مەملەكەتتىك استىق جانە زات زاپاسى مەكەمەسى پارتيا باسشىلىق گرۋپپاسىنىڭ بۇرىنعى شۋجيى، بۇرىنعى مەكەمە باستىعى جاڭ ۋفىڭنىڭ پارا الۋ دەلوسى جونىندە ءبىرىنشى سوت اشىلدى
2023.09.22 16:29 كەلۋ قاينارى : حالىق تورابى
2023 – جىلى 9 – ايدىڭ 21 – كۇنى، سىچۋان ولكەسى دى - ياڭ قالالىق ورتا دارەجەلى حالىق سوت مەكەمەسى مەملەكەتتىك استىق جانە زات زاپاسى مەكەمەسى پارتيا باسشىلىق گرۋپپاسىنىڭ بۇرىنعى شۋجيى، بۇرىنعى مەكەمە باستىعى جاڭ ۋفىڭنىڭ پارا الۋ دەلوسىن ءبىرىنشى سوتتا اشىق قارادى.
دى - ياڭ قالالىق حالىق پروكۋراتۋراسى بىلاي دەپ ايىپتادى: 2003 - جىلدان 2022 - جىلعا دەيىن ايىپكەر جاڭ ۋفىڭ شاندۇڭ ولكەلىك ونەركاسىپ - ساۋدا اكىمشىلىك باسقارۋ مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى، شاندۇڭ ولكەسى لين - ي قالالىق پارتكومنىڭ ورىنباسار شۋجيى، قالا باستىعى، شاندۇڭ ولكەلىك ۇكىمەتتىڭ پارتيا باسشىلىق گرۋپپاسىنىڭ مۇشەسى، ورىنباسار ولكە باستىعى، مەملەكەتتىك دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، مەملەكەتتىك استىق جانە زات زاپاسى مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى سياقتى مىندەتتەردى وتەگەن كەزىندە قىزمەت قولايلىلىعى، سونداي ـ اق قىزمەت ۇقىعى نەمەسە ورنى قالىپتاستىرعان قولايلى شارت ـ جاعدايدان پايدالانىپ قاتىستى ورىندار مەن جەكەلەردىڭ قۇرىلىستى كوتەرمەگە الۋ، كادرلاردى تاڭداپ ءوسىرۋ، مىندەتكە قويۋ سياقتى ىستەرىندە كومەك كورسەتكەن. 2006 - جىلدان 2022 - جىلعا دەيىن، جاڭ ۋفىڭ ءوزى نەمەسە ءىس جۇزىندە تىزگىندەگەن كاسىپورىن ارقىلى زاڭسىز مال - مۇلىك قابىلداعان، حالىق اقشاسىنا سىندىرعاندا جيىنى 16 ميلليون 470 مىڭ يۋاننان اسقان، مۇنىڭ ىشىندە ءبىر ميلليون 600 مىڭ يۋان دەلو تۋىلعان كەزدە ءىس جۇزىندە قولىنا تيمەگەن. پروكۋراتۋرا ورگانى پارا الۋ قىلمىسى بويىنشا جاڭ ۋفىڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا الەۋمەتتىك ايىپتاۋ ورگانى قاتىستى دالەل - ىسپاتتاردى كورسەتتى، ايىپكەر جاڭ ۋفىڭ مەن ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، جاڭ ۋفىڭ ەڭ سوڭعى ءسوزىن سويلەدى ءارى سوت ۇستىندە قىلمىسىن تانىپ، رايىنان قايتقاندىعىن ءبىلدىردى. ەڭ سوڭىندا سوت ءۇزىلىس جاساعانىن، سوت ۇكىمىن ارتىنا جاريالايتىندىعىن ءبىلدىردى. حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالاداعى بۇقارادان 40 نەشە ادام سوت تەرگەۋىن سىرتتاي تىڭدادى. (ورتالىق تەلەۆيزيا ستانسياسىنىڭ حابارى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
