تاعى ءبىر ەل جۇڭگولىق ساياحاتشىلاردىڭ ۆيزاسىز كەلۋىن جولعا قويدى
2023.10.09 14:51 كەلۋ قاينارى : حالىق تورابى
جۇڭگونىڭ تۋنيستە تۇراتىن باس ەلشىحاناسى تورابىنىڭ 10 – ايدىڭ 7 – كۇنى بەرگەن حابارىنا قاراعاندا، تاياۋدا تۋنيس ۇكىمەتى جۇڭگولىق ساياحاتشىلارعا ۆيزاسىز شەكارادان كىرۋ ساياساتىن اتقارۋدى ۇيعارعان، ناقتى جاعداي تومەندەگىدەي:
ۆيزاسىز كىرۋ ساياساتى جۇڭگو شەكاراسى ىشىنەن نەمەسە شەكارا سىرتىنان تۋنيسكە كىرگەن جۇڭگولىق جەكەلەرگە نەمەسە توپتىق ساياحاتشىلارعا قولدانىلادى. ۇشاققا شىعۋ رەسمياتىن بىتىرگەندە جانە شەكارادان كىرگەن كەزدە اقى تولەپ قويعان قوناتىن قوناق ءۇيدىڭ زاكاز بەرۋ تالونىن (Bon-voucher)، سونىمەن بىرگە تۋنيستە ايالداۋ مەرزىمىندەگى كەلىپ – كەتەتىن ۇشاق بەلەتىن كورسەتۋى كەرەك، ەگەر قوناق ۇيگە زاكاز بەرۋ اقىسى ءۇشىنىشى جاق تەكشەسى ارقىلى تولەنسە، اقىنىڭ قوناق ۇيگە تولەنگەنىنە كەپىلدىك ەتۋ كەرەك، ويتپەگەندە جولدا توسىلىپ قالاتىن جاعداي بولۋى مۇمكىن.
ساۋدا ىستەرى، ۇيرەنۋ، قىزمەت، تۋىسشىلاۋ سياقتى باسقا دا ماقساتپەن تۋنيسكە كەلگەن ادامدار سول جەردەگى ەلشىحانالاردان، كونسۋلحانالاردان الدىن الا ۆيزا سۇراۋلارى كەرەك. تۋنيستە تۇراتىن ەلشىحانا قالىڭ جۇڭگولىق ساياحاتشىلارعا تۋنيسكە ساياحات كەزىندە زاڭ - ەرەجەلەرگە سانالى بويسۇنىپ، سول جەردىڭ ءدىنى مەن ۇلتتىق ادەتىنە قۇرمەت ەتىپ، وركەنيەتتى ساياحاتتاۋ تانىمىن ورناتىپ، جول – جوسىنعا، ءجۇرىس – تۇرىسقا ءمان بەرىپ، ەكولوگيالىق ورتانى قورعاپ، مادەني مۇرالاردى قاستەرلەپ، جۇڭگولىق ساياحاتشىلاردىڭ تاماشا وبرازىن قاي - قاشان دا ايگىلەپ، ءارى حاۋىپسىزدىك ساقتىق تانىمىن شىنايى كۇشەيتىپ، جەكە ادامنىڭ دەنساۋلىعىن قورعاۋدى ويداعىداي ىستەۋدى ەسكەرتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
