فان يفيعا الەۋمەتتىك ايىپتاما بەرىلدى!
2023.09.28 12:16 كەلۋ قاينارى : حالىق تورابى
جۇڭگو حالىق بانكەسى پارتكومىنىڭ بۇرىنعى مۇشەسى، ورىنباسار باستىعى فان يفيدىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتتى، ەڭ جوعارى حالىق پروكۋراتۋراسىنىڭ كورسەتۋىمەن حۋبەي ولكەسى حۋاڭگاڭ قالالىق حالىق پروكۋراتۋراسى تەكسەرىپ ايىپتادى. تاياۋدا حۋاڭگاڭ قالالىق حالىق پروكۋراتۋراسى حۋاڭگاڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر فان يفيدىڭ ارىز - شاعىم ۇقىعىنا يە ەكەنىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ شاعىم ايتتى: ايىپكەر فان يفي بۇرىنعى جۇڭگو حالىق قۇرىلىس بانكەسى امانات قارجى قوسۋ سەرىكتىگى جوسپار – قازىنا ءبولىمىنىڭ مەڭگەرۋشىسى، باس مەڭگەرۋشىنىڭ كومەكشىسى، قارجى جوسپارلاۋ ءبولىمىنىڭ ورىنباسار مەڭگەرۋشىسى، جۇڭگو قۇرىلىس بانكەسى قارجى – جوسپار ءبولىمىنىڭ ورىنباسار مەڭگەرۋشىسى، قازىنا – بۇعالتىرلىق ءبولىمىنىڭ باس مەڭگەرۋشىسى، جوسپار – قازىنا ءبولىمىنىڭ باس مەڭگەرۋشىسى، بانكە باستىعىنىڭ كومەكشىسى، پارتكومنىڭ مۇشەسى، ورىنباسار بانكە باستىعى، جۇڭگو قارجى قوسۋ شەكتى جاۋاپكەرشىلىك سەرىكتىگى پارتكومىنىڭ مۇشەسى، ورىنباسار باس مەڭگەرۋشىسى، قوسىمشا شاڭحاي بانكەسىنىڭ باس جوراسى، جۇڭگو حالىق بانكەسى پارتكومىنىڭ مۇشەسى، ورىنباسار بانكە باستىعى قاتارلى مىندەتتەردى وتەگەن كەزىندە مىندەتتەگى قولايلىلىقتان، سونداي – اق ءوزىنىڭ قىزمەت ۇقىعىنان نەمەسە ورنىنان قالىپتاسقان قولايلى شارت - جاعدايدان پايدالانىپ، باسقا دا مەملەكەت قىزمەتكەرلەرىنىڭ مىندەت جاعىنداعى ارەكەتتەرى ارقىلى قاتىستى ورىندار مەن جەكەلەردىڭ قارىز اقشا الىپ قارجى قۇراۋ، كاسىپتىك كوتەرىپ الۋ، قىزمەت اۋىستىرۋ سياقتى ىستەرىنە كومەك كورسەتىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
