قۇتىرىق اۋرۋىنا شالدىعۋ ىقتيمالدىعىن قالاي تۇجىرىمدايدى؟ جارانىڭ اۋزىن قالاي ءبىر جاقتى ەتۋ كەرەك؟ ولشەم شىعارىلدى
2023.09.19 16:28 كەلۋ قاينارى : حالىق تورابى
قۇتىرىق اۋرۋىنا شالدىعۋ ىقتيمالدىعىنان ساقتانۋ جانە ونى ءبىرجاقتى ەتۋ قىزمەتىن ويداعىداي ىستەۋ ءۇشىن، مەملەكەتتىك اۋرۋدىڭ الدىن الۋ جانە ونى تىزگىندەۋ مەكەمەسى، مەملەكەتتىك دەنساۋلىق ساقتاۋ - سالاماتتىق كوميتەتى 9 - ايدىڭ 16 - كۇنى «قۇتىرىق اۋرۋىنا شالدىعۋ ىقتيمالدىعىنان ساقتانۋ جانە ونى ءبىرجاقتى ەتۋ ولشەمىن (2023 - جىلعى نۇسقا)» جاريالادى.
ولشەمدە قۇتىرىق اۋرۋىنا شالدىعۋ ىقتيمالدىعىن جاناسۋ فورماسى مەن بايقالۋ دارەجەسىنە قاراي ءۇش دارەجەگە بولگەن.
حايۋاناتتى ۇستاۋ نەمەسە وعان جەم بەرۋ، ياكي، تەرىنىڭ ساۋ جەرىن حايۋاناتتىڭ جالاۋى I - دارەجەلى ىقتيمالدىق دەپ سانالادى.
تەرىنىڭ كيىمسىز اشىق تۇسىن حايۋانات جەڭىل دارەجەدە قاپسا، نەمەسە كورنەكتى قانامايتىنداي جەڭىل تىرناسا، تەرىنى سىدىرىپ كەتسە Ⅱ - دارەجەلى ىقتيمالدىق كولەمىنە كىرەدى.
حايۋانات دەنەدەگى تەرىنىڭ ءبىر جەرىن نەمەسە كوپ جەرىن تەرىدەن وتكىزە قاپسا نەمەسە تىرناسا، ياكي، تەرىنىڭ زاقىمدالعان تۇسىن جالاسا، ياكي، اشىق جارا، كىلەگەيلى قابىق سىلەكەيلەسە نەمەسە تىكاندارى بىلعانسا، ياكي، جارقاناتتى تىكەلەي ۇستاسا Ⅲ - دارەجەلى ىقتيمالدىق كولەمىنە كىرەدى.
قۇتىرىق اۋرۋىنان ساقتانۋ جانە ونى ءبىرجاقتى ەتۋ جاعىنداعى امبۋلاتوريالىق ەمدەۋ قىزمەتكەرلەرى ىقتيمالدىق دارەجەسىن تۇراقتاندىرعان سوڭ، جۇعىمدالۋى مۇمكىن ادامعا قۇتىرىق اۋرۋىنىڭ زيانى مەن ىستەۋگە ءتيىستى شارالاردى دەر كەزىندە ايتۋى كەرەك. جۇعىمدالۋى مۇمكىن ادام جاعدايدى ءبىلىپ، رۇقساتىن بەرگەن سوڭ، ەمدەۋ قىزمەتكەرلەرى ونىڭ جاراقاتىنا سايكەستى ەمدەۋ شارالارىن اتقارۋى كەرەك.
ولشەمدە مىنالار تالاپ ەتىلگەن: اۋدان دارەجەلىدەن جوعارى ورىندارداعى دەنساۋلىق ساقتاۋ - سالاماتتىق تاراۋلارى، اۋرۋدان ساقتانۋ جانە ونى تىزگىندەۋ تاراۋلارى باسقارۋىنداعى وڭىردە قۇتىرىق اۋرۋىنان ساقتانۋ جانە ونى ءبىرجاقتى ەتۋ امبۋلاتورياسىن ۇيلەسىمدى ورنالاستىرۋى كەرەك. قۇتىرىق اۋرۋىنا شالدىعۋدان ساقتانۋ جانە ونى ءبىرجاقتى ەتۋ قىزمەتىمەن شۇعىلداناتىن قىزمەتكەرلەر، ءسوزسىز، اۋدان دارەجەلىدەن جوعارى ورىندارداعى جەرگىلىكتى دەنساۋلىق ساقتاۋ - سالاماتتىق تاراۋلارىندا، اۋرۋدان ساقتانۋ جانە ونى تىزگىندەۋ تاراۋلارىندا كاسىپتىك كۋرسقا قاتىناسۋى، باعالاۋدا تولىمدى بولعان سوڭ قىزمەتكە شىعۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
