چىن شۇييۋان ايىپتالدى!
2023.09.27 16:23 كەلۋ قاينارى : حالىق تورابى
جۇڭگو فۋتبول قوعامى پارتكومىنىڭ بۇرىنعى ورىنباسار شۋجيى، ءتوراعاسى چىن شۇييۋاننىڭ پارا الۋ دەلوسىن حۋبەي ولكەلىك باقىلاۋ - تەكسەرۋ كوميتەتى تەكسەرىپ اياقتاتىپ، پروكۋراتۋرا ورگانىنىڭ تەكسەرىپ ايىپتاۋىنا وتكىزىپ بەردى. حۋبەي ولكەلىك حالىق پروكۋراتۋراسىنىڭ بەلگىلەۋىمەن، حۋاڭشى قالالىق حالىق پروكۋراتۋراسى تەكسەرىپ ايىپتايدى. تاياۋدا حۋاڭشى قالالىق حالىق پروكۋراتۋراسى زاڭ بويىنشا حۋاڭشى قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر چىن شۇييۋان يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگاندارى بىلاي دەپ ايىپتادى: چىن شۇييۋان شاڭحاي حالىقارالىق پورت ىستەرى (توبى) شەكتى جارنا سەرىكتەستىگى پارتكومىنىڭ ورىنباسار شۋجيى، باس جوراسى، پارتكوم شۋجيى، باس جوراسى، جۇڭگو فۋتبول قوعامى كەزەك اۋىسۋعا دايىندىق كورۋ گرۋپپاسىنىڭ باستىعى، جۇڭگو فۋتبول قوعامى پارتكومىنىڭ ورىنباسار شۋجيى، ءتوراعاسى قاتارلى مىندەتتەردە وتەگەن كەزىندە مىندەت قولايلىلىعىنان، سونداي - اق قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
