لي شياۋپىڭ پارتيادان ايدالىپ، ۇكىمەت قىزمەتىنەن قالدىرىلدى
2023.10.10 16:19 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جۇڭگو گۋاڭدا توبى جارنا سەرىكتەستىگى پارتكومىنىڭ بۇرىنعى شۋجيى، بۇرىنعى باس جوراسى لي شياۋپىڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: لي شياۋپىڭ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، ۇيىمنىڭ تەكسەرۋىنە قارسىلىق بىلدىرگەن؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەپ - ەسكەرمەگەن، بەلگىلەمەگە قايشىلىق جاساپ تارتۋ - تارالعى، اقشا قابىلداعان، قوناعاسىنى قابىلداعان؛ ۇيىمدىق پرينسيپكە قايشىلىق جاساپ، جەكە باسىنا قاتىستى ىستەردى بەلگىلەمە بويىنشا مالىمدەمەگەن، كادرلاردى تاڭداپ ىستەتۋ قاتارلى جاقتاردا باسقالارعا پايدا جەتكىزگەن؛ باسقارۋ جانە قىزمەت وتەۋ وبيەكتىسىنىڭ اقشاسىن بەلگىلەمەگە قايشى فورمامەن ىستەتىپ تۇرعان، بازارعا شىقپاعان سەرىكتەستىكتىڭ جارناسىنا يە بولعان، قىزمەت ۇقىعىنان پايدالانىپ تۋىستارىنىڭ ساۋداسىنا پايدا جەتكىزگەن؛ كادرلاردى تاڭداپ ىستەتۋدەگى جاريا بولماعان ىستەردى جاريالاعان؛ وتباسى تاربيەسى، وتباسى ستىلى دۇرىس بولماعان؛ ءارى ءمانساپتى، ءارى باي بولۋدى ويلاعان، ۇزاق ۋاقىت ۇقىعىنان پايدالانىپ قارا باسىنىڭ قامىن كۇيتتەپ، ”فينانسقا سۇيەنىپ فينانستان ءىشىپ – جەگەن“، قىزمەت قولايلىلىعىنان پايدالانىپ، باسقالاردىڭ قارىز اقشا الىپ قارجى قۇراۋ، كاسىپتى كوتەرمەگە الۋ سياقتى جاقتاردا پايدا تابۋىنا مۇمكىندىك جاراتقان ءارى زاڭسىز تۇردە قوماقتى مال - مۇلىك قابىلداعان.
لي شياۋپىڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر دارەجەدە قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى لي شياۋپىڭعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەردى؛ تارتىپكە، زاڭعا قايشى تابىسىن تاركىلەدى؛ قىلمىس كۇمانى تاعىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىك بىرگە وتكىزىپ بەرىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
