مەملەكەتتىك كوشى - قوندى باسقارۋ مەكەمەسى شەكارا اتتاعان زاڭعا قايشى قىلمىستارعا قاتاڭ سوققى بەرىپ، تۇبەگەيلى انىقتادى
مەملەكەت شەكاراسىن باسقارۋعا كەسىرىن تيگىزۋ قىلمىسىنا ساياتىن دەلولاردان 9000 نان استامىن انىقتاپ ءبىر جاقتى ەتكەن
2023.09.15 14:53 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ تيانپەي 9 - ايدىڭ 14 - كۇنى بەيجيڭنەن حابارلايدى. ءتىلشىنىڭ مەملەكەتتىك كوشى - قوندى باسقارۋ مەكەمەسىنىڭ اقپار جاريالاۋ ماجىلىسىنەن ۇعىسۋىنشا، 6 - ايدىڭ 25 - كۇنى مەملەكەت بويىنشا قوعام حاۋىپسىزدىگى ورگاندارىنىڭ جاز مەزگىلىندەگى اماندىق قورعاۋ، سوققى بەرۋ، جونگە سالۋ ارەكەتى ورىستەتىلگەننەن بەرى، مەملەكەتتىك كوشى - قوندى باسقارۋ مەكەمەسى وتكەلدەگى شەكارالىق تەكسەرۋ مەن باسقارۋدى قاتاڭداستىرىپ، شەكارا اتتاعان زاڭعا قايشى قىلمىستارعا قاتاڭ سوققى بەرىپ، تۇبەگەيلى انىقتاپ، ”ءۇشتى زاڭسىز ورىنداعان“ شەتەلدىكتەردى جونگە سالۋدى ۇزدىكسىز، ىشكەرىلەي ورىستەتىپ، كوشى - قوندى باسقارۋ سالاسىنداعى سوققى بەرۋ، الدىن الۋ، جونگە سالۋ شارالارىن قاتاڭ، شىنايى، تىڭعىلىقتى كۇشەيتتى؛ مەملەكەت شەكاراسىن باسقارۋعا كەسىرىن تيگىزۋ قىلمىسىنا قاتىستى دەلولاردان 9150 دەلونى بارلاپ انىقتاپ، ”ءۇشتى زاڭسىز ىستەگەن“ شەتەلدىكتەردەن 14222 ادامدى (رەت) انىقتاپ ءبىر جاقتى ەتتى، مەملەكەت قاقپاسىنداعى شەكارانىڭ حاۋىپسىزدىگىن، ورنىقتىلىعىن جانە شەكارادان كىرىپ – شىعۋدىڭ قالىپتى ءتارتىبىن پارمەندى قورعادى.
وتكەلدەگى شەكارالىق تەكسەرۋ مەن باسقارۋدى قاتاڭداستىرىپ، وتكەلدەگى شەكارادان زاڭسىز كىرىپ - شىعۋ اۋقىمىن ءجىتى قاداعالاپ، مەملەكەت قاقپاسىنداعى وتكەلدە كۇماندى ىستەردى، جالعان زاتتاردى تەكسەرۋ سىندى قىزمەتتىك مىندەتىن زاڭ بويىنشا اتقارىپ، شەكارادان كىرىپ - شىققان ادامدار مەن جۇكتەردى، زاتتاردى تەكسەرۋدى كۇشەيتتى؛ قۇرلىقتاعى شەكارادا تۇراقتاپ تۇرىپ تەكسەرۋ، جىلجىمالى شارلاپ تەكسەرۋ، كۇزەت قويىپ توقتاتىپ تەكسەرۋ شارالارىنا سۇيەنىپ، شارلاپ تەكسەرۋ ارقىلى ساقتانۋ - تەجەۋدى قاتاڭداستىردى. ارەكەت ورىستەتىلگەننەن بەرى، شەكارادان زاڭسىز كىرىپ - شىققان ادامداردان 14 مىڭ ادامدى انىقتاپ ءبىر جاقتى ەتىپ، قۇمار ويناۋ، الدامكوستىك ىستەۋ ىستەرىنە ساياتىن 21 مىڭ ادامدى زاڭ بويىنشا بوگەدى.
شەكارا اتتاعان زاڭعا قايشى قىلمىستارعا قاتاڭ سوققى بەرىپ، تۇبەگەيلى تەكسەرىپ، شەكارادان جاسىرىن ءوتۋ، مىلتىق جانە ەسىرتكى ساتۋ، اتكەزشىلىك ىستەۋ، شەكارا سىرتىندا قۇمار ويناۋ جانە الدامكوستىك ىستەۋ قاتارلىلارعا نازاردى شوعىرلاندىرىپ، دەلونى انىقتاۋدان قامال الۋدى كۇشەيتىپ، پەردە ارتىنداعى شەكارادان استىرتىن وتكىزۋشىلەردى، ۇيىمداستىرۋ جانە تاسىمالداۋ جۇيەسى، شوعىردىڭ اپانى قاتارلىلاردى ىشكەرىلەي قازۋ ارقىلى سوققى بەردى. قۇرلىق پەن تەڭىز ارقىلى شەكارادان جاسىرىن ءوتۋ كوپ تۋىلاتىن وڭىرلەردە شايقاس جۇرگىزۋ، كۋالىككە ساياتىن قىلمىس تۇرلەرى بويىنشا شايقاس جۇرگىزۋ، جاسىرىن كاسىپ سالاسىنىڭ تامىرىنا بالتا شابۋ شايقاسى، شەكارا اتتاپ سەلبەستىك جاساۋ ارقىلى قاينارىن تازالاۋ شايقاسى، قاشقىنداردى قۋالاپ، شەكارادان جاسىرىن وتكىزۋشىلەردى ۇستاۋدان قامال الۋ شايقاسى قاتارلىلاردى تىڭعىلىقتى ورىستەتىپ، قىلمىس كۇماندىلارىنان 16 مىڭ ادامدى ۇستاپ، قىلمىستىق توپتاردان 533 توپقا سوققى بەرگەن.
”ءۇشتى زاڭسىز ورىنداعان“ شەتەلدىكتەردى جونگە سالۋدى ىشكەرىلەي ۇزدىكسىز ورىستەتىپ، كورشىلەس ەلدەردىڭ ادامدارىنىڭ شەكارادان زاڭسىز كىرۋى، زاڭسىز جۇمىس ىستەۋى، ۇيلەنۋگە ساياتىن الدامكوستىك، ۆيزا كۋالىگىن الدامكوستىكپەن ءبىتىرۋ جانە ساتۋ قاتارلى زاڭعا قايشى قىلمىستاردى ءجىتى قاداعالاپ، قوعام حاۋىپسىزدىگى مينيسترلىگى بىتىرۋگە قۋزاعان دەلولاردان 25 دەلونى بارلاپ انىقتاپ، قىلمىس كۇماندىلارىنان 359 ادامدى تۇتقىنداپ، ”ءۇشتى زاڭسىز بىتىرگەن“ شەتەلدىكتەردەن 14222 ادامدى (رەت) انىقتاپ ءبىر جاقتى ەتكەن، ولاردىڭ ىشىندەگى زاڭدا بەلگىلەنگەن جاعدايلارعا ساي كەلەتىن 5100 ادامدى ەلىنە قايتارعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
