سىرتقى ىستەر مينيسترلىگىنىڭ مالىمدەمەشىسى: مىڭنان استام جۇڭگو ازاماتى يزرايلدان ەلگە قايتتى نەمەسە ءۇشىنشى ەلگە باردى
2023.10.23 14:25 كەلۋ قاينارى : حالىق تورابى
شينحۋا اگەنتتىگىنىڭ 10 – ايدىڭ 20 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ماۋ نيڭ 10 – ايدىڭ 20 - كۇنى بىلاي دەدى: العاشقى ساناققا قاراعاندا، پالەستينا مەن يزرايل قاقتىعىسى تۋىلعاننان كەيىن، 1000 نان استام جۇڭگو ازاماتى يزرايلدان ەلگە قايتتى نەمەسە ءۇشىنشى ەلگە باردى.
سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: ۇعىسۋعا قاراعاندا، جۇڭگونىڭ يزرايلدا تۇراتىن ەلشىحاناسى تاياۋدا پالەستينا مەن يزرايل قاقتىعىسىنىڭ ماڭىنداعى رايونداردا قامالىپ قالعان جۇڭگو ازاماتتارىنىڭ جوتكەلۋىنە كومەكتەسكەن، قاتىستى جاعدايلاردى تانىستىرا كەتسەڭىز.
ماۋ نيڭ مىنالاردى ءبىلدىردى: 10 ـ ايدىڭ 7 ـ كۇنى پالەستينا ـ يزرايل قاقتىعىسى تۋىلعاننان كەيىن، 280 نەن استام جۇڭگو ازاماتى يزرايلدىڭ وڭتۇستىك بولەگىندەگى ستاروت قالاسىندا قامالىپ، حاۋىپسىزدىك حاۋىپ ـ قاتەرى ءبىرشاما جوعارى بولدى. سىرتقى ىستەر مينيسترلىگى يزرايلدا تۇراتىن ەلشىحانانىڭ تەزدەن ارەكەتكە كەلۋىنە جەتەكشىلىك ەتىپ، قامالىپ قالعانداردى حاۋىپسىز ورىنعا جوتكەۋدى بار كۇشپەن ۇيىمداستىردى. ەل ءىشى – سىرتىنداعىلاردىڭ، الدىڭعى شەپ پەن ارتقى شەپتىڭ ورتاق قۇلشىنۋىندا، قازىرگە دەيىن قامالىپ قالعاندار ستاروت قالاسىنان تۇگەلدەي شەگىنىپ شىقتى، ءبىر ءبولىم ادامدار ساۋدا ۇشاعىنا وتىرىپ ەلگە قايتتى.
”العاشقى ساناققا قاراعاندا، قاقتىعىس تۋىلعاننان كەيىن، مىڭنان استام جۇڭگو ازاماتى يزرايلدان ەلگە قايتتى نەمەسە ءۇشىنشى ەلگە باردى، ءبىز جۇڭگو ازاماتتارىنا ۇزدىكسىز بار كۇشىمىزبەن كومەك كورسەتەمىز“ دەدى ماۋ نيڭ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
