شينجياڭ التايداعى تاۋلى وڭىرلەردە قار جاۋدى، قاناس كورىنىس رايونى تاس جولداعى قاتىناستى باسقارۋ جاعىنداعى ۋاقىتتىق شارانى اتقاردى
2023.09.25 14:54 كەلۋ قاينارى : حالىق تورابى
9 - ايدىڭ 24 - كۇنى تاڭ سارىدەن باستاپ، شينجياڭ التاي ايماعىنداعى تاۋلى وڭىرلەردە قار جاۋدى. التاي ايماعى قوم قىستاعىنداعى تاۋلى وڭىرلەردە قاپالاقتاپ قار جاۋىپ، جەر ءجۇزى اق كورپەگە وراندى. 9 - ايدىڭ 24 - كۇنى ساعات 17 گە دەيىن، تەڭىز دەڭگەيىنەن 1500 مەتردەن استام بيىكتىكتەگى تاۋلى وڭىرلەردە جاڭادان جاۋعان قاردىڭ قالىڭدىعى 30 سانتيمەتردەن اسىپ، ەرەكشە قالىڭ قار دارەجەسىنە جەتتى. جاۋعان قار ساياحاتشىلاردىڭ كورىكتى كورىنىستى تاماشالاۋعا دەگەن ىقىلاسىنا ىقپال جاساعان جوق، ساياحاتشىلاردىڭ ءبىرتالايى بيىكتىك پارقى 1000 مەتردەن اساتىن سەيىلدەۋگە ارنالعان اسپالى ارباعا وتىرىپ، كۇزدەگى ماي بوياۋلى سۋرەتتەي الەمنەن قىستاعى قار - مۇز قۇرسانعان الەمگە ”كوكتەي ءوتۋ“ سىندى عاجاپ ساياحاتتان ءلاززاتتاندى.
شينجياڭداعى اۋا رايى تاراۋلارىنىڭ ەسكەرتۋىنشە، وسى رەت قار جاۋىپ، تەمپەراتۋرانىڭ تومەندەۋى قاتىناس، ءجۇرىس - تۇرىس جانە ەلەكتر قۋاتى، حابارلاسۋ قۇرىلعىلارى جاقتارىندا ءتيىمسىز ىقپالدار جاساعان، جەرگىلىكتى ەلەكتر قۋاتى تاراۋلارى ەرتە باستان ادام ۇيىمداستىرىپ، جابدىقتاردى كۇتىمدەپ، جەلىلەر مەن جابدىقتاردىڭ، قۇرىلعىلاردىڭ ورنىقتى ىسكە قوسىلۋىنا كەپىلدىك ەتكەن. ءىشىنارا جول بولىكتەرىندە ءتۇن ىشىندە جولعا مۇز قاتۋ قۇبىلىسىنا باعىتتاي وتىرىپ، قاناس كورىنىس رايونى 9 - ايدىڭ 24 - كۇنى تۇننەن باستاپ تاس جولداعى قاتىناستى باسقارۋ جاعىنداعى ۋاقىتتىق شارالاردى اتقارىپ، قاناستان نارىنعا باراتىن جول اۋزى، قاناستان تاس ۇيگە باراتىن جانە قوم قىستاعىنان قومعا باراتىن ايىرىق جول اۋزى قاتارلى جەرلەردە بۇكىل جەلى بويىنشا ءتۇن ىشىندە تاس جولداعى قاتىناستى باسقارۋ جاعىنداعى شارالاردى اتقارعان، ناقتى باسقارۋ ۋاقىتى اۋا رايىنداعى وزگەرىستەرگە ساي رەتتەلەدى.
ۇعىسۋعا قاراعاندا، وسى رەت قار 9 - ايدىڭ 27 - كۇنى تۇستەن بۇرىنعا دەيىن جاۋادى، التاي ايماعى بۋىرشىن اۋدانىنداعى قاناس، قوم كورىنىس رايونى، بۋرىلتوعاي اۋدانىنداعى جايلاۋ، سونداي - اق، سولتۇستىك بولىكتەگى تاۋلى وڭىردەگى تەڭىز دەڭگەيىنەن 1500 مەتردەن استام بيىكتىكتەگى وڭىرلەردە ەرەكشە قالىڭ قار جاۋادى، تاۋلى وڭىرلەردە ەڭ تومەنگى اۋا تەمپەراتۋراسى نولدەن تومەن 12 گرادۋسقا دەيىن تومەندەيدى. (باس ستانسيا ءتىلشىسى شين رىن، جاڭ جىشياڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
