2 التىن، 3 كۇمىس، 3 مىس شينجياڭ ساڭلاقتارى ازيا سپورت جارىسىنا قاتىناسۋ تاريحىنداعى ەڭ جاقسى ناتيجەگە قول جەتكىزدى
2023.10.09 15:19 كەلۋ قاينارى : حالىق تورابى
انار بۇلت \ شينجياڭ گازەتىنىڭ حابارى. 10 – ايدىڭ 8 – كۇنى كەشتە، حاڭجوۋ 19 - كەزەكتى ازيا سپورت جارىسى حاڭجوۋ وليمپيادا سپورت ورتالىعىنىڭ نەگىزگى دەنە تاربيە الاڭىندا جابىلدى. شينجياڭ دەنە تاربيە ساڭلاقتارىنىڭ بەينەسى ۇزدىك بولىپ، جۇڭگو سپورتشىلار ۋاكىلدەر ۇيىرمەسىنە 2 التىن، 3 كۇمىس، 3 قولا مەدال الىپ بەرىپ، ازيا سپورت جارىسىنا قاتىناسۋ تاريحىنداعى ەڭ جاقسى ناتيجەگە قول جەتكىزدى.
وسى كەزەكتى ازيا سپورت جارىسىندا شينجياڭ ۇيعۇر اۆتونوميالى رايوندىق دەنە تاربيە مەكەمەسىنەن مەملەكەتتىك كومانداعا بارعان 8 سپورتشىنىڭ بارلىعى مەدالعا يە بولدى. مۇنىڭ ىشىندە قايراڭ ۆاليبولشىسى شيا شين - ي مەملەكەتتىك كومانداداعى ارىپتەسى شۋە چىنمەن سەلبەسىپ، ايەلدەر قايراڭ ۆاليبول شەشۋشى جارىسىندا تاماشا سايكەسۋ ارقىلى نولگە قارسى 2 ۇپايمەن جاپونيا قۇراماسىن جەڭىپ، ءبىر التىن مەدالدى قانجىعالادى، بۇل شيا شين – يدىڭ قاتارىنان 3 كەزەك ازيا سپورت جارىسىندا جۇڭگو دەنە تاربيە ۋاكىلدەر ۇيىرمەسىنە التىن مەدال الىپ بەرۋى بولدى. بوكسشى توقتاربەك تاڭاتقان ۇلى ەرلەردىڭ 80 كيلوگرامدىق سالماقتاعى شەشۋشى جارىسىندا، نولگە قارسى 5 ۇپايمەن فيليپپين بوكسشىسى يۋمير فەليكس ماسيانى جەڭىپ، ەڭ جوعارى سيلىق ساحناسىنا شىقتى، بۇل شينجياڭ بوكىسشىسىنىڭ ازيا سپورت جارىسىندا تۇڭعىش رەت جۇڭگو دەنە تاربيە ۋاكىلدەر ۇيىرمەسىنە التىن مەدال الىپ بەرۋى.
سۋرەتتە: شيا شين - ي (وڭنان ءبىرىنشى) مەن شۋە چىن جارىستان كەيىن تىلشىلىكتى قابىلدادى. انار بۇلت/ شينجياڭ گازەتىنىڭ ءتىلشىسى رىن جياڭ فوتوسى
ات ونەرى سپورتشىسى لان چاۋ مەملەكەتتىك كومانداداعى ارىپتەسىمەن بىرگە ات ونەرى سالتاناتىنىڭ توپتىق شەشۋشى جارىسىندا كۇمىس مەدال الدى؛ قايراڭ ۆاليبولشىسى ابدۇقاليجان ءمۇتالىپ مەملەكەتتىك كومانداداعى ارىپتەسى ۋ جياشينمەن بىرگە ەرلەردىڭ قايراڭ ۆاليبول شەشۋشى جارىسىندا كۇمىس مەدال الدى؛ ساداق اتۋ جارىسىندا جاس مەرگەن ان چيشۋان جۇڭگو ايەلدەر ساداق اتۋ قۇراماسىنداعى ارىپتەسىمەن بىرگە يىلمەلى ساداق اتۋ ايەلدەر توپتىق شەشۋشى جارىسىنا قاتىناسىپ، كۇمىس مەدال الدى؛ جەڭىل اتلەتيكا سپورتشىسى ابدۇعاني تۇرعىن ەرلەر ديسكى تۇرىندە قولا مەدال الدى؛ بالۋان كابيران ابۇشايمان ۇلى ەرلەردىڭ 97 كيلوگرامدىق ەركىن كۇرەس جارىسىندا قولا مەدال الدى؛ باسكەتبول سپورتشىسى جاۋ رۇي جۇڭگو ەرلەر باسكەتبول كومانداسىمەن بىرگە قولا مەدال الدى.
