جالعان كۋالاندىرۋدى ارناۋلى جونگە سالۋ ارەكەتى ورىستەتىلەدى
2023.10.13 14:15 كەلۋ قاينارى : حالىق تورابى
حالىق گازەتىنىڭ 10 – ايدىڭ 12 – كۇنى بەيجيڭنەن بەرگەن حابارى. مەملەكەتتىك بازاردى باقىلاۋ - باسقارۋ باس مەكەمەسى مەن قوعام حاۋىپسىزدىگى مينيسترلىگى تاياۋدا «بازاردى باقىلاۋ - باسقارۋ باس مەكەمەسىنىڭ، قوعام حاۋىپسىزدىگى مينيسترلىگىنىڭ جالعان كۋالاندىرۋدى ارناۋلى جونگە سالۋ ارەكەتىن ورىستەتۋ جونىندەگى ۇقتىرۋىن» بىرلەسىپ باسىپ تاراتىپ، 3 ايلىق ارناۋلى وڭاۋ قيمىلىن ورىستەتۋدى بىرلەسىپ ورنالاستىردى، مۇندا جالعان كۋالاندىرۋ زاڭعا قايشى ارەكەتتەرىن شوعىرلى جونگە سالىپ، ساپالى كۋالاندىرۋدىڭ ونىمدىلىگى مەن الەۋمەتتىك سەنىمدىلىگىن جوعارىلاتىپ، شىنايى، سەنىمدى، ءادىل باسەكەلەسەتىن بازار ورتاسىن قالىپتاستىرادى.
ۇقتىرۋدا مىنالار باسا دارىپتەلدى: كۋالاندىرۋ قۇرىلىمدارىنىڭ كۋالىك ساتىپ الۋ، كۋالىك ساتۋ، جالعان كۋالىك بەرۋ، بەكىتۋدەن وتكىزبەي تۇرىپ كۋالاندىرۋ قيمىلىن ورىستەتۋ، كۋالىك پەن تەكسەرۋ مالىمەتىن جالعاننان جاساۋ، مالدانۋ سىندى زاڭعا قايشى ارەكەتتەرىنە قاتاڭ سوققى بەرىپ، جالعان كۋالاندىرۋ جاعدايىن باتىل تەجەۋ كەرەك؛ ينتەرنەت ساۋدا تەكشەسىندە جارىققا شىققان ”كۇنبە كۇن كۋالىك شىعارۋ / مالىمەت شىعارۋ“، ”تىكە كۋالىك بەرۋ“، ”ۇلگى جولداماي تەكسەرۋ“، ”تەكسەرۋدەن وتكىزۋگە كەپىلدىك ەتۋ“ سياقتى جالعان كۋالاندىرۋ، جالعان ۇگىت ينفورماتسيالارىن شوعىرلى اداقتاپ، كۋالاندىرۋ قيمىلىنىڭ ينتەرنەتتە ساتىلۋىن ارناعا ءتۇسىرۋ كەرەك. قاتىستى جالعان سايتتار مەن زاڭسىز سايتتاردى زاڭ بويىنشا توقتاتىپ، جالعان كۋالاندىرۋ ساۋداسىن تۋ باستان جونگە سالىپ، سۋبيەكتتىك جاۋاپكەرشىلىكتى تياناقتاندىرۋدى مىقتى يگەرىپ، كۋالاندىرۋ قۇرىلىمدارىن، توراپ ساۋدا تەكشەلەرىن زاڭ - ەرەجەلەرگە سالىستىرىپ، ءوزىن - ءوزى تەكسەرىپ، ءوزىن - ءوزى تۇزەتىپ، كۋالاندىرۋ ارەكەتىن ۇزدىكسىز ارناعا تۇسىرۋگە قۋزاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
