جاپونيادا جۇقپالى تۇماۋ تەز قارقىنمەن تارالۋدا
2023.10.12 14:14 كەلۋ قاينارى : حالىق تورابى
شينحۋا اگەنتتىگىنىڭ 10 – ايدىڭ 11 - كۇنى توكيودان بەرگەن حابارى: جاپونيادا بۇرىنعى جىلدارى 11 – ايدان 12 – اي ارالىعىندا باستاپ تارالاتىن جۇقپالى تۇماۋ، بيىل 9 – ايدان باستاپ تارالدى، بۇكىل ەلدىڭ جەر ـ جەرىندەگى مالىمدەلگەن ناۋقاستاردىڭ سانى جەدەل ارتتى.
جاپونيانىڭ دەنساۋلىق ساقتاۋ، ەڭبەك جانە قوعامدىق يگىلىك مينيسترلىگىنىڭ 10 – ايدىڭ 6 – كۇنى جاريالاعان ەڭ جاڭا ساندى مالىمەتىنە قاراعاندا، –10 – ايدىڭ 1 - كۇنىنە دەيىنگى ءبىر اپتادا (9 – ايدىڭ 25 – كۇنىنەن 10 – ايدىڭ 1 – كۇنىنە دەيىن)، جاپونيانىڭ بۇكىل ەل بويىنشا شامامەن 5000 تۇراقتى ەمدەۋ قۇرىلىمى 47 مىڭ 346 ادامدى مالىمدەدى، ورتا ەسەپپەن ءاربىر بەلگىلەنگەن قۇرىلىم 9.57 ادام قابىلداعان. ال، وتكەن جىلدىڭ ۇقساس مەزگىلىندە 52 ادامنىڭ جۇقپالى تۇماۋدى جۇقتىرعانى مالىمدەلگەن. قازىر جاپونيادا بۇكىل ەل بويىنشا 2200 دەن استام مەكتەپتە بۇكىل مەكتەپ بويىنشا ساباق توقتاتۋ نەمەسە تۇتاس جىلدىقتار، تۇتاس كلاس بويىنشا ساباق توقتاتۋ جاعدايى ورىن تەۋىپ وتىر.
ماماندار بىلاي دەدى: بيىل جۇقپالى تۇماۋدىڭ ەرتە، تەز تارالۋىنىڭ باستى سەبەبى، بىرىنشىدەن، ادامداردىڭ يممۋنيتەتتىك قۋاتى ءبىرشاما تومەندەدى؛ ەندى ءبىر جاعىنان، جاپونيانىڭ ەل ءىشى - سىرتىنداعى ادامداردىڭ اعىلۋى جۋىقتان بەرى ءجيى بولدى، ادامداردىڭ الەۋمەتتىك ورىنداردا ماسكى تاعۋى ەكىتالاي.
جاپونيا ۆاكسينا عىلىمي قوعامى 9 – ايدىڭ 21 - كۇنى 2023 – جىلدان 2024 – جىلعا دەيىنگى ماۋسىمدىق جۇقپالى تۇماۋ ۆاكسيناسىن ەگۋگە قاتىستى پىكىردى جاريالاپ، جۇقپالى تۇماۋ ۆاكسيناسىن ەگۋدى ”قاتاڭ دارىپتەدى“. پىكىردە سونىمەن بىرگە بىلاي دەپ اتاپ كورسەتىلدى: ۆاكسينانىڭ ونىمدىلىگى استە شارتسىز ەمەس، ماسكى تاعۋ، قولدى ۇنەمى جۋۋ سياقتى ساقتانۋ شارالارىن قولدانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
