حان جىڭ امەريكانىڭ بۇرىنعى قازىنا مينيسترى پاۋلسونمەن كەزدەستى
2023.09.27 17:14 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 26 - كۇنى، بەيجيڭ. 9 - ايدىڭ 26 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە امەريكانىڭ بۇرىنعى قازىنا مينيسترى پاۋلسونمەن كەزدەستى.
حان جىڭ مىنالاردى ءبىلدىردى: جۇڭگو - امەريكا قارىم – قاتىناسى _ بۇگىنگى دۇنيە جۇزىندەگى ەڭ ماڭىزدى ەكى جاقتى قارىم - قاتىناس، ەڭ ءىرى وركەندەپ كەلە جاتقان ەل جانە ەڭ ءىرى دامىعان ەل رەتىندە، ەكى ەل ءار سالاداعى ءوزارا ءتيىمدى سەلبەستىكتى كۇشەيتىپ، دۇنيە ءجۇزى ەكونوميكاسىنىڭ قالپىنا كەلۋىن بىرگە ىلگەرىلەتىپ، دۇنيە جۇزىلىك سايىستارعا توتەپ بەرۋى كەرەك. جۇڭگو جاق باستان - اياق ءتوراعا شي جينپيڭ العا قويعان ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ سىندى 3 پرينسيپ بويىنشا جۇڭگو - امەريكا قارىم - قاتىناسىنا مامىلە جاسايدى جانە ونى ءبىر جاقتى ەتەدى، امەريكا جاقتىڭ جۇڭگو جاقپەن ءبىر باعىتتا ىلگەرىلەپ، جۇڭگو - امەريكا قارىم - قاتىناسىنىڭ اقاۋسىز، ورنىقتى ارناعا قايتا ءتۇسۋىن بىرگە ىلگەرىلەتۋىن ءۇمىت ەتەدى. بيىل جىل باسىنان بەرى جۇڭگو ەكونوميكاسى قايتا ورلەۋ بەتالىسىن ساقتادى، ءبىز ەكونوميكالىق قۇرىلىمدى ونان ارى ساپالىلاندىرىپ، رەفورما جاساپ، ەسىك اشۋدى تەرەڭدەتىپ، ساپالى دامۋدى جۇزەگە اسىرامىز. ءتىپتى دە كوپ امەريكا كاسىپورىندارىنىڭ جۇڭگوعا كەلىپ قارجى قوسىپ، كاسىپتى گۇلدەندىرىپ، دامۋ ورايىنان بىرگە يگىلىكتەنۋىن قارسى الامىز.
پاۋلسون مىنالاردى ءبىلدىردى: مەن جۇڭگو ەكونوميكاسىنىڭ دامۋ بولاشاعىنا سەنىمدىمىن. امەريكا – جۇڭگو قارىم - قاتىناسى دۇنيە جۇزىنە ماڭىزدى ىقپال جاسايدى، ەكى ەل قارىم - قاتىناستى، تىلدەسۋدى ساقتاپ، گۋمانيتارلىق اۋىس - كۇيىس پەن ەكونوميكا - ساۋدا سەلبەستىگىن كۇشەيتىپ، كليمات وزگەرىسى سياقتى دۇنيە جۇزىلىك سايىستارعا بىرگە توتەپ بەرۋى كەرەك. امەريكا - جۇڭگو قارىم – قاتىناسىنىڭ ورنىقتى دامۋى ءۇشىن بەلسەندى رولىمدى ساۋلەلەندىرە بەرۋگە پەيىلمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
