سىرتقى ىستەر مينيسترلىگى: قازىرگە دەيىن 110 نەشە مەملەكەتتىڭ ۋاكىلدەرى 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك باسشىلار كەڭەسىنە قاتىناساتىنىن تۇراقتاندىردى
2023.09.20 14:38 كەلۋ قاينارى : حالىق تورابى
سىرتقى ىستەر مينيسترلىگىنىڭ مالىمدەمەشىس ماۋ نيڭ 9 - ايدىڭ 19 - كۇنى كەزەكتى تىلشىلەردى قابىلداۋ ماجىلىسىن باسقاردى.
ءبىر ءتىلشى بىلاي دەپ سۇرادى: جۇڭگو جاق بيىل 10 - ايدا بەيجيڭدە 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك باسشىلار كەڭەسىن وتكىزەتىنىن جاريالادى. كەڭەس وتكىزىلەتىن مەزگىلدە قانداي قيمىلدار ۇيىمداستىرىلادى؟ كەڭەس وتكىزۋدىڭ دايىندىق قىزمەتىنىڭ ءۇردىسى قالاي بولۋدا؟
جاۋاپ: 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك باسشىلار كەڭەسى بيىل 10 - ايدا بەيجيڭدە وتكىزىلەدى. باسشىلار كەڭەسى مەزگىلىندەگى قيمىلدار اشىلۋ سالتى، ءوزارا توعىسۋ، جاسىل دامۋ، سيفرلى ەكونوميكا قاتارلىلار جونىندە 3 رەتكى باسشىلار كەڭەسى، سونداي - اق، ساۋدانى ىركىلىسسىزدەندىرۋ، حالىق تىلەگىن توعىستىرۋ، پاراسات قامباسى اراسىنداعى اۋىس - كۇيىس، پاك جىبەك جولى، جەرگىلىكتى ورىندار اراسىنداعى سەلبەستىك، تەڭىز - مۇحيتتاعى سەلبەستىك سىندى 6 رەتكى ارناۋلى تاقىرىپتىق كەڭەستى قامتيدى، سونىمەن بىرگە، كاسىپكەرلەر ءماجىلىسى دە وتكىزىلەدى.
3 - كەزەكتى باسشىلار كەڭەسىنە دايىندىق جاساۋ قىزمەتى تارتىپپەن، ءساتتى ىلگەرىلەتىلۋدە. قازىرگە دەيىن، 110 نەشە مەملەكەتتىڭ ۋاكىلدەرى ماجىلىسكە قاتىناساتىنىن تۇراقتاندىردى. جۇڭگو جاق باسشىلار كەڭەسىنە دايىندىق جاساۋ قىزمەتى بارىسىندا ”ءبىر بەلدەۋ، ءبىر جولداعى“ سەلبەستىك سەرىكتەرىمەن بايلانىستى ساقتاپ وتىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
