شينجياڭعا باعىتتامالى كومەكتەسۋ قىزمەتىنىڭ مەملەكەتتىك 9 ـ رەتكى ءماجىلىسى اشىلدى
ۋاڭ حۋنيڭ ماجىلىسكە قاتىناستى ءارى ءسوز سويلەدى
2023.09.22 16:25 كەلۋ قاينارى : حالىق تورابى
«حالىق گازەتى»، 9 ـ ايدىڭ 21 ـ كۇنى، قاشقار (ءتىلشى جاۋ بيڭ). شينجياڭعا باعىتتامالى كومەكتەسۋ قىزمەتىنىڭ مەملەكەتتىك 9 ـ رەتكى ءماجىلىسى 9 - ايدىڭ 19 ـ كۇنىنەن 21 ـ كۇنىنە دەيىن شينجياڭ قاشقاردا اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە ـ ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋعا، نەگىزگى جەلىنى ورناتۋعا شوعىرلاندىرىپ، وسكەلەڭ جاۋاپكەرلىك سەزىممەن جانە بورىشتىلىق سەزىممەن شينجياڭعا باعىتتامالى كومەكتەسۋ قىزمەتىنىڭ اناعۇرلىم ساپالى ورىستەتىلۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭ قۇرۋ كەرەك.
ۋاڭ حۋنيڭ مىنانى ءبىلدىردى: جاڭا داۋىردە شينجياڭعا باعىتتامالى كومەكتەسۋ قىزمەتىندە كورنەكتى ناتيجەگە قول جەتىپ، باعالى تاجىريبەلەر توپتالدى. ورتالىقتىڭ قاتىستى تاراۋلارى، كومەكتەسۋشى ولكە، قالالار جانە ورتالىققا قاراستى كاسىپورىندار شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋگە قوسقان قارجىسىنىڭ مولدىعىن، قاتىناسقان ادامنىڭ كوپتىگىن، قامتيتىن سالاسىنىڭ كەڭدىگىن، قول جەتكىزگەن ونىمدىلىگىنىڭ زور بولۋىن بۇرىن بولماعان دەڭگەيگە جەتكىزىپ، پارتيا باسشىلىعىنىڭ ساياسي ابزالدىعىن جانە جۇڭگوشا سوتسياليستىك ءتۇزىمنىڭ وراسان زور ابزالدىعىن ايگىلەدى.
ۋاڭ حۋنيڭ مىنالاردى ءبىلدىردى: شينجياڭعا باعىتتامالى كومەكتەسۋ − مەملەكەتتىك ستراتەگيا، ءسوز جوق، شينجياڭعا جاپپاي كومەكتەسۋدە، شينجياڭعا دالمە - ءدال كومەكتەسۋدە، شينجياڭعا ۇزاق ۋاقىت كومەكتەسۋدە تاباندى بولۋ كەرەك. جۇمىستاندىرۋدى باعدار ەتكەن كاسىپ سالاسى بويىنشا شينجياڭعا كومەكتەسۋدى ۇزدىكسىز ىشكەرىلەي ىلگەرىلەتىپ، شينجياڭنىڭ ەرەكشە ابزالدىعىن ايگىلەيتىن وسىزاماندانعان كاسىپ سالاسى جۇيەسىن جەدەل ورناتىپ، شينجياڭ ەكونوميكاسىنىڭ ساپالى دامۋىن ىلگەرىلەتۋ كەرەك. وقۋ - اعارتۋ ارقىلى شينجياڭعا كومەكتەسۋدى ۇزدىكسىز ىشكەرىلەي ىلگەرىلەتىپ، شينجياڭنىڭ ساپالى وقۋ - اعارتۋ جۇيەسىن قۇرۋىنا دەم بەرۋ كەرەك. كادر - دارىندىلاردىڭ اۋىس - كۇيىسىن، سەلبەستىگىن ۇزدىكسىز ىشكەرىلەي ىلگەرىلەتىپ، شينجياڭعا كومەكتەسەتىن كادر - دارىندىلاردىڭ جاۋاپكەرلىك ارقالاۋىن، ىسكەرلىك كورسەتۋىن ىلگەرىلەتۋ كەرەك. ۇلتتاردىڭ ارالاسۋىن، ىشتەسۋىن، توعىسۋىن ۇزدىكسىز ىشكەرىلەي ىلگەرىلەتىپ، ۇلتتار ىنتىماعىن كۇشەيتۋ، جۇرت تىلەگىن كەڭ كولەمدە ۇيىستىرۋ ورنىندا تاباندى بولىپ، جۇڭحۋا ۇلتى ورتاق تۇلعا تانىمىن ناقتى، اسەرلى، ءونىمدى تۇردە بەكەمدەۋ كەرەك. شينجياڭدى مادەنيەتپەن نارلەندىرۋدى ۇزدىكسىز ىشكەرىلەي ىلگەرىلەتىپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتۋ كەرەك. شينجياڭعا باعىتتامالى كومەكتەسۋ قىزمەتىنە ۇيىمدىق باسشىلىقتى كۇشەيتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك.
