فۋ جۇڭۋيعا الەۋمەتتىك ايىپتاۋ بەرىلدى!
2023.10.23 14:24 كەلۋ قاينارى : حالىق تورابى
ءتىلشىنىڭ ەڭ جوعارى حالىق پروكۋراتۋراسىنان ۇعىسۋىنشا، لياۋنيڭ ولكەسى شىنياڭ قالالىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ بۇرىنعى شۋجيى، مەڭگەرۋشىسى فۋ جۇڭۋيدىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، ەڭ جوعارى حالىق پروكۋراتۋراسىنىڭ كورسەتۋىمەن حيلۇڭجياڭ ولكەسى حاربين قالالىق حالىق پروكۋراتۋراسىنىڭ تەكسەرىپ ايىپتاۋىنا بەرگەن. تاياۋدا حاربين قالالىق حالىق پروكۋراتۋراسى حاربين قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ بەردى.
پروكۋراتۋرا ورگانى تەكسەرىپ ايىپتاۋ ساتىسىندا ايىپكەر فۋ جۇڭۋيدىڭ ارىز - شاعىم ۇقىعىنا يە ەكەنىن زاڭ بويىنشا ۇقتىردى ءارى ايىپكەر فۋ جۇڭۋيدى سۇراققا تارتىپ، اقتاۋشىنىڭ پىكىرىن تىڭدادى. باقىلاۋ ورگانى بىلاي دەپ ايىپتادى: ايىپكەر فۋ جۇڭۋي لياۋنيڭ ولكەلىك ەكونوميكانى باقىلاۋ مەڭگەرمەسىنىڭ ورىنباسار باستىعى، جەتەكشىسى، لياۋنيڭ ولكەلىك قازىنا مەڭگەرمەسىنىڭ باستعى، لياۋنيڭ ولكەسى پانجين قالالىق پارتكومنىڭ شۋجيى، لياۋنيڭ ولكەسى شىنياڭ قالالىق حالىق قۇرىلتايى تۇراقتى كوميتەتىنىڭ جەتەكشىسى قاتارلى مىندەتتەردى وتەگەن كەزىندە مىندەتتەگى قولايلىلىقتاردان پايدالانىپ، سونداي – اق ءوزىنىڭ قىزمەت ۇقىعىنان نەمەسە مارتەبەسىنەن قالىپتاسقان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
