شي جينپيڭ امەريكا پارلامەنتى كەڭەس پالاتاسى كوپ ساندىلار پارتياسىنىڭ جەتەكشىسى شۋمەرمەن جانە ونىڭ ساپارلاستارىمەن كەزدەستى
2023.10.10 16:36 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 9 - كۇنى، بەيجيڭ. 10 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا امەريكا پارلامەنتى كەڭەس پالاتاسى كوپ ساندىلار پارتياسىنىڭ جەتەكشىسى شۋمەر باستاعان امەريكا پارلامەنتى كەڭەس پالاتاسىنداعى ەكى پارتيانىڭ ۋاكىلدەر ۇيىرمەسىندەگىلەرمەن كەزدەستى.
شي جينپيڭ مىنالاردى اتاپ كورسەتتى: جۇڭگو - امەريكا قارىم - قاتىناسى − دۇنيە جۇزىندەگى ەڭ ماڭىزدى ەكى جاقتى قارىم - قاتىناس. جۇڭگو مەن امەريكانىڭ قالاي تاتۋ - ءتاتتى ءوتۋى ادامزاتتىڭ بولاشاعى مەن تاعدىرىن بەلگىلەيدى. باسەكەلەسە قارسىلاسۋ ءداۋىر اعىمىنا ۇيلەسپەيدى، ءوز ەلىنىڭ وزىندىك ماسەلەسى مەن دۇنيە ءجۇزى ءدوپ كەلىپ وتىرعان سىن - سايىستى ءتىپتى دە شەشە المايدى. جۇڭگو جاق باستان – اياق بىلاي دەپ قارايدى: جۇڭگو مەن امەريكانىڭ ورتاق مۇددەسى الاۋىزدىقتان الدەقايدا ۇلكەن، جۇڭگو مەن امەريكانىڭ ءوز تابىستارىنا قول جەتكىزۋى ءبىر - بىرىنە سىن - سايىس ەمەس، قايتا وراي. ”سيسيسدين تۇزاعى“ استە تابيعي ەمەس، كەڭ - بايتاق جەر شارى جۇڭگو مەن امەريكانىڭ ءوز دامۋىنا، بىرگە گۇلدەنىپ - كوركەيۋىنە بۇكىلدەي جەتكىلىكتى. جۇڭگو مەن امەريكانىڭ ەكونوميكاسى ىشكەرىلەي توعىسىپ، ءبىر - بىرىمەن بىتە قايناستى، قارسى جاقتىڭ دامۋىنان يگىلىككە كەنەلۋگە بولادى. دۇنيە جۇزىلىك ىندەتتەن كەيىنگى قالپىنا كەلۋ، كليمات وزگەرىسىنە توتەپ بەرۋ، حالىقارالىق جانە وڭىرلىك قولامتالى ماسەلەلەردى شەشۋ جۇڭگو مەن امەريكانىڭ سايكەسۋىن جانە سەلبەسۋىن قاجەت ەتەدى. جۇڭگو مەن امەريكا ەكى ءىرى ەل رەتىندە، ءىرى ەلدىڭ پەيىلىن، كوز اياسىن جانە جاۋاپكەرلىگىن ايگىلەپ، تاريحقا، حالىققا، دۇنيە جۇزىنە جاۋاپتى بولۋ پوزيتسياسىمەن جۇڭگو مەن امەريكانىڭ قارىم - قاتىناسىن ويداعىداي شەشىپ، ءوزارا قۇرمەت ەتىپ، بەيبىت قاتار تۇرىپ، سەلبەسىپ تەڭ يگىلىككە كەنەلىپ، ەكى ەل حالىقتارىنىڭ ىرىس - قۇتىن ارتتىرىپ، ادامزات قوعامىنىڭ العا باسۋىن جەبەپ، دۇنيە ءجۇزىنىڭ بەيبىت دامۋىنا ۇلەس قوسۋى كەرەك.
