكادەمياسىنىڭ اكادەميگى شياۋ ۋىنجياۋ، اۆتونوميالى رايوننىڭ قاتىستى ورىندارىنداعى جاۋاپتى جولداستار جانە كاسىپورىن ۋاكىلدەرى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
