شۇعىل جاعدايعا توتەپ بەرۋدى باسقارۋ مينيسترلىگى بىرلەسكەن زاڭ اتقارۋ شاعىن اترەتىن ەكى جەرگە بارىپ اشىق، جاسىرىن تەكسەرۋگە جىبەردى
ۇلگى الىپ تەكسەرگەن 12 كاسىپورىننان 48 كومەسكى قاتەر تۇرىندەگى ماسەلەنى بايقادى
2023.10.07 14:02 كەلۋ قاينارى : حالىق تورابى
زاڭمەن جونگە سالۋ گازەتىنىڭ حابارى. 9 ـ ايدىڭ 25 ـ كۇنىنەن 28 ـ كۇنىنە دەيىن، ورتاڭعى كۇز مەرەكەسى مەن مەملەكەت مەرەكەسى دەمالىسىنىڭ قارساڭىندا، شۇعىل جاعدايعا توتەپ بەرۋدى باسقارۋ مينيسترلىگى بىرلەسىپ زاڭ اتقارۋ شاعىن اترەتىن جەكە ـ جەكە حيلۇڭجياڭ ولكەسى مەن شينجياڭ ۇيعۇر اۆتونوميالى رايونىنا بارىپ، ونەركاسىپ ـ ساۋدا سالاسىنداعى ەلەۋلى كومەسكى حاۋىپ ـ قاتەرلەردى ارناۋلى ءبىر ـ بىرلەپ تەكسەرۋ، جونگە سالۋداعى 2023 – جىلعى ارەكەت ورىستەتۋ جاعدايىنا اشىق، جاسىرىن تەكسەرۋ جۇرگىزىپ، جيىنى 12 كاسىپورىننان ۇلگى الىپ تەكسەرىپ، 48 ءتۇرلى كومەسكى قاتەر ماسەلەسىن بايقادى.
قازىر بۇكىل ەلدەگى باسىم كوپ ساندى رايونداردا اۋىر كومەسكى شىرعالاڭ حاۋپىن ارناۋلى تەكسەرۋ، جونگە سالۋ 2023 – جىلعى ارەكەتى كاسىپورىنداردىڭ ءوزىن – ءوزى تەكسەرۋ، ءوزىن - ءوزى تۇزەتۋ جانە تاراۋلاردىڭ كومەكتەسۋ - سۇيەمەلدەۋ ساتىسى اياقتاپ، زاڭ اتقارۋ ساتىسىنا ءوتتى. جەر ـ جەر زاڭدى قاتاڭ، دالمە - ءدال اتقارۋ ارقىلى كاسىپورىنداردىڭ ارناۋلى ارەكەتىنىڭ ورىستەتىلۋ جاعدايىنا زاڭنىڭ اتقارۋ بويىنشا تەكسەرۋ جۇرگىزىپ، كاسىپورىنداردىڭ ءوندىرىس حاۋىپسىزدىگى سۋبيەكتتىك جاۋاپكەرشىلىگىن اناعۇرلىم تياناقتاندىرۋىن ىلگەرىلەتىپ، اۋىر شىرعالاڭداردىڭ كومەسكى قاتەرىن ىشكەرىلەي ءبىر ـ بىرلەپ تەكسەرىپ، جونگە سالىپ، اۋىر حاۋىپسىزدىك حاۋىپ ـ قاتەرىن ءونىمدى تۇردە شەشىپ، شىرعالاڭنىڭ تۋىلۋىن تەجەدى.
بىرلەسكەن زاڭ اتقارۋ شاعىن اترەتى ءىشىنارا كاسىپورىنداردىڭ ارناۋلى قيمىلعا ءمان بەرۋ دارەجەسىنىڭ ءالى دە جەتەرسىز ەكەندىگىن، كەيبىر كاسىپورىنداردىڭ ءوندىرىس حاۋىپسىزدىگى سۋبيەكتتىك جاۋاپكەرشىلىگىنىڭ تياناقتانباعاندىعىن، كەيبىر كاسىپورىنداردىڭ نەگىزگى جاۋاپتىلارىنىڭ ارناۋلى ارەكەتتىڭ 5 ءتۇرلى ءتۇيىندى مىندەتى جونىندەگى تانىمىنىڭ ايقىن ەمەس ەكەنىن بايقادى، مۇندا حاۋىپسىز ءوندىرىس ەرەجە - تۇزىمدەرى كەمەلدى بولماۋ، ءتۇرلى كومەسكى قاتەردىڭ ساقتالۋى كورنەكتى بولدى. مىسالى، حاربين فىڭبەي ازىق - تۇلىك عىلىم - تەحنيكا شەكتى سەرىكتىگى بارلىق قىزمەتكەرلەردىڭ حاۋىپسىز ءوندىرىس جاۋاپكەرشىلىك ءتۇزىمى مەن حاۋىپسىز ءوندىرىس ەرەجە - تۇزىمدەرىن ورناتپاعان، كاسىپورىن شۇعىل تاراتۋ تالابىنا ۇيلەسەتىن جول قويماعان، نەگىزگى جاۋاپتى ادام زاڭدا بەلگىلەنگەن حاۋىپسىز ءوندىرىستى باسقارۋ مىندەتىن وتەمەگەن؛ شينجياڭ بايشينشىڭ اليۋمين قورىتپاسى شەكتى سەرىكتەستىگىنىڭ نەگىزگى جاۋاپتىسى ارناۋلى ارەكەتتىڭ 5 ءتۇرلى ءتۇيىندى مىندەتىن ايقىن تۇسىنە الماعان. سونىمەن بىرگە، بىرلەسكەن زاڭ اتقارۋ شاعىن اترەتى تەكسەرۋ بارىسىندا كوپتەگەن كاسىپورىنداردا كومەسكى حاۋىپ - قاتەردى دۇرىس پارىقتاماۋ، باقىلاۋ - تەكسەرۋ جابدىقتارىن ورنالاستىرۋ ۇيلەسىمسىز بولۋ، شۇعىل جاعدايعا توتەپ بەرۋ بۇيىمدارىن ورنالاستىرماۋ نەمەسە بۇيىمداردىڭ كۇشى جويىلۋ سياقتى ماسەلەلەر ورىن تەۋىپ وتىرعانىن بايقادى.
اشىق تەكسەرۋ، جاسىرىن تەكسەرۋ اياقتاعاننان كەيىن، بىرلەسىپ زاڭ اتقارۋ شاعىن اترەتى تەكسەرۋ جاعدايى مەن ماسەلە كومەسكى قاتەرى ءتىزىمىن قاراستى جەردەگى ۇكىمەتكە جانە ونىڭ باقىلاۋ ـ باسقارۋ تاراۋىنا اڭىس ەتتى ءارى قاراستى جەردەگى باقىلاۋ ـ باسقارۋ تاراۋلارىنا دەرەۋ قاتىستى كاسىپورىندارعا ناق مايداندا ءبىر جاقتى ەتۋ شارالارىن قولدانىپ، زاڭ بويىنشا دەلو تۇرعىزىپ، تەكسەرىپ ءبىر جاقتى ەتۋدى تاپسىردى، قاتىستى كاسىپورىنداردى رەتتەۋ ـ تۇزەتۋدى تياناقتاندىرۋدى كۇشەيتۋگە ۇزدىكسىز قۋزاپ، ارناۋلى ارەكەتتىڭ دالمە – ءدال زاڭ اتقارۋ ساتىسىنىڭ ىشكەرىلەي ناقتى تياناقتانۋىن ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
