2024 ـ جىلى شينجياڭ ۇيعۇر اۆتونوميالى رايونىنىڭ ”دارىندى جوسپارى“ 5 ورتا مەكتەپتەن وقۋشى تاڭدادى
2023.10.23 14:22 كەلۋ قاينارى : حالىق تورابى
2022 - جىلى تۇڭعىش رەت سىناق ەتىلگەننەن كەيىن، شينجياڭ ۇيعۇر اۆتونوميالى رايونىنىڭ ”دارىندى جوسپارى“ 2024 - جىلى جالعاستى اتقارىلادى. بۇل جوسپار بويىنشا ءۇرىمجى 1 ـ تامىز ورتا مەكتەبى، قالالىق 8 ـ ورتا مەكتەپ سياقتى 5 ورتا مەكتەپتەن ءمورالدى دا ءبىلىمدى 50 وقۋشىنى شينجياڭ داشۋەسىنە تاڭداپ اكەلىپ، جوعارى مەكتەپتەردەگى ايگىلى وقىتۋشىلاردىڭ جەتەكشىلىگىندە عىلىمي زەرتتەۋگە، عىلىمي تالقىعا جانە عىلىمي زەرتتەۋ امالياتىنا قاتىناستىرىپ، جاستار مەن ورەندەردىڭ عىلىم ـ تەحنيكادا جاڭالىق اشۋداعى زاپاس دارىندىلارىن ىشكەرىلەي باۋليدى.
ءتىلشىنىڭ شينجياڭ ۇيعۇر اۆتونوميالى رايوندىق عىلىم - تەحنيكا قوعامىنان ۇعىسۋىنشا، جوعارى مەكتەپتەردىڭ ساپالى عىلىم - تەحنيكا وقۋ - اعارتۋ بايلىعىن اشۋدى، اشىق ۇستاۋدى شىن مانىندە جەبەۋ ءۇشىن، جوعارى مەكتەپتەر مەن ورتا مەكتەپتەر بىرلەسىپ جاستار مەن ورەندەردىڭ عىلىم - تەحنيكادا جاڭالىق اشۋداعى زاپاس دارىندىلارىن بايقاۋدىڭ جانە جەتىلدىرۋدىڭ ءونىمدى ۇلگىسىن ورناتىپ، شينجياڭ ۇيعۇر اۆتونوميالى رايوندىق عىلىم ـ تەحنيكا قوعامى مەن وقۋ ـ اعارتۋ مەڭگەرمەسى 2024 ـ جىلعى شينجياڭ ۇيعۇر اۆتونوميالى رايونىنىڭ ورتا مەكتەپ وقۋشىلارىنىڭ عىلىم ـ تەحنيكادا جاڭالىق اشۋداعى زاپاس دارىندىلارىن تاربيەلەۋ جوسپارى (تومەندە قىسقارتىلىپ ”دارىندى جوسپارى“ دەلىنەدى) قىزمەتىن ۇيىمداستىرىپ ورىستەتەدى.
”دارىندىلار جوسپارى“ — نەگىزدىك پاندەردە ۇزدىك جاڭالىق اشاتىن زاپاس دارىندىلاردى تاربيەلەۋدى ماقسات ەتكەن، جوعارى مەكتەپ مەملەكەت دارەجەلى جاس دارىندىلار جانە جوعارى مەكتەپتەرگە كومەك بەرەتىن جوعارى مەكتەپتەردىڭ ايگىلى پروفەسسورلارى جەتەكشى بولادى، تۇيىندە سىناق ەتىلەتىن ورتا مەكتەپتەردىڭ ءپان وقىتۋشىلارى نەمەسە ءپان وقىتۋشىلارى عىلىم – تەحنيكا جەتەكشىسى بولادى، ورتا مەكتەپ وقۋشىلارى جوعارى مەكتەپ جەتەكشىلەرىنىڭ جەتەكشىلىگىندە عىلىمي زەرتتەۋ نىساندارى، عىلىم - تەحنيكا قوعامدىق ۇيىمدار قيمىلى، عىلىمي زەرتتەۋ جانە عىلىمي زەرتتەۋ امالياتى سياقتى قيمىلدارعا قاتىناسادى.
