8 دە 10 سەلتسي گرادۋس تومەندەيدى! 10 – ايدىڭ 13 – كۇنىنەن 16 – كۇنىنە دەيىن سولتۇستىك شينجياڭدا قار، جاڭبىر جاۋادى
شينجياڭنىڭ باتىس بولەگىندە، سولتۇستىك بولەگىندە سۋىق اعىس جۇرەدى
2023.10.11 15:27 كەلۋ قاينارى : حالىق تورابى
10 – ايدىڭ 10 – كۇنى، شينجياڭ اۋا رايى ستانسياسى ماڭىزدى اۋا رايىنان مالىمەت جاريالادى. سۋىق اعىستىڭ ىقپالىنان 10 – ايدىڭ 13 – كۇنى تۇننەن 15 - كۇنى كۇندىزگە دەيىن سولتۇستىك شينجياڭنىڭ باسىم كوپ جەرىندە قار، جاڭبىر جاۋادى، باتىس بولەك، سولتۇستىك بولەك جانە تيانشان تاۋلى رايوندارىندا ورتاشادان باستاپ قالىڭ جاڭبىر جاۋادى نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. سولتۇستىك شينجياڭنىڭ باسىم كوپ بولەگىنىڭ تەمپەراتۋراسى 8 دە 10 سەلتسي گرادۋس تومەندەيدى، باتىس بولەگىندە، سولتۇستىك بولەگىندە سۋىق اعىس جۇرەدى.
الدىن الا مالىمەتتە كورسەتىلۋىنشە، 10 – ايدىڭ 13 - كۇنى تۇننەن 10 – ايدىڭ 15 - كۇنى كۇندىزگە دەيىن سولتۇستىك شينجياڭنىڭ باسىم كوپ بولەگىندە، تيانشان تاۋلى رايونىندا، وڭتۇستىك شينجياڭنىڭ باتىس بولەگىندەگى تاۋلى رايونداردا از مولشەردە جاڭبىر نەمەسە جاڭبىر ارالاس قار جاۋىپ، سوڭى قارعا اينالادى، مۇنىڭ ىشىندە سولتۇستىك شينجياڭنىڭ باتىس بولەگى، سولتۇستىك بولەگى، تيانشان تاۋلى رايونىنىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى (جالپى جاۋىن - شاشىن مولشەرى 15 تە 30 ميلليمەتر).
مۇنىڭ ىشىندە كۇشتى جاۋىن - شاشىن مەزگىلى سولتۇستىك شينجياڭنىڭ باتىس بولىگىندە، سولتۇستىك بولەگىندە 10 - ايدىڭ 13 - كۇنى تۇننەن 14 - كۇنى تۇنگە دەيىن بولادى، تيانشان تاۋلى ءوڭىرى مەن سولتۇستىك بەتكەيىندە 10 - ايدىڭ 14 - كۇنى تۇننەن 15 - كۇنى كۇندىزگە دەيىن بولادى.
بۇدان سىرت، 10 - ايدىڭ 13 - كۇنى تۇننەن 10 - ايدىڭ 15 - كۇنىنە دەيىن كۇندىز سولتۇستىك شينجياڭنىڭ باسىم كوپ بولەگىندە، تيانشان تاۋلى وڭىرىندە، شىعىس شينجياڭدا، وڭتۇستىك شينجياڭنىڭ باتىس بولىگىندەگى تاۋلى وڭىرلەردە ىلگەرىندى - كەيىندى 5 بال اينالاسىندا باتىس سولتۇستىك جەلى سوعادى، سولتۇستىك شينجياڭنىڭ، شىعىس شينجياڭنىڭ جەل وتتەرىندە 9 دا 10 بال جەل سوعادى، مەزەتتىك وتكىنىشى جەل كۇشى 11 بال بولادى، سولتۇستىك شينجياڭنىڭ ءىشىنارا جەرلەرىندە قۇمدى بوران سوعادى.
جاڭبىرلى، قارلى اۋا رايى بارىسىندا تەمپەراتۋرا كورنەكتى تومەندەيدى. 10 - ايدىڭ 14 - كۇنىنەن 16 - كۇنىنە دەيىن، سولتۇستىك شينجياڭنىڭ باسىم كوپ بولەگىنىڭ تەمپەراتۋراسى 8 دە 10 سەلستي گرادۋس تومەندەيدى، سولتۇستىك شينجياڭنىڭ باتىس بولەگىنىڭ سولتۇستىك بولەگىندەگى ءىشىنارا وڭىرلەردە سۋىق اعىس جۇرەدى؛ سولتۇستىك شينجياڭداعى جازىق رايونداردىڭ ەڭ جوعارى تەمپەراتۋراسى 5 تە 13 سەلتسي گرادۋسقا تومەندەيدى، تاۋلى رايونداردا نولدەن تومەن 3 تە 7 سەلتسي گرادۋسقا تومەندەيدى، جازىقتارداعى ەڭ تومەن تەمپەراتۋرا نولدەن تومەن 2 دە 3 سەلتسي گرادۋسقا تۇسەدى، تاۋلى رايونداردا نولدەن تومەن 4 تە 12 سەلتسي گرادۋسقا تۇسەدى.
ىلە وبلىسىندا، بۇراتالا وبلىسىنىڭ باتىس بولەگىندە، تارباعاتاي ايماعىنىڭ سولتۇستىك بولەگىندە، التاي ايماعىندا ۇقساماعان دارەجەدە قىراۋ ۇسىگى بولادى.
ورتالىق قالا ءۇرىمجىنىڭ قالا رايونىندا 10 – ايدىڭ 14 - كۇنى كەشتە سەبەزگى جاڭبىر جاۋادى، تاۋلى وڭىردە ورتاشا جاڭبىر جاۋادى نەمەسە قار ارالاس جاڭبىر جاۋىپ، سوڭى قارعا اينالادى، باتىس سولتۇستىكتەن 4 تە 5 بال جەل سوعادى. 10 – ايدىڭ 15 – كۇنى قالا رايونىندا ەڭ جوعارى تەمپەراتۋرا 11 دە 13 سەلتسي گرادۋسقا، ەڭ تومەن تەمپەراتۋرا 3 تە 5 سەلتسي گرادۋسقا تۇسەدى؛ تاۋلى رايوننىڭ ەڭ جوعارى تەمپەراتۋراسى 2 دە 4 سەلتسي گرادۋسقا، ەڭ تومەن تەمپەراتۋراسى نولدەن تومەن 3 تە 5 سەلتسي گرادۋسقا تۇسەدى.
اۋا رايى تاراۋلارى مىنانى ەسكەرتتى: وسى رەتكى اۋا رايى بارىسىندا سولتۇستىك شينجياڭنىڭ باتىس بولىگىندە، سولتۇستىك بولەگىندە جاۋىن - شاشىن مول بولادى، قار جاۋۋ، جاڭبىر جاۋۋ، قىراۋ ۇسىگى جانە بوراندى اۋا رايىنىڭ ەگىن، مال شارۋاشىلىعى، ساياحات جانە قاتىناس، ءجۇرىس – تۇرىسقا جاسايتىن ءتيىمسىز ىقپالىنان ساقتانۋدى كۇشەيتىپ، ءتيىمدى ورايدى مىقتى يگەرىپ، كۇزگى جيىن - تەرىندى كەپتىرۋ جانە مال شارۋاشىلىق كوشى - قون قىزمەتىن ورىستەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
