ءبىر بەلدەۋ، ءبىر جول، داڭعىل جولدا ساپارلاس بولۋ
ون ەكى مۇقام: تالاي زاماندى باستان كەشىرىپ قۇنى ارتا تۇسكەن جىبەك جولىنداعى مۋزيكالى داستان
2023.09.19 15:54 كەلۋ قاينارى : حالىق تورابى
كۇز باسى، شينجياڭنىڭ قاشقار ايماعىنىڭ ياركەن اۋدانىندا جەمىس - جيدەكتىڭ ءيىسى اڭقيدى، اۋىل اراسىنداعى سايالى جولدىڭ بويىنان تامىلجىعان مۋزيكا اۋەنى ەستىلەدى. ءتىلشى مۋزيكا اۋەنى شىققان جاققا قاراي ءجۇرىپ، اتالعان اۋدانداعى ءبىر شارۋا وتباسىنا كەلدى. ياركەن اۋدانىنداعى ”ون ەكى مۇقام مادەنيەتىنە مۇراگەرلىك ەتۋ ورتالىعىنىڭ“ ونەرپازدارى ءۇزىم سورەسى ساياسىندا جاتتىعۋ جاساپ جاتىر ەكەن. مۋزيكا بىردە مامىرلاي تولقىپ، بىردە ويناقى ىرعاققا ءوتىپ، ءان مەن ءبي كوڭىلدى شارىقتاتىپ، تىڭداعان جاننىڭ بارلىعىن تامساندىردى.
ون ەكى مۇقام — جىبەك جولىندا بۇگىنگە دەيىن جالعاسقان كوركەمونەر فورماسى، مۋزيكا، ولەڭ، ءبي جانە تۇرمىس سالتى ءبىر ارنادا توعىسىپ، حالىقتىق مۋزيكادا ماڭىزدى ورىن يەلەيدى. ”ون ەكى مۇقامنىڭ مەكەنى“ اتالعان ياركەن اۋدانى ءشولدىڭ جيەگىندەگى جاسىل القاپقا ىرگە تەپكەن، ەرتەدە ەجەلگى جىبەك جولىنىڭ بويىنداعى ماڭىزدى بەكەت بولعان. سوندىقتان، ون ەكى مۇقام كوركەمونەرى جىبەك جولىنىڭ بويىنداعى مادەنيەت جاعىنداعى اۋىس - كۇيىستىڭ شۇعىلالى تاريحىنا كۋا بولعان.
ون ەكى مۇقام فولكلورلىق حالىقتىق مۋزيكا كوركەمونەرى، ول تاريحتىڭ ۇزاق كوشىندە تالاي رەت رەتتەۋ مەن جۇيەگە ءتۇسىرۋدى باستان كەشىرگەن. جۋىرداعى جىلداردان بەرى، ءار سالاداعىلاردىڭ قورعاۋى جانە مۇراگەرلىك ەتۋىمەن، بايىرعى ون ەكى مۇقام كوركەمونەرى جاڭارىپ ارلەنە ءتۇستى. (نۇرعيسا، شۇي جىڭ، تاڭ سۇڭ)
(بۇل كەسكىندەگى ماتەريالداردىڭ ءبىر ءبولىمىن ياركەن اۋداندىق توعىسپالى مەديا ورتالىعىنىڭ قىزمەتكەرى مامەتالى مامەتيمين بەرگەن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
