بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

پالەستينا مەن يزرايلدىڭ جاڭا كەزەكتى قاقتىعىسىندا قازا بولعانداردىڭ سانى 1600 گە جەتتى

2023.10.10 15:16     كەلۋ قاينارى : حالىق تورابى


  شينحۋا اگەنتتىگىنىڭ 10 – ايدىڭ 9 – كۇنى گازادان/ يەرۋساليمنەن بەرگەن حابارى. (تىلشىلەر ليۋ ۋەيجيان، لۇي يىڭشۇي) پالەستينانىڭ گازا وڭىرىندەگى دەنساۋلىق ساقتاۋ تاراۋى 10 – ايدىڭ 9 – كۇنى كەشتە مالىمدەمە جاريالاپ بىلاي دەدى: يزرايل ارمياسى گازا وڭىرىنە شابۋىل جاساپ، 687 ادام قازا بولىپ، 3726 ادام جارالاندى. يزرايلدىڭ اقپارات قۇرالدارى سول كۇنى كەشتە، پالەستينا مەن يزرايلدىڭ جاڭا ءبىر كەزەكتەتى قاقتىعىسىندا يزرايلدان 900 دەن ارتىق ادام قازا بولدى دەپ حابارلادى.

  يزرايلدىڭ دەنساۋلىق ساقتاۋ مينيسترلىگىنىڭ حابارىنا قاراعاندا، مەملەكەت بويىنشا ءارقايسى ۇلكەن شيپاحانالار قابىلداعان جارالىلار 2741 ادامعا جەتكەن. يزرايلدىڭ ۇكىمەت ءمانساپتىلارى شينحۋا اگەنتتىگى ءتىلشىسىنىڭ سۇحباتىن قابىلداعاندا ءولىم – ءجىتىم مولشەرى تاعى دا ارتادى دەدى. يزرايل ارمياسىنىڭ حابارىنا قاراعاندا، كەزەكتە يزرايل ارمياسى وڭتۇستىكتە شەكارادان ءوتىپ يزرايلعا كىرگەن پالەستين يسلام قارسىلىق كورسەتۋ قوزعالىسىنىڭ (حاماس) قارۋلى ادامدارىمەن سوعىسۋدا.

  پالەستيندىك حابارشى 10 – ايدىڭ 9 – كۇنى شينحۋا اگەنتتىگىنىڭ تىلشىسىنە بىلاي دەدى: يزرايل ارمياسى سول كۇنى تۇستەن كەيىن گازا قالاسىنا ءجيى - ءجيى اۋە شابۋىلىن جاساپ، كەم دەگەندە 86 عيمارات زيانعا ۇشىرادى.

  حاماسقا قاراستى قارۋلى توپ كارسان بريگاداسىنىڭ مالىمدەمەشىسى ابۋ ۋبايدا 10 – ايدىڭ 9 - كۇنى كەشتە مالىمدەمە جاريالاپ، حاماس ۇزاق ۋاقىتتىق شايقاسقا دايىندالىپ بولدى ءارى بارلىق مۇمكىندىككە ويداعىداي دايىندىق جاسادى دەدى.

  پالەستينا اگەنتتىگىنىڭ 10 – ايدىڭ 9 – كۇنى بەرگەن حابارىنا قاراعاندا، پالەستينانىڭ زۇڭتۇڭى ابباس سول كۇنى ب م ۇ ـ نىڭ باس حاتشىسى گۋتەررەسپەن تەلەفوندا سويلەستى. ابباس بىرلەسكەن مەملەكەتتەر ۇيىمىن دەرەۋ كيلىگۋگە، يزرايلدىڭ پالەستينا حالقىنا جاساعان شاپقىنشىلىعىن تەجەۋگە ۇندەدى ءارى گازا وڭىرىنە ەمدەۋ جاعىنان كومەك بەرۋدىڭ ماڭىزدىلىعىن باسا دارىپتەدى. گۋتەررەس بىلاي دەدى: ب م ۇ قاتىستى جاقتارمەن بارىس ـ كەلىس جاساپ، جاعدايدىڭ ۇزدىكسىز ۋشىعۋىنان ساقتانۋدا.

  يزرايل مەن پالەستينا اراسىندا 10 – ايدىڭ 7 – كۇنى جاڭا ءبىر كەزەكتى اسكەري قاقتىعىس تۋىلدى، حاماس سول كۇنى يزرايلعا اسكەري ارەكەت جاسادى، يزرايل ارمياسى گازا وڭىرىنە كوپ رەت اۋە شابۋىلىن جاسادى. قاقتىعىس ءالى دە جالعاسۋدا.

  كەلۋ قاينارى: حالىق تورابى




جاۋاپتى رەداكتورى : مانەپ ەربول ۇلى