گانسۋ ولكەسى پرجەۆالسكي كەرقۇلانىنان ءبىرىنشى توپتاعى 19 كەرقۇلاندى تۇڭعىش رەت جاپان تۇزگە قويا بەردى
2023.09.18 16:18 كەلۋ قاينارى : حالىق تورابى
پرجەۆالسكي كەرقۇلانى دۇنيە ءجۇزى بويىنشا قازىر تىرشىلىك ەتىپ جاتقان كەرقۇلاننىڭ بىردەن - ءبىر تۇقىمى. بۇرىن نەگىزىنەن گانسۋ، شينجياڭ قاتارلى جەرلەردە تىرشىلىك ەتەتىن. اڭ اۋلاۋ مەن جاراتىلىستىق ورتانىڭ فاكتورى قاتارلى سەبەپتەرمەن 20 - عاسىردىڭ ورتا شەنىندە تۇزدەگى پرجەۆالسكي كەرقۇلانىنىڭ تۇقىمى قۇرىعان.
20 - عاسىردىڭ 80 - جىلدارىندا ەلىمىز «كەرقۇلاندى مەكەنىنە قايتاۋ جوسپارىن“ باستاپ، شەتەلدەن پرجەۆالسكي كەرقۇلانىن ەنگىزىپ، ونىڭ تۇقىمىن كوبەيتىپ، قورعاۋعا العان. جاساندى جولمەن قىرىق جىلعا جۋىق ءوسىرۋ ارقىلى پرجەۆالسكي كەرقۇلانىنىڭ تىرشىلىك كۇيى جاقسارىپ، سانى ۇزدىكسىز ارتتى.
گانسۋ ولكەسى دۇنحۋاڭ قالاسىنداعى شيحۋ مەملەكەت دارەجەلى جاراتىلىستىق قورىعىنداعى پرجەۆالسكي كەرقۇلانىنىڭ سانى 102 تۇياققا جەتتى. 9 - ايدىڭ 16 - كۇنى جارتىلاي بىتىراڭعى قويا بەرۋ رايونىنداعى 19 تۇياق پرجەۆالسكي كەرقۇلانى قىزمەتكەرلەر مەن مالشىلاردىڭ كومەگىندە وزدەرى ۇزاق ۋاقىت تىرشىلىك ەتكەن سازدى جەردەن شىعىپ، ادامنىڭ باعۋىنان بۇكىلدەي بوساتىلىپ، 30 كيلومەتر شالعايداعى ۇلكەن ماميتۋ سازدىعىنا قاراي بەت تۇزەدى. بۇل گانسۋ ولكەسىنىڭ تۇڭعىش رەت ادامنىڭ كومەگىندە پرجەۆالسكي كەرقۇلانىن جاپان تۇزگە قويا بەرۋى.
9 - ايدىڭ 17 - كۇنى تۇسكە دەيىن، جاپان تۇزگە قويا بەرىلگەن 19 تۇياق كەرقۇلاننىڭ كەيبىرەۋى كەرى قايتپاق بولدى، كەيبىرەۋى ۇزدىكسىز العا قاراي ىلگەرىلەدى. قورىق رايونى ولاردىڭ جاعدايىن ءجىتى باقىلاۋدا. (باس ستانسيا ءتىلشىسى شاي شىۋىن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