2024 ـ جىلعى شينجياڭ ۇيعۇر اۆتونوميالى رايونىنىڭ ”دارىندى جوسپارى“ قىزمەتىن اتقارۋ جوباسىنا ساي، تاربيەلەيتىن جوعارى مەكتەپتى شينجياڭ داشۋەسى ەتىپ بەلگىلەپ، ماتەماتيكا، فيزيكا، حيميا، بيولوگيا، كومپيۋتەر سياقتى 5 ءپاندى قامتىدى.
كۋرسانتتار ۇرىمجىدەگى 5 ورتا مەكتەپتەن تاڭداپ الىنادى، ولار جەكە ـ جەكە ءۇرىمجى 1 ـ تامىز ورتا مەكتەبى، قالالىق 8 ـ ورتا مەكتەپ، قالالىق 68 ـ ورتا مەكتەپ، قالالىق 70 ـ ورتا مەكتەپ، شينجياڭ پەداگوگيكا داشۋەسىنە قاراستى ورتا مەكتەپ. بۇل جوسپار بويىنشا ورتا مەكتەپ وقۋشىلارىنان جيىنى 50 وقۋشى تاربيەلەنەدى، مۇنىڭ ىشىندە ءار پاننەن 10 وقۋشى تاربيەلەنەدى. ءاربىر جەتەكشى تاربيەلەگەن وقۋشى سانى پرينسيپتىك جاقتان 5 ادامنان اسىپ كەتپەۋى كەرەك. وقۋشىلاردى تاربيەلەۋ پەريودى ءبىر جىل (2024 – جىلى 1 – ايدان 2024 – جىلى 12 – ايعا دەيىن). تاربيەلەۋ مەرزىمى اياقتاعاننان كەيىن، وقۋشىلاردىڭ كەلەسى جىلعى كۋرسقا قاتىناسۋعا تىزىمدەلۋىنە بولادى.
ۇعىسۋعا قاراعاندا، شينجياڭ ۇيعۇر اۆتونوميالى رايونىنىڭ ”دارىندى جوسپارىنداعى“ وقۋشىلاردى تاڭداۋ ۋاقىتى 2023 – جىلى 10 – ايدىڭ 28 – كۇنىنەن 11 – ايدىڭ 12 – كۇنىنە دەيىن، ءوتىنىش بەرۋ ولشەمىنە ۇيلەسەتىن وقۋشىلار ءوز اۋەسى، ءپان ەرەكشەلىگى بويىنشا شينجياڭ جاستار مەن ورەندەردىڭ عىلىم - تەحنيكا تاربيەسى جانە عىلىم جالپىلاستىرۋ قيمىل تەكشەسىندە (http://xinjiang.xiaoxiaotong.org) تىزىمدەلەدى ءارى ۇستازىن تاڭدايدى. ورتا مەكتەپتەردىڭ كورسەتۋىمەن شينجياڭ ۇيعۇر اۆتونوميالى رايوندىق باسقارۋ كەڭسەسى تەكسەرىپ ماقۇلدايدى.
2022 - جىلعى مەملەكەتتىك ”دارىندى جوسپارى“ نىسانى تۇڭعىش رەت شينجياڭدا تۇيىندە سىناق ەتىلىپ، ءۇرىمجى قالاسىنان ورتا مەكتەپ بىتىرگەن 30 ۇزدىك وقۋشى تاڭدالدى. ءبىر جىلدىق نىسان اتقارۋ ارقىلى تاربيەلەنۋشىلەردىڭ عىلىم ـ تەحنيكادا جاڭالىق اشۋ قابىلەتى كورنەكتى جوعارىلاپ، مەملەكەتتىك ”دارىندى جوسپارى“ ماماندار كەڭەس بەرۋ كوميتەتىنىڭ تۇراقتاندىرۋىنا يە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
