تۇڭعىش ۇرىمجىدەن سامارحانعا توتە ۇشاتىن جولاۋشى تاسىمال لەنياسى اشىلدى
2023.10.18 15:41 كەلۋ قاينارى : حالىق تورابى
10 - ايدىڭ 15 - كۇنى ساعات 23 تەن 20 مينۋت وتكەندە، 32 جولاۋشى وتىرعان جۇڭگو وڭتۇستىك اۆياتسيا سەرىكتەستىگىنىڭ CZ5053 كەزەكشى ۇشاعى ءۇرىمجى ديوپۋ حالىقارالىق اۋەجايىنان ۇشىپ وزبەكستاننىڭ سامارحان قالاسىنا جول الدى، بۇل ەلىمىز بەن سامارحان اراسىندا قاتىنايتىن تۇڭعىش مەرزىمدى اۋە جولى، سونداي ـ اق، شينجياڭ مەن وزبەكستان اراسىندا اشىلعان ەكىنشى اۋە جولى.
سامارحان ورتا ازياداعى ەڭ بايىرعى قالالاردىڭ ءبىرى ءارى وزبەكستاننىڭ ەكىنشى ۇلكەن قالاسى. بۇل اۋە جەلىسىنىڭ اشىلۋى جىبەك جولى ەكونوميكالىق بەلدەۋى وزەكتى رايون قۇرىلىسىن ونان ارى ىلگەرىلەتىپ، وڭىرلەر اراسىنداعى ەكونوميكانىڭ دامۋى مەن مادەنيەت اۋىس ـ كۇيىسىنە اناعۇرلىم قولايلى، جوعارى ءونىمدى ”كەڭىستىك كوپىرىن“ ازىرلەيدى.
ۇعىسۋعا قاراعاندا، وسى رەت جاڭادان اشىلعان ۇرىمجىدەن سامارحانعا باراتىن اۋە جولىنىڭ كەزەكشى ۇشاق ءنومىرى CZ5053/4 بولىپ، اپتاسىنا ءبىر كەزەكشى ۇشاق قاتىنايدى، مۇندا B737-800 تۇرپاتتى جولاۋشىلار ۇشاعى ۇشۋ مىندەتىن اتقارادى. باراتىن CZ5053 كەزەكشى ۇشاعى ءار اپتانىڭ جەكسەنبى كۇنى بەيجيڭ ۋاقىتى بويىنشا ساعات 23 تەن 20 مينۋت وتكەندە ۇرىمجىدەن ۇشىپ، جەرگىلىكتى ۋاقىت ساعات 23 تەن 40 مينۋتتا سامارحانعا جەتەدى؛ قايتاتىن CZ5054 كەزەكشى ۇشاعى ءار اپتانىڭ دۇيسەنبى كۇنى جەرگىلىكتى ۋاقىت ساعات 01 دەن 30 مينۋت وتكەندە سامارحاننان ۇشىپ، بەيجيڭ ۋاقىتى ساعات 07 دەن 15 مينۋت وتكەندە ۇرىمجىگە جەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
