قوعام حاۋىپسىزدىگى ورگاندارى ەكى قىلمىستىق توپتىڭ اتامانىن اشىق قۋعىندادى

2023.10.13 14:48 كەلۋ قاينارى : حالىق تورابى

　　10 - ايدىڭ 12 - كۇنى قوعام حاۋىپسىزدىگى مينيسترلىگىنىڭ تورابى مىناداي حابار جاريالادى: قوعام حاۋىپسىزدىگى ورگانى چىن يانبان (باۋ يانبان)، شياۋ يانكۋاي (حى چۇنتيان) سىندى تەلەگراف، توراپ الدامكوستىگى قىلمىستىق توبىنىڭ 2 اتامانىنا اشىق قۋعىنداۋ شىعاردى، تولىق مازمۇنى تومەندەگىدەي:

　　قوعام حاۋىپسىزدىگى ورگاندارى چىن يانبان (باۋ يانبان)، شياۋ يانكۋاي (حى چۇنتيان) تەلەگراف، توراپ الدامكوستىگى قىلمىستىق توبىنىڭ 2 اتامانىنا اشىق قۋعىنداۋ شىعاردى

　　قازىر بيرمانىڭ سولتۇستىگىندەگى ەلىمىزگە ساياتىن تەلەگراف، توراپ الدامكوستىگى قىلمىسىنىڭ جاعدايى قيىن، قوعامدىق زالالى اۋىر، حالىق بۇقاراسىنىڭ اڭىسى كۇشتى. جىجياڭ ولكەسى حاڭجوۋ قالالىق قوعام حاۋىپسىزدىگى مەكەمەسى، يۇننان ولكەسى كۇنميڭ قالالىق قوعام حاۋىپسىزدىگى مەكەمەسى تەكسەرۋ ارقىلى چىن يانباننىڭ (تاعى ءبىر اتى باۋ يانبان)، شياۋ يانكۋايدىڭ (تاعى ءبىر اتى حى چۇنتيان) بيرمانىڭ سولتۇستىگىندەگى ەلىمىزگە ساياتىن تەلەگراف، توراپ الدامكوستىگى قىلمىستىق توبىنىڭ ماڭىزدى اتامانى ەكەنىن، ۇزاق ۋاقىت بويى الدامشىلىق اپانىن اشىپ، جۇڭگو ازاماتتارىنا باعىتتالعان تەلەگراف، توراپ الدامكوستىگى قىلمىستىق ارەكەتتەرىن جۇرگىزگەندىگىن بايقادى، الدامشىلىق سوماسى وراسان زور، سيپاتى توتەنشە ناشار.

　　تەكسەرۋ ارقىلى چىن يانبان مەن شياۋ يانكۋايدىڭ قىلمىس فاكتىلەرى انىق، دالەل - ىسپاتى تولىق ەكەندىگى انىقتالدى، جىجياڭ ولكەسى حاڭجوۋ قالالىق قوعام حاۋىپسىزدىگى مەكەمەسى، يۇننان ولكەسى كۇنميڭ قالالىق قوعام حاۋىپسىزدىگى مەكەمەسى ونى اشىق سيلىق بەرىپ قۋعىنداۋدى ۇيعاردى. قوعام حاۋىپسىزدىگى ورگانى قىلمىس كۇماندىسى چىن يانبان مەن شياۋ يانكۋايدىڭ جاعدايدى جىعا تانىپ، اتىنىڭ باسىن تارتىپ، ىرىقتىلىقپەن ءوزىن مالىمدەپ، كەڭشىلىككە قول جەتكىزۋگە قۋزادى. سونىمەن بىرگە قوعامنىڭ ءار سالاسىنداعىلاردىڭ جانە قالىڭ حالىق بۇقاراسىنىڭ بەلسەنە اشكەرەلەۋىن، قىلمىس كۇماندىلارىن ۇستاۋىنا كومەكتەسۋىن ءۇمىت ەتەدى. ءونىمدى دەرەكتەرمەن قامداپ جانە ۇستاۋعا كومەكتەسىپ ەڭبەك سىڭىرگەن ادامدارعا قوعام حاۋىپسىزدىگى ورگانى 100 مىڭ دا 500 مىڭ يۋانعا دەيىن سيلىق بەرەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved