ب م ۇ - نىڭ باس حاتشىسى بارلىق ادام ءۇشىن بەيبىتشىلىكتى قۇلشىنا قۇرۋعا، ىلگەرىلەتۋگە جانە ساقتاۋعا ۇندەدى
2023.09.22 16:31 كەلۋ قاينارى : حالىق تورابى
شينحۋا اگەنتتىگىنىڭ 9 ـ ايدىڭ 21 ـ كۇنى بىرلەسكەن مەملەكەتتەر ۇيىمىنان بەرگەن حابارى. 9 - ايدىڭ 21 ـ كۇنى حالىقارالىق بەيبىتشىلىك كۇنى. ب م ۇ ـ نىڭ باس حاتشىسى گۋتەررەس بەينە ەكران ارقىلى ءسوز سويلەپ بىلاي دەپ باسا دارىپتەدى: بەيبىتشىلىك ادامزاتتىڭ وسكەلەڭ مۇراتى عانا ەمەس، ونان دا ماڭىزدىسى، ارەكەتكە ۇندەۋ، حالىقارالىق قوعام ”بارلىق ادام ءۇشىن بەيبىتشىلىكتى قۇرۋعا، ىلگەرىلەتۋگە جانە ساقتاۋعا“ كۇش سالۋى كەرەك.گۋتەررەس بىلاي دەدى: قازىر ادامزات پەن جەر شارى داعدارىستا تۇر، قاقتىعىس سانى بارعان سايىن جوعارىلاپ، بۇقارانى مەكەنىنەن كەتۋگە ماجبۇرلەۋدە، ءورت اپاتى، تاسقىن اپاتى جانە جوعارى تەمپەراتۋرا ويران سالىپ، كەدەيلىك، تەڭسىزدىك جانە ادىلەتسىزدىك، سەنىمسىزدىك، بولشەكتەنۋ مەن سىڭارجاقتىلىق ۇزدىكسىز اسقىنۋدا.
گۋتەررەس بىلاي دەپ باسا دارىپتەدى: بەيبىتشىلىك وزدىگىنەن جۇزەگە اسپايدى، قايتا ارەكەتتىڭ ناتيجەسى. ول باياندى دامۋ نىساناسىن جۇزەگە اسىرۋدى تەزدەتىپ، بىردە – ءبىر ادامنىڭ قاتاردان قالماۋىنا كەپىلدىك ەتىپ، ءاربىر ادامنىڭ ادامدىق ۇقىعى مەن ار - نامىسىن قورعاپ، ديپلوماتيا، تىلدەسۋ جانە سەلبەستىك ارقىلى شۇعىل جاعدايدى تىنىشتاندىرۋعا ءارى قاقتىعىستى اياقتاتۋعا ۇندەدى.
حالىقارالىق بەيبىتشىلىك كۇنىن بىرلەسكەن مەملەكەتتەر ۇيىمى جينالىسى 1981 - جىلى بەلگىلەگەن. 2001 - جىلى ب م ۇ - نىڭ جينالىسى قاۋلى ماقۇلداپ، حالىقارالىق بەيبىتشىلىك كۇنىن ءار جىلى 9 – ايدىڭ 21 - كۇنى دەپ تۇراقتاندىردى ءارى بۇل كۇندى دۇنيە ءجۇزى بويىنشا سوعىس توقتاتۋ جانە زورلىقتى كۇشسىز كۇن ەتىپ بەلگىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
