توراپتاعى زورلىقتى كۇش زاڭعا قايشى قىلمىستىق ارەكەتتەردى زاڭ بويىنشا جازالاۋ جونىندە جەتەكشى پىكىر جاريالادى
2023.09.26 16:29 كەلۋ قاينارى : حالىق تورابى
ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىك مينيسترلىگى توراپتاعى زورلىقتى كۇش زاڭعا قايشى قىلمىستىق ارەكەتتەردى زاڭ بويىنشا جازالاۋ جونىندە جەتەكشى پىكىردى بىرلەسىپ جاريالادى.
ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى 9 – ايدىڭ 25 – كۇنى توراپتاعى زورلىقتى كۇش زاڭعا قايشى قىلمىستىق ارەكەتتەردى زاڭ بويىنشا جازالاۋ جونىندەگى جەتەكشى پىكىردى بىرلەسىپ جاريالادى. پىكىر جالپى 20 تارماقتان قۇرالعان، بۇل توراپتاعى زورلىقتى كۇشكە ساياتىن قىلمىس اتىن قولدانۋ ەرەجەسىن ايقىنداۋ، توراپتاعى زورلىقتى كۇشكە قاتىستى زاڭعا قايشى ارەكەتتەردى ءبىر جاقتى ەتۋ ەرەجەسىن ايقىنداۋ، توراپتاعى زورلىقتى كۇش زاڭعا قايشى قىلمىستىق ارەكەتتەردى جازالاۋ جونىندەگى ساياساتتىق پرينسيپتى ايقىنداۋ سياقتىلاردى قامتيدى، توراپتاعى زورلىقتى كۇش زاڭعا قايشى قىلمىستىق دەلولارعا زاڭ قولدانۋ جانە ساياساتتى يگەرۋ ماسەلەسىنە جان - جاقتى، جۇيەلى بەلگىلەمە جاسادى.
جالپىلىق مەديا ءداۋىرىنىڭ كەلۋىنە بايلانىستى توراپتاعى زورلىقتى كۇش ماسەلەسى كۇن سايىن كورنەكتىلەنە ءتۇستى. ينتەرنەت ۆيرتۋالدى كەڭىستىك بولعانىمەن، استە زاڭنان تىسقارى جەر ەمەس! توراپ زورەكەرلەرىن ءتيىستى زاڭدىق جازاعا تارتۋ ، ازاماتتاردىڭ ۇقىق - مۇددەسىن زاڭ بويىنشا قورعاۋ، توراپ ەكولوگياسىن تازارتۋ — قوعام كوڭىل ءبولىپ وتىرعان ماسەلەلەرگە جاۋاپ قايتارىپ، حالىقتى وزەك ەتكەن دامۋ يدەياسىن امالياتتا ايگىلەۋدىڭ تابيعي تالابى.
پىكىردىڭ جاريالانىپ اتقارىلۋى توراپتاعى زورلىقتى كۇشتى جونگە سالۋدىڭ ونىمدىلىگىن ونان ارى جوعارىلاتىپ، تازا توراپ كەڭىستىگىن قالىپتاستىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