شي جينپيڭ مىنالاردى اتاپ كورسەتتى: جۇڭحۋا وركەنيەتى 5 مىڭ جىلدان استام ۋاقىت جالعاسىپ، داۋىرمەن بىرگە العا باسۋ، ءتۇرلى جاقتاردى تولىق قابىلداۋ، سەلبەسۋ، اۋىس - كۇيىس جاساۋ سىندى بەيبىتشىلىك ۇستانىمىندا باستان - اياق تاباندى بولدى. جۇڭگو ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى، مۇلدەم كەدەيلىك ماسەلەسىن تاريحي تۇردە شەشتى، جاپپاي دوڭگەلەك داۋلەتتى قوعام قۇرىپ شىقتى، مۇنىڭ ءتۇبىرلى سەبەبى جۇڭگونىڭ مەملەكەت جاعدايىنا ۇيلەسەتىن، حالىقتىڭ تىلەگىنە ۇيلەسەتىن، حالىقتىڭ قولداۋىنا، قۇپتاۋىنا يە بولعان ءساتتى دامۋ جولىن تاپقانىنان بولدى. جۇڭگو جۇڭگوشا سوتسياليزم جولىمەن جۇرۋدە ۇزدىكسىز تاباندى بولىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتىپ، بەيبىت دامۋدان اۋىتقىماي، دۇنيە جۇزىندەگى ەلدەرمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى. ءتىپتى دە كوپ امەريكا پارلامەنت مۇشەلەرىنىڭ جۇڭگوعا ساپارلاي كەلىپ، جۇڭگونىڭ وتكەنىن، قازىرگىسىن جانە بولاشاعىن اناعۇرلىم جاقسى ءتۇسىنۋىن قارسى الامىز. ەكى ەلدىڭ زاڭ شىعارۋ قۇرىلىمدارىنىڭ كوبىرەك بارىس - كەلىس جاساپ، كوبىرەك پىكىرلەسىپ، كوبىرەك اۋىس - كۇيىس جاساپ، ءوزارا ءتۇسىنىسۋدى كۇشەيتىپ، جۇڭگو - امەريكا قارىم - قاتىناسىنىڭ ورنىقتى بولۋىن، جاقسارۋىن ىلگەرىلەتۋگە بەلسەندى ۇلەس قوسۋىن ءۇمىت ەتەمىن.
شۋمەر قاتارلىلار مىنانى ءبىلدىردى: كورىكتى جۇڭگوعا ساپارلاي كەلگەنىمىزگە وتە قۋانىشتىمىز، جۇڭگو جاقتىڭ ىستىق ىقىلاسپەن كۇتىپ العانىنا العىس ايتامىز، وسى رەتكى ساپار ارقىلى جۇڭگونىڭ دامۋ ومىرشەڭدىك كۇشى مەن كومەسكى كۇشىن سەزىندىك. شۋمەر قاتارلىلار جۇڭگو - امەريكا قارىم - قاتىناسىنا قاتىستى ماسەلەلەر جونىندەگى كوزقاراستارى مەن پىكىرلەرىن تانىستىرىپ مىنانى ءبىلدىردى: امەريكا - جۇڭگو قارىم - قاتىناسىنىڭ ورنىقتى دامۋى امەريكا، جۇڭگو ەكى ەل جونىنەن توتەنشە ماڭىزدى بولىپ قانا قالماستان، دۇنيە ءجۇزىنىڭ بەيبىتشىلىگى مەن دامۋىنا دا سايادى. جۇڭگونىڭ دامۋى مەن گۇلدەنۋى امەريكا حالقىنا ءتيىمدى. امەريكا جاق جۇڭگومەن قاقتىعىس تۋىلۋىن تىلەمەيدى، جۇڭگودان قول ۇزگىسى كەلمەيدى، جۇڭگومەن اشىق، بۇكپەسىز، ءوزارا قۇرمەت ەتۋ رۋحى بويىنشا سۇحپاتتاسۋدى، پىكىرلەسۋدى كۇشەيتىپ، ەكى ەل قارىم - قاتىناسىن جاۋاپكەرلىكپەن مەڭگەرىپ، امەريكا - جۇڭگو قارىم - قاتىناسىنىڭ ورنىقتى دامۋىن ىلگەرىلەتۋدى قالايدى. امەريكا جاق جۇڭگو جاقپەن ەكى جاقتى ساۋدا، قارجى قوسۋ سەلبەستىگىن كۇشەيتىپ، كليمات وزگەرىسىنە توتەپ بەرۋ، ەسىرتكى ساتۋعا سوققى بەرۋ، وڭىرلىك قاقتىعىستى شەشۋ سياقتى ماسەلەلەر جونىندە پىكىرلەسۋدى، سەلبەستىكتى كۇشەيتۋدى ءۇمىت ەتەدى.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
