3 – كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ قارسى الۋ قوناعاسىسىنداعى توست ءسوزى
(2023 - جىلى 10 - ايدىڭ 17 - كۇنى، بەيجيڭ)
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2023.10.18 16:30 كەلۋ قاينارى : حالىق تورابى
قۇرمەتتى مەملەكەت باسشىلارى، ۇكىمەت باسشىلارى، حالىقارالىق ۇيىمداردىڭ جاۋاپتىلارى، ءار ەلدىڭ ۋاكىلدەرى، قوناقتار، حانىمدار، مىرزالار، دوستار:
قايىرلى كەش!
دوستارمەن شاتتانا باس قوسقانىما وتە قۋانىشتىمىن. الدىمەن مەن جۇڭگو ۇكىمەتى جانە جۇڭگو حالقى اتىنان، سونداي - اق حانىمىممەن بىرگە سيلى قوناقتاردىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسقانىن قىزۋ قارسى الامىن!
”كوكتەمدە گۇل اشىلسا، كۇزدە جەمىسىن جينايمىز“. ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىلدان بەرى جۇڭگو ءار جاقتاعى سەلبەستىك سەرىكتەرىمەن بىرگە بەيبىت سەلبەستىك، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىن اسقاقتاتىپ، دۇنيە جۇزىلىك ۇلاستىرۋ - تۇتاستىرۋ ءۇشىن بىرگە كۇش قوسىپ، حالىقارالىق ەكونوميكالىق سەلبەستىككە تۇعىر ازىرلەپ، دۇنيە ءجۇزى ەكونوميكاسىنىڭ ارتۋىنا قوزعاۋشى كۇش ۇستەدى.
ءبىز نەشە مىڭ ناقتى سەلبەستىك نىسانىن ورىستەتىپ، ناقتى، قوماقتى تابىستارعا قول جەتكىزىپ، دۇنيە ءجۇزىن تۇتاستىراتىن، كوركەمدىكتى ورتاقتاساتىن ايبىندى كارتينانى بىرگە جاسادىق. بۇل جەتىستىكتەر اسپاننان تۇسكەن ەمەس، الدەبىرەۋلەردىڭ جومارتتىقپەن ۇسىنعانى دا ەمەس، ءار ەل ۇكىمەتىنىڭ، كاسىپورىندارىنىڭ جانە حالقىنىڭ ەڭبەكشىلدىگىنىڭ، اقىل - پاراساتىنىڭ، باتىلدىعىنىڭ جەمىسى! ”ءبىر بەلدەۋ، ءبىر جولدى“ بىرگە قۇرۋدىڭ ات سالىسۋشىلارىنا، قۇرۋشىلارىنا قۇرمەت بىلدىرەيىك!
”ءبىر بەلدەۋ، ءبىر جولدى“ بىرگە قۇرۋ دامۋعا تالپىنادى، تەڭ يگىلىككە كەنەلۋدى قاستەرلەيدى، ءۇمىتتى جەتكىزەدى. تالىقپاي تالپىنىپ، قاجىماي - تالماي كۇرەس جۇرگىزگەندە عانا، مول تابىسقا قول جەتكىزۋگە، ۇزاق بولاشاققا پايدا جەتكىزەتىن، حالىققا باقىت جاراتاتىن ۇزاق ۋاقىتتىق ەڭبەك سىڭىرۋگە بولادى. بۇل − ءبىزدىڭ وسى ۇرپاق ساياساتشىلارىمىزدىڭ وسى زامانداعىلار مەن ۇرپاقتار الدىنداعى بورىشى. ”ءبىر بەلدەۋ، ءبىر جولدى“ بىرگە قۇرۋ العاشقى 10 جىلىن باسىپ ءوتتى، ءدال مەرەيلى ساتتە تۇر، ارىنداي العا تارتىپ، كەلەسى التىن 10 جىلدىققا قادام تاستايىق!
حانىمدار، مىرزالار، دوستار!
بۇگىنگى دۇنيە ءجۇزى ونشا تىنىش ەمەس، دۇنيە ءجۇزى ەكونوميكاسىنىڭ باسەڭدەۋ قىسىمى كۇشەيىپ، دۇنيە جۇزىلىك دامۋ كوپتەگەن سىن - سايىسقا ءدوپ كەلىپ وتىر، الايدا ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ سىندى تاريحي اعىمدى بوگەۋگە بولمايتىنىنا، حالىقتىڭ تاماشا تۇرمىسقا دەگەن تالپىنىسىن بوگەۋگە بولمايتىنىنا، ءار ەلدىڭ بىرگە دامىپ، گۇلدەنۋدى جۇزەگە اسىرۋ تىلەگىن بوگەۋگە بولمايتىنىنا كامىل سەنەمىز. ءبىز تەك سەلبەستىك اۋەلگى ماقساتىنان جازباي، دامۋ بورىشىن ەستە بەرىك ساقتاساق بولعانى، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ داۋىرلىك مەرەيىن، ءسوز جوق، اسىرىپ، ءبىزدىڭ ورتاق قۇلشىنىسىمىز بارىسىندا ادامزاتتىڭ اناعۇرلىم كوركەم بولاشاعىن اشاتىن بولامىز!
قازىر مەن كوپشىلىكتى بىرگە توسىت كوتەرۋگە ۇسىنىس ەتەمىن،
3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ تولىق تابىستى بولۋى ءۇشىن،
سيلى قوناقتار مەن ولاردىڭ ءۇي ىشىندەگىلەردىڭ سالاماتتىعى ءۇشىن،
”ءبىر بەلدەۋ، ءبىر جولدى“ بىرگە قۇرۋداعى بارلىق قاتىناسۋشىلار، قۇرۋشىلار ءۇشىن،توست كوتەرەيىك!
(شينحۋا اگەنتتىگى، 10 - ايدىڭ 17 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
