دۋ جاۋساي پارتيادان ايدالدى، ۇكىمەت قىزمەتىنەن قالدىرىلدى
2023.10.08 15:28 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى مەملەكەتتىك دەنە تاربيە باس مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، بۇرىنعى ورىنباسار مەكەمە باستىعى دۋ جاۋسايدىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: دۋ جاۋساي مۇرات - سەنىمنەن ايرىلىپ، اۋەلگى ماقساتتان، بورىشتان بەت بۇرىپ، پارتيانى جاپپاي قاتاڭ باسقارۋ سۋبيەكتتىك جاۋاپكەرشىلىگىن اتقارۋى دارمەنسىز بولىپ، فۋتبول سالاسىنىڭ ساياسي ەكولوگياسىن اۋىر دارەجەدە ءبۇلدىرىپ، ۇيىمنىڭ تەكسەرۋىنە قارسى تۇرىپ، سوقىر سەنىم قيمىلىمەن شۇعىلدانعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ - ەسكەرمەي، بەلگىلەمەگە قايشىلىق جاساپ تارتۋ - تارالعى، اقشا قابىلداعان، بەلگىلەمەگە قايشى فورمامەن باسقالاردىڭ قوناعاسىن قابىلداعان؛ بەلگىلەمەگە قايشىلىق جاساپ ءوزىنىڭ قاتىستى ىستەرىن ايتپاعان، ۇيىم حات ارقىلى سۇراستىرعاندا ماسەلەنى شىنايى تۇسىندىرمەگەن؛ ۇكىمەت نارسەسىن جەكە باسىنا پايدالانىپ، ”سپورتقا سۇيەنىپ ءىشىپ – جەگەن“، ”فۋتبولعا سۇيەنىپ ءىشىپ – جەگەن“، ءارى ءمانساپتى ءارى باي بولۋدى ويلاعان، ۇقىق - اقشا ساۋداسىمەن بارىنشا شۇعىلدانعان، قىزمەت قولايلىلىعىنان پايدالانىپ باسقالاردىڭ كاسىپورىن تيجاراتى، جۇمىسشى - قىزمەتكەرلەردى قابىلداۋ سياقتى جاقتارىنا پايدا جەتكىزگەن ءارى زاڭسىز تۇردە قىرۋار مال – مۇلىك العان.
دۋ جاۋساي پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر دارەجەدە قايشىلىق جاساپ، قىزمەتتە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك جازا بەرۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ج ك پ ورتالىق كوميتەتىنىڭ بەكىتۋى ارقىلى دۋ جاۋسايعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەردى؛ تارتىپكە، زاڭعا قايشى تابىسىن تاركىلەيدى؛ قىلمىس كۇمانى تاعىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىك بىرگە وتكىزىپ بەرىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
