سۇن شۋتاۋ پارتيادان ايدالىپ، ۇكىمەت قىزمەتىنەن قالدىرىلدى
2023.10.10 16:21 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى شاندۇڭ ولكەلىك ساياسي كەڭەس پارتيا باسشىلىق گرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى سۇن شۋتاۋدىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: سۇن شۋتاۋ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، شىنايى بولماي، ۇزاق ۋاقىت ۇيىمدى الداپ، ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساپ، بەلگىلەمەگە قايشى تارتۋ - تارالعى، تۇتىنۋ كارتچكاسىن العان، ۇكىمەت قىزمەتىن ءادىل اتقارۋعا ىقپال جەتكىزۋى مۇمكىن بولعان كۇتىنۋ ورنالاستىرۋى مەن قوناعاسى ورنالاستىرۋىن قابىلداعان؛ جەكە باسىنا قاتىستى ىستەردى بەلگىلەمە بويىنشا مالىمدەمەگەن. كادرلاردى تاڭداپ ءوسىرۋ، مىندەتكە تاعايىنداۋ بارىسىندا بەلگىلەمەگە قايشىلىق جاساپ باسقالارعا پايدا جەتكىزگەن؛ جەكە كاسىپورىن قوجايىندارى ارقىلى جوعارى مولشەردە قازىنا باسقارۋدان پايدا تۇسىرگەن، قىزمەت ۇقىعىنان پايدالانىپ تۋىس - تۋعاندارىنىڭ تيجارات قيمىلدارىنا پايدا جەتكىزگەن، ۇقىق – ءناپسى ساۋداسى، اقشا – ءناپسى ساۋداسىمەن شۇعىلدانعان؛ ساياسي ناتيجە كوزقاراسى بۇرمالانىپ، جەكە باسىنىڭ العا باسۋى ءۇشىن ەكونوميكالىق ساندى مالىمەتتى جالعاننان جاساعان؛ ءمانساپتى بولۋدى دا، باي بولۋدى دا ويلاعان، ۇقىق - اقشا ساۋداسىن دا جۇرگىزىپ، قىزمەت قولايلىلىعىنان پايدالانىپ، باسقالارعا كاسىپورىن تيجاراتى، قىزمەت مىندەتىن رەتتەۋ سياقتى جاقتاردا پايدا جەتكىزگەن، سونداي - اق زاڭسىز تۇردە قىرۋار مال – مۇلىك العان.
سۇن شۋتاۋ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي ، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى سۇن شۋتاۋعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەردى؛ شاندۇڭ ولكەسىنىڭ 12 - رەتكى پارتيا قۇرىلتايىنىڭ ۋاكىلدىك تولىمدىلىعىن كۇشىنەن قالدىردى؛ تارتىپكە، زاڭعا قايشى تابىسىن تاركىلەدى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، وعان ساياتىن مال - مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
