4 تاراۋ بىرلەسىپ قۇجات شىعارىپ، اۋىز قۋىسىن ەمدەۋ ارەكەتىن اناعۇرلىم ارناعا ءتۇسىردى
اۋىز قۋىسى ماتەريالى باعاسىنىڭ اشىق جاريالانۋىن جەبەۋ كەرەك
2023.09.19 13:45 كەلۋ قاينارى : حالىق تورابى
مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك ەمدەۋ قامسىزداندىرۋ مەكەمەسى، فينانستى باقىلاۋ ـ باسقارۋ باس مەكەمەسى، مەملەكەتتىك ءدارى ـ دارمەكتى باقىلاۋ ـ باسقارۋ مەكەمەسى قاتارلى 4 تاراۋ تاياۋدا «اۋىز قۋىسىن ەمدەۋگە قىزمەت وتەۋ جانە ونى قامتاماسىز ەتۋ، باسقارۋ قىزمەتىن ونان ارى ىلگەرىلەتۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) بىرگە باسىپ تاراتتى. اۋىز قۋىسىن ەمدەۋ ارەكەتىن ونان ارى ارناعا ءتۇسىرىپ، اۋىز قۋىسىن ەمدەۋدى قامتاماسىزداندىرۋ دەڭگەيىن جوعارىلاتۋدى ايقىندادى.
«ۇقتىرۋدا» مىنالار ايقىن بەلگىلەندى: جەرگىلىكتى ءار دارەجەلى دەنساۋلىق ساقتاۋ جانە سالاماتتىق اكىمشىلىك تاراۋلارى اۋىز قۋىسىن ەمدەۋ قىزمەت وتەۋىن جەرگىلىكتى ورىننىڭ ەمدەۋ بايلىعىنىڭ جالپى تۇلعالىق جوباسىنا ەنگىزىپ، ءبىرتۇتاس ويلاستىرىپ، جالپىلىق شيپاحانالاردىڭ اۋىز قۋىسى ءبولىمى مەن اۋىز قۋىسى ارناۋلى ەمدەۋ قۇرىلىمدارى قۇرىلىسىن كۇش سالا ىلگەرىلەتۋى ءارى ءتۇرلى ەمدەۋ ءتۇزىمى ولشەمىن قاتاڭ تياناقتاندىرىپ، اۋىز قۋىسىنا دياگنوز قويۋ، ەمدەۋ قىزمەت وتەۋىن جۇيەلى ورىستەتۋ كەرەك.
اۋىز قۋىسى ماتەريالدارىمەن قامداۋدى قامتاماسىزداندىرۋ، باسقارۋ جاعىندا، «ۇقتىرۋدا» مىنالار ايقىن بەلگىلەندى: جەر – جەر اۋىز قۋىسىن قالپىنا كەلتىرۋ، ءتىس سالۋ، ءتىستى تۇزەۋ سياقتىلارعا ىستەتىلەتىن ماتەريالداردى ولكە دارەجەلى تەكشەلەرگە شىعارىپ ساتىپ الۋدى جۇيەلى تياناقتاندىرىپ، اۋىز قۋىسى ماتەريالدارى باعاسىنىڭ اشىق، جاريا بولۋىن جەبەپ، وتىرىك باعا قوسۋدى ازايتۋ كەرەك.
«ۇقتىرۋدا» مىنالار تالاپ ەتىلدى: جەر – جەردەگى ەمدەۋ قامسىزداندىرۋ تاراۋلارى اۋىز قۋىسىن ەمدەۋ قىزمەت وتەۋ باعاسىن جالپى بارىستىق تىزگىندەۋ نىساناسىن جاپپاي تياناقتاندىرىپ، ۇكىمەت باسقارۋىنداعى ەمدەۋ قۇرىلىمدارىنىڭ ءتىس سالۋ، ءتىس قاپتاۋ، سۇيەك كوشىرۋ وپەراتسياسى سياقتىلاردىڭ باعاسىن ارناۋلى جونگە سالۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
