ليۋ ليانگى پارتيادان ايدالدى!
2023.10.08 15:59 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جۇڭگو بانكەسى شەكتى جارنا سەرىكتەستىگى پارتكومىنىڭ بۇرىنعى شۋجيى، باس جوراسى ليۋ ليانگىنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: ليۋ ليانگى مۇرات ـ سەنىمنەن ايرىلىپ، اۋەلگى ماقساتتان، بورىشتان بەزىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل تياناقتاندىرماي، تولىق تياناقتاندىرماي، فينانس حاۋىپ ـ قاتەرىنەن ساقتانۋ جانە ونى تىزگىندەۋ مىندەتىنەن باس تارتىپ، بەلگىلەمەگە بارىنشا قايشىلىق جاساپ، امانات ـ قارىز نىساندارىنا قول سۇققان، زاڭعا قايشى قارىز اقشا تاراتىپ، اۋىر فينانس حاۋىپ ـ قاتەرىن تۋدىرعان، پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن اتقارۋدا دارمەنسىزدىك ىستەپ، تۇرعان ورنىنىڭ ساياسي ەكولوگياسىن اۋىر دارەجەدە ءبۇلدىرىپ، تيىم سالىنعان كىتاپ – جۋرنالداردى ءوز بەتىمەن شەكارادان الىپ كىرىپ، بار زەيىنىمەن ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ - ەسكەرمەي، بەلگىلەمەگە قايشىلىق جاساپ تارتۋ - تارالعى قابىلداپ، جەكەلىك ساۋىقحاناعا بارىپ، شاڭعى تەبۋ جانە ساياحات ورنالاستىرۋىن قابىلداعان. باسقارۋ وبيەكتىسىنىڭ اۆتوموبيلىن ۇزاق ۋاقىت ىستەتكەن؛ جەكە باسىنا قاتىستى ىستەردى بەلگىلەمە بويىنشا مالىمدەمەگەن، ۇيىم حات ارقىلى سۇراستىرعاندا ماسەلەنى شىنايى تۇسىندىرمەگەن، كادرلاردى بەتكە قاراپ، رەتتەپ وسىرگەن؛ بەلگىلەمەگە قايشى ساۋدامەن شۇعىلدانىپ، كاسىپورىن قۇرعان؛ بەلگىلەمەگە قايشىلىق جاساپ، قارجىعا، قارىز الۋعا كيلىككەن، قۇپيالىققا قاتىستى ماتەريالداردى ءوز بەتىمەن ساقتاپ قالعان؛ ءمورالدىق جاقتان ازعىنداپ، وتباسى ستيلى دۇرىس بولماعان، تۋىس – تۋعاندارىن باسقارماعان، تاربيە ايتپاعان؛ ءتارتىپ پەن زاڭنىڭ تومەنگى شەگىنەن اسىپ، ءوز بەتىمەن ۇقىق جۇرگىزىپ، ويىنا كەلگەنىن ىستەگەن، ”فينانسقا سۇيەنىپ فينانستان ءىشىپ – جەگەن“، قىزمەت قولايلىلىعىنان پايدالانىپ باسقالارعا قارىز اقشا الۋ، قارجى قۇراۋ، نىسان سەلبەستىگى سياقتى جاقتاردان پايدا جەتكىزگەن ءارى زاڭسىز تۇردە قوماقتى مال - مۇلىك قابىلداعان.
ليۋ ليانگى پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر دارەجەدە قايشىلىق جاساپ، قىزمەتتە زاڭعا اۋىر قايشىلىق جاساعان ءارى پارا الۋ، زاڭعا قايشى قارىز اقشا تاراتۋ قىلمىسىن وتكىزگەن، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك ىستەرى بويىنشا جازا بەرۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى ليۋ ليانگىعا پارتيادان ايداۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىرادى؛ ونىڭ پارتيا 20 - قۇرىلتايىنىڭ ۋاكىلدىك تولىمدىلىعىن توقتاتادى؛ تارتىپكە، زاڭعا قايشىلىق جاساپ تاپقان تابىسىن تاركىلەيدى؛ ونىڭ قىلمىسقا ساياتىن ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