سۋرەتتە: لانچاۋ مەن ونىڭ جاقسى كورەتىن تۇلپارى Leone حاڭجوۋ ازيا سپورت جارىسىندا. سۋرەتتى سپورتشىنىڭ ءوزى بەرگەن
بۇدان سىرت، سىرتقا كەتكەن شينجياڭدىق دەنە تاربيە ساڭلاقتارى دا ءوز رولدارىن ايتارلىقتاي ساۋلەلەندىردى. اقسۋ قالاسىنان كەلگەن اديجان سۇلتان 4 ادامدىق قوس ەسكەكتى قايىقتىڭ شەشۋشى جارىسىندا التىن مەدال الدى؛ تارباعاتاي ايماعىنىڭ ءدوربىلجىن اۋدانىنان كەلگەن بايقونىس دانابەك ۇلى ەرلەر بوكىسىنىڭ 92 كيلوگرامنان جوعارى دارەجەسىندەگى جارىستا قولا مەدالدى قانجىعالادى؛ ءۇرىمجى قالاسىنان كەلگەن حۋ ميڭشۋان مەن كورلا قالاسىنان كەلگەن حۋ جينچيۋ، جاۋ رۇيمەن بىرگە جۇڭگو ەرلەر باسكەتبول كومانداسىندا قولا مەدال الدى؛ قاشقاردىڭ جاس جەتكىنشەگى ابراحان حالىق پەن التايدىڭ جاس جەتكىنشەگى ەلجان شىنار ۇلى جۇڭگو ەرلەر فۋتبول كومانداسىندا 8 مىقتى كوماندا قاتارىنا كىردى.
”وسى كەزەكتى ازيا سپورت جارىسىندا جۇڭگو قۇراماسىنىڭ شينجياڭدىق سپورتشىلارى ۇزدىك ناتيجەگە قول جەتكىزىپ، وتانعا داڭق اپەرۋ، شينجياڭنىڭ ابىرويىن اسىرۋ نىساناسىن جۇزەگە اسىردى“. شينجياڭ ۇيعۇر اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى شاڭ حۇڭبو بىلاي دەپ قارادى: شينجياڭنىڭ سپورت ساڭلاقتارىنىڭ حاڭجوۋ ازيا سپورت جارىسىنداعى قايسارلىقپەن كۇرەس جۇرگىزۋ رۋحى القاۋعا تاتيدى. سونىمەن بىرگە، جاقسى ناتيجەگە قول جەتكىزۋ شينجياڭنىڭ سوڭعى جىلداردان بەرى باسەكەلىك دەنە تاربيەنى دامىتۋ بارىسىنداعى قاتاڭ باسقارۋىنىڭ، عىلىمي جاتتىعۋىنىڭ ناتيجەسى. قايسارلىقپەن كۇرەس جاساۋ رۋحى ءارقايسى كوماندانىڭ جاتتىعۋىمەن ساباقتاسىپ، ”وتاننىڭ داڭقى بارلىعىنان جوعارى تۇرادى“ دەيتىن كوماندا قۇرۋ ماقساتى جۇرت جۇرەگىنە تەرەڭ ۇيالادى. شينجياڭ دەنە تاربيە ساڭلاقتارىنىڭ داندايسۋدان، ۇشقالاقتىقتان اۋلاق بولىپ، كۇش ۇستىنە كۇش قوسىپ، پاريج وليمپيادا سپورت جارىسىنىڭ دايىندىق قىزمەتىن ۇزدىكسىز جاقسى ىستەپ، جۇڭگو كومانداسى ءۇشىن ءتىپتى دە كوپ تىڭ تابىستارعا قول جەتكىزۋىن ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
