شاندۇڭ قوعام حاۋىپسىزدىگى مەكەمەسى بيرمانىڭ سولتۇستىگىندە تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 261 ادامدى تۇتقىندادى
2023.10.20 15:27 كەلۋ قاينارى : حالىق تورابى
ءتىلشىنىڭ شاندۇڭ ولكەلىك قوعام حاۋىپسىزدىگى مەڭگەرمەسىنەن ۇعىسۋىنشا، شاندۇڭ قوعام حاۋىپسىزدىگى ورگاندارى 10 - ايدىڭ 18 - كۇنى تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 261 ادامدى شاندۇڭعا الىپ قايتقان. بۇل بيرمانىڭ سولتۇستىگىندە زاڭعا قايشى قىلمىستارعا سوققى بەرۋ ارەكەتىن ورىستەتكەننەن بەرى، شاندۇڭ قوعام حاۋىپسىزدىگى ورگاندارى شەكارا سىرتىنان ءبىر رەتتە الىپ قايتقان قىلمىس كۇماندىلار سانى ەڭ كوپ بولعان ءبىر رەتكى ارەكەت سانالادى.
ۇعىسۋعا قاراعاندا، وسى رەتكى ارەكەتكە شاندۇڭ ولكەلىك قوعام حاۋىپسىزدىگى مەڭگەرمەسى ءبىر تۇتاس جەتەكشىلىك ەتىپ، جينيڭ، ۋەيحاي، حىزى سىندى ءۇش جەردەگى ساقشى كۇشتەرىنەن 470 ادامنان استام ساقشى كۇشىن ۇيىمداستىرىپ، قىلمىس كۇماندىلارىن ايداپ اكەلۋ مىندەتىن اتقارعان. وسى رەت ايداپ اكەلگەن قىلمىس كۇماندىلارىنىڭ كوبى مۇددەنىڭ جەتەگىنە ەرىپ، زاڭسىز جولدار ارقىلى شەكارادان شىعىپ بيرمانىڭ سولتۇستىگىندەگى وڭىرلەرگە بارىپ، تەلەكوم مەن ينتەرنەتتەن پايدالانىپ جالعاننان قارجىلاندىرۋ - قارجى قۇراۋ، ينتەرنەت ارقىلى دوستاسۋ، ينتەرنەت ارقىلى جالعان تاپسىرىس جاساۋ قاتارلى زاڭعا قايشى الدامكوستىك قىلمىستىق ارەكەتتەرگە قاتىناسقان.
ۇعىسۋعا قاراعاندا، قازىرگى تاڭداعى بيرمانىڭ سولتۇستىگىندەگى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنىڭ كۇردەلى جاعدايىنا باعىتتاي وتىرىپ، قوعام حاۋىپسىزدىگى تاراۋلارى بيرمانىڭ قاتىستى وڭىرلەرىندەگى زاڭ اتقارۋ تاراۋلارىمەن بىرگە شەكارا وڭىردە ساقشى ىستەرى سالاسىندا سەلبەستىك جاساۋدى ۇزدىكسىز كۇشەيتىپ، ەڭ جاڭا تۇجىرىم جاساعان الدامكوستىك اپاندارى مەن الدامكوستەردىڭ دەرەكتەرىن ۇزدىكسىز حابارلاندىرعان ءارى جۋىردان بەرى تۇتقىنداۋ ارەكەتىن ءجيى ورىستەتىپ، تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنىڭ ءبىر توبىن ىركەس - تىركەس قولعا تۇسىرگەن. 10 - ايدىڭ 14 - كۇنى قىلمىس كۇماندىلارىنان 2349 ادامدى تاپسىرىپ الىپ، ەلىمىزگە ايداپ اكەلگەن. مۇندا 261 ادامدى شاندۇڭ ساقشى جاعىنا وتكىزىپ بەرگەن، جينيڭ، ۋەيحاي، حىزى قوعام حاۋىپسىزدىگى ورگاندارى دەلونى ىشكەرىلەي انىقتاۋ قىزمەتىنە جاۋاپتى بولعان. (باس ستانسيا ءتىلشىسى ۋاڭ چىڭلين، جاڭ ميڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