ما شيڭرۇي، جياڭ شينجى ماجىلىسكە قاتىناستى. شى تايفىڭ ءماجىلىستى باسقاردى ءارى قورىتىندى ءسوز سويلەدى. ول مىنالاردى ءبىلدىردى: جەر ـ جەر، تاراۋلار ساياسي دەڭگەيدى جوعارىلاتىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جاپپاي دايەكتىلەندىرىپ، تياناقتاندىرىپ، شينجياڭ قىزمەتىنىڭ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جالپى جاعدايىنداعى ستراتەگيالىق ورنىن ءداپ باسىپ يگەرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، جاڭا ءداۋىردىڭ جاڭا ساپارىنداعى شينجياڭعا باعىتتامالى كومەكتەسۋ قىزمەتىن عىلمي جوسپارلاپ، تىڭعىلىقتى ىلگەرىلەتۋ كەرەك. ماسەلەنى باعدار ەتۋدەن جازباي، نازاردى ءتۇيىندى سالالارعا شوعىرلاندىرىپ، تاماشا ورتا ازىرلەپ، قىزمەت جوباسىن كەمەلدەندىرىپ، شينجياڭعا باعىتتامالى كومەكتەسۋدىڭ تيانشان تاۋىنىڭ تۇستىگى مەن تەرىستىگىندە تىڭ دا اناعۇرلىم زور ناتيجەگە قول جەتكىزۋىن ىلگەرىلەتۋ كەرەك.
شينجياڭعا باعىتتامالى كومەكتەسەتىن 19 ولكە، قالاداعى، ورتالىقتىڭ قاتىستى تاراۋلارى مەن ورىندارىنداعى، شينجياڭ ۇيعۇر اۆتونوميالى رايونىنداعى، شينجياڭ ءوندىرىس - قۇرىلىس بيڭتۋانىنداعى، سونداي - اق ايماق، وبلىس، قالا، ديۆيزيالارداعى جانە قاتىستى تاراۋلارداعى جاۋاپتى جولداستار ماجىلىسكە قاتىناستى. ورتالىق كوميتەت ۇيىمداستىرۋ بولىمىندەگى، ورتالىق كوميتەت ۇگىت بولىمىندەگى، مەملەكەتتىك دامۋ - رەفورما كوميتەتىندەگى، ونەركاسىپ جانە ينفورماتسيالاندىرۋ مينيسترلىگىندەگى جانە بەيجيڭ، تيانجين، شاڭحاي، جياڭسۋ، جىجياڭ، فۋجيان، شاندۇڭ، حىنان، گۋاڭدۇڭداعى، شينجياڭ ۇيعۇر اۆتونوميالى رايونىنداعى، شينجياڭ ءوندىرىس - قۇرىلىس بيڭتۋانىنداعى جاۋاپتى جولداستار ماجىلىستە ءسوز سويلەدى.
شينجياڭداعى كەزىندە ۋاڭ حۋنيڭ ىلە، قاشقار، قىزىلسۋ جانە بيڭتۋان 4 - شىسى سياقتى جەرلەرگە بارىپ تەكسەرۋ - زەرتتەۋ جۇرگىزىپ، شينجياڭعا كومەككە كەلگەن كادرلار مەن نەگىزگى ساتى بۇقاراسىنان حال سۇرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
